இந்திய எஸ்.யு.வி (SUV) சந்தையில் முடிசூடா மன்னனாகத் திகழும் மஹிந்திரா நிறுவனம், தனது வாடிக்கையாளர்களுக்குச் சற்றே கசப்பான செய்தியை வெளியிட்டுள்ளது. நிறுவனத்தின் மிகப் பிரபலமான மாடல்களான ‘தார்’ (Thar) மற்றும் ‘ஸ்கார்பியோ-என்’ (Scorpio N) ஆகியவற்றின் விலைகளை உயர்த்துவதாக மஹிந்திரா அறிவித்துள்ளது. இந்த விலை உயர்வு ஜனவரி 17, 2026 முதல் அமலுக்கு வந்துள்ளது.
எவ்வளவு உயர்வு? வழக்கமாக ஒவ்வொரு ஆண்டின் தொடக்கத்திலும் கார் நிறுவனங்கள் மூலப்பொருட்களின் விலை ஏற்றம் மற்றும் உற்பத்திச் செலவைக் காரணம் காட்டி விலையை உயர்த்துவது வழக்கம். அந்த வகையில், மஹிந்திரா தற்போது மேற்கொண்டுள்ள இந்த விலை மாற்றத்தின்படி, கார்களின் மாடல் மற்றும் வேரியண்ட்டைப் (Variant) பொறுத்து ₹10,500 முதல் ₹35,500 வரை விலை உயர்த்தப்பட்டுள்ளது.
ஸ்கார்பியோ-என் (Scorpio N) புதிய விலை நிலவரம்: குடும்பங்கள் மற்றும் ஆஃப்-ரோடு (Off-road) பிரியர்கள் மத்தியில் அமோக வரவேற்பைப் பெற்ற ஸ்கார்பியோ-என் மாடலின் அனைத்து வேரியண்ட்களிலும் விலை மாற்றம் செய்யப்பட்டுள்ளது.
- விலை உயர்விற்குப் பிறகு, ஸ்கார்பியோ-என் மாடலின் ஆரம்ப விலை (Ex-showroom) ₹13.49 லட்சமாக நிர்ணயிக்கப்பட்டுள்ளது.
- இதன் டாப் எண்ட் (Top-end) மாடலின் விலை ₹24.52 லட்சம் வரை செல்கிறது.
தார் (Thar) புதிய விலை: இளைஞர்களின் கனவு வாகனமான மஹிந்திரா தார் மாடலும் இந்த விலை உயர்லிருந்து தப்பவில்லை.
- புதிய அறிவிப்பின்படி, தார் மாடலின் ஆரம்ப விலை ₹9.99 லட்சத்தில் தொடங்குகிறது.
வாடிக்கையாளர்கள் நிலை: ஏற்கனவே மஹிந்திரா கார்களுக்குப் பல மாதங்கள் காத்திருப்பு காலம் (Waiting Period) நிலவி வரும் சூழலில், தற்போது விலையும் உயர்த்தப்பட்டிருப்பது புதிய கார் வாங்கத் திட்டமிட்டிருந்தவர்களுக்குக் கூடுதல் சுமையை ஏற்படுத்தியுள்ளது. இருப்பினும், மஹிந்திரா கார்களுக்கான மவுசு சந்தையில் குறையவில்லை என்றே தெரிகிறது. இந்த விலை உயர்வு அனைத்து டீலர்ஷிப்களிலும் உடனடியாக அமலுக்கு வந்துள்ளது.
புதிய விலைப் பட்டியல் குறித்த முழுமையான விவரங்களைத் தெரிந்துகொள்ள, வாடிக்கையாளர்கள் அருகில் உள்ள மஹிந்திரா ஷோரூம்களைத் தொடர்புகொள்ளுமாறு அறிவுறுத்தப்பட்டுள்ளனர்.