ஒரு பெண்ணின் வாழ்வில் அன்பு என்பது வெறும் உணர்வு மட்டுமல்ல; அது அவளது உடலையும் மனதையும் காக்கும் ஒரு கேடயம். “நாம் நேசிக்கப்படுகிறோம், நமக்கு ஆதரவு இருக்கிறது” என்ற ஆழமான உணர்வு, ஒரு பெண்ணின் ஒட்டுமொத்த ஆரோக்கியத்தில் ஆச்சரியத்தக்க மாற்றங்களை ஏற்படுத்துகிறது என்பது அறிவியல் ரீதியாக நிரூபிக்கப்பட்டுள்ளது.
அன்பு உணரும்போது… உடலில் என்ன நடக்கிறது?
நாம் பாதுகாப்பாகவும் நேசிக்கப்படுபவராகவும் உணரும்போது, நேசத்தின் பிணைப்பை உருவாக்கும் ஆக்சிடோசின் ஹார்மோன் சுரக்கும்போது, நம் ரத்த அழுத்தம் சீராகிறது. இதை ‘அன்பின் ஹார்மோன்‘ என்று அழைக்கிறார்கள். இது மனதிற்கு அமைதியைத் தருவதுடன், ரத்த அழுத்தத்தைக் குறைக்கவும் உதவுகிறது.
மறுபுறம், மன அழுத்தத்தை உண்டாக்கும் கார்டிசோல் (Cortisol) அளவு குறைகிறது. இதனால் நோய் எதிர்ப்பு சக்தி அதிகரிப்பதோடு, இதய ஆரோக்கியமும் மேம்படுகிறது. சுருக்கமாகச் சொன்னால், அன்பான உறவுகள் உங்கள் உடலின் ‘ஸ்ட்ரெஸ்’ பொத்தானை அணைத்து வைக்கின்றன.
உணர்ச்சிகள்… மரபணுக்களையும் பாதிக்குமா?
“அன்பு மரபணு அளவில் மாற்றத்தை ஏற்படுத்தும்” என்ற கருத்தை நாம் கவனமாகப் புரிந்து கொள்ள வேண்டும். எபிஜெனெடிக்ஸ் (Epigenetics) எனப்படும் துறையில் மேற்கொள்ளப்பட்ட ஆய்வுகள், நாம் நீண்ட காலம் இருக்கும் உணர்ச்சிப்பூர்வமான சூழல், நம் மரபணுக்கள் செயல்படும் விதத்தில் செல்வாக்கு செலுத்தக்கூடும் என்று கூறுகின்றன.
நேர்மறையான மற்றும் ஆதரவான சூழலில் இருக்கும்போது, உடல் தன்னைத்தானே குணப்படுத்திக் கொள்ளும் (Healing) சூழல் உருவாகிறது. இது ஏதோ மேஜிக் போல உடனடியாக நடப்பதல்ல; மாறாக, சீரான அன்பும் ஆதரவும் உடலின் சமநிலையைப் பேணுவதன் மூலம் நீண்ட கால ஆரோக்கியத்திற்கு வழிவகுக்கிறது.
அன்பு இல்லாத வாழ்க்கை… உடலுக்கு என்ன செய்கிறது?
மாறாக, தொடர்ந்து stress, loneliness, emotional neglect ஆகியவற்றில் வாழும் போது, உடல் constant alert mode-ல் இருக்கும்.
இதனால், தூக்கக் கோளாறுகள், ஹார்மோன் imbalance, உடல் சோர்வு, மனச்சோர்வு (depression) போன்ற பிரச்சனைகள் அதிகரிக்கலாம்.
அதனால் தான், emotional well-being என்பது physical health-க்கு ஒரு முக்கிய அடித்தளம் என்று கூறப்படுகிறது.
ஆரோக்கியமான வாழ்விற்கு நீங்கள் செய்ய வேண்டியவை:
பெண்கள் பெரும்பாலும் மற்றவர்களைக் கவனிப்பதிலேயே குறியாக இருப்பார்கள். ஆனால் உங்கள் உடல் நலம் காக்க இந்த மாற்றங்களைச் செய்யுங்கள்:
- உறவுகளைப் பலப்படுத்துங்கள்: உங்களை மதிக்கும், உங்களுக்குத் துணையாக இருக்கும் நண்பர்களுடனும் குடும்பத்தினருடனும் நேரத்தைச் செலவிடுங்கள்.
- ஆதரவைக் கேளுங்கள்: எல்லாவற்றையும் நீங்களே சுமக்க வேண்டிய அவசியமில்லை. உதவி தேவைப்படும்போது கேட்பது பலவீனம் அல்ல, அது புத்திசாலித்தனம்.
- சுய அன்பு (Self love): மற்றவர்களுக்குப் பரிமாறும் அன்பில் ஒரு துளி உங்களுக்கும் இருக்கட்டும்
அன்பு… ஒரு லக்ஷுரி இல்லை, ஒரு தேவையே
ஆரோக்கியம் என்பது வெறும் சத்தான உணவு மற்றும் உடற்பயிற்சி சார்ந்தது மட்டுமல்ல. நீங்கள் உணரும் அன்பும், பாதுகாப்பும் உங்கள் ஆரோக்கியத்தின் ரகசியக் காரணிகள். இது பெண்களுக்கு மட்டுமல்ல, அனைத்து பாலினத்தவருக்கும் பொருந்தும் என்றாலும், குடும்பத்தின் அச்சாணியாக இருக்கும் பெண்களுக்கு இந்த உணர்ச்சிப்பூர்வமான ஆதரவு ஒரு வரப்பிரசாதம்.