“Cheating” அப்படின்னு சொன்னாலே நம்ம எல்லாருக்கும் முதல்ல ஞாபகம் வர்றது ஏதோ ஒரு தப்பான பிசிக்கல் ரிலேஷன்ஷிப் தான். ஆனா, காலம் இப்போ பயங்கரமா மாறிப்போச்சுங்க. இப்போ இருக்குற டிஜிட்டல் உலகத்துல, ஒருத்தரைத் தொடாமலேயே அவங்க கூட ‘சீட்டிங்’ பண்ண முடியும்ங்கிறதுதான் கசப்பான உண்மை. “நாம என்ன தப்பா பண்ணிட்டோம்? சும்மா பேசினோம் அவ்வளவுதானே”னு நாம சொல்ற அந்த ஒரு சின்ன சமாதானம் தான் பல நேரங்கள்ல ஒரு பெரிய விரிசலோட ஆரம்பமா இருக்கு.
முன்னாடி எல்லாம் ஒருத்தர் மேல சந்தேகம் வந்தா அவங்க சட்டைப் பையைச் செக் பண்ணுவாங்க, ஆனா இப்போ அவங்க போன்ல இருக்குற அந்த ‘ஆர்க்கைவ்’ (Archive) சேட்களை செக் பண்ற நிலைமைக்கு நாம வந்துட்டோம்.
எமோஷனல் சீட்டிங் – அந்த ‘வெறும் பிரண்ட்’ மேட்டர்!
நம்ம பார்ட்னர் கிட்ட சொல்ல முடியாத சில விஷயங்களை, வேற ஒருத்தர் கிட்ட ரொம்ப நெருக்கமா, மணிக்கணக்குல பேச ஆரம்பிக்கும்போது அங்க ஒரு எமோஷனல் சீட்டிங் ஆரம்பமாகிடுது. அது ஒரு சின்ன மெசேஜா இருக்கலாம் இல்லனா ஆபீஸ்ல இருக்குற ‘ஒர்க் பெஸ்டி’ (Work Bestie) கூட ஷேர் பண்ற அந்தரங்கமான விஷயங்களா இருக்கலாம். “பாடி லெவல்ல எதுவுமே இல்லையே, அப்புறம் எப்படி அது சீட்டிங் ஆகும்?”னு கேட்டா, உங்க மனசு அந்தப் புது மனுஷரைத் தேட ஆரம்பிக்கும்போதே நீங்க உங்க பார்ட்னரை ஏமாத்த ஆரம்பிச்சிட்டீங்கன்னு தான் அர்த்தம். இது ஒரு போதை மாதிரிதான், மெதுவா ஆரம்பிச்சு ஒரு கட்டத்துல உங்க நிஜமான ரிலேஷன்ஷிப்பை விட இந்த ‘ஆன்லைன்’ உலகம் ரொம்ப இனிமையாத் தெரிய ஆரம்பிச்சிடும்.
மைக்ரோ சீட்டிங் – சோஷியல் மீடியா விளையாட்டு!
இப்போ இருக்குற இன்ஸ்டாகிராம், பேஸ்புக் யுகத்துல ‘மைக்ரோ சீட்டிங்’ (Micro-cheating) ரொம்பவே ஆபத்தானதா இருக்கு. பழைய லவ்வருக்கு லேட்டா ஹார்ட் எமோஜி போடுறது, அவங்க போஸ்ட்டை மட்டும் விடாம லைக் பண்றது, இல்லனா பார்ட்னர் பக்கத்துல இல்லாதப்போ மட்டும் ரகசியமா சேட் பண்றது – இதெல்லாம் பார்க்குறதுக்குச் சின்னதாத் தெரிஞ்சாலும், இதுவும் ஒரு வகை துரோகம் தான். உங்க பார்ட்னர் பார்த்தா வருத்தப்படுவாருன்னு தெரிஞ்சே நீங்க பண்ற எந்த ஒரு ஒளிவுமறைவான வேலையும் சீட்டிங் லிஸ்ட்ல தான் வரும். “இது ஜஸ்ட் ஒரு லைக் தானே”னு நாம நினைக்கலாம், ஆனா அந்த ஒரு லைக்குக்கு பின்னாடி இருக்குற எண்ணம் தான் மேட்டர்.
எது சரி… எது தப்பு?
உண்மையைச் சொல்லப்போனா, சீட்டிங்-கு ஒரு பொதுவான டெஃபனிஷன் (Definition) கிடையவே கிடையாது. ஒவ்வொரு ரிலேஷன்ஷிப்லையும் சில எல்லைக்கோடுகள் இருக்கும். ஒருத்தருக்கு சாதாரணமா ஒருத்தரை ரசிக்கிறது தப்பாத் தெரியாது, ஆனா இன்னொருத்தருக்கு அது ஒரு பெரிய துரோகமாத் தெரியும். அதனாலதான் “எனக்கு எது பிடிக்கும், எது பிடிக்காது”ங்கிறதை உங்க பார்ட்னர் கிட்ட ஓப்பனா பேசுறது ரொம்ப முக்கியம். அந்த எல்லைக்கோட்டைத் தாண்டும்போதுதான் அந்த ரிலேஷன்ஷிப்ல இருக்குற நம்பிக்கை உடைய ஆரம்பிக்குது. எப்போ நாம ஒருத்தர் கிட்ட இருந்து விஷயங்களை மறைக்க ஆரம்பிக்கிறோமோ, அப்பவே அங்க நம்பிக்கைங்கிற நூல் அறுந்து போயிடுது.
கடைசியில பார்த்தா, சீட்டிங் அப்படிங்கிறது வெறும் ஒரு பிசிக்கல் விஷயம் மட்டும் கிடையாது, அது உங்களை நம்பி இருக்குற ஒரு மனசை நாம எப்படி மதிக்கிறோம்ங்கிறதுல தான் இருக்கு. அந்த நம்பிக்கைங்கிற அழகான விஷயத்தை வேற ஒருத்தருக்காக விட்டுக்கொடுக்காம இருக்குறதுதான் ஒரு நல்ல ரிலேஷன்ஷிப்புக்கு அழகு. மனசு மாறலாம், ஆனா அந்த மனசை மாத்திக்காம ஒருத்தருக்காகவே இருக்குறதுல தான் உண்மையான அன்பு இருக்கு.