சர்க்கரை நோயாளிகள் சிறுநீரகப் பிரச்சனை வராமல் தடுக்க செய்ய வேண்டியவை குறித்துப் பார்க்கலாம்.
இந்தியாவில் லட்சக்கணக்கான மக்களுக்கு சர்க்கரை நோய் பாதிப்பு இருந்து வருகிறது. இப்போதெல்லாம் 30 வயதுகளில் கூட சர்க்கரை நோய் கண்டறியப்படுகிறது. சர்க்கரை நோய் வர முக்கியக் காரணமாக உடல் உழைப்பு இல்லாமை, மோசமான உணவுப் பழக்கம், மன அழுத்தம் ஆகியவை உள்ளன. சர்க்கரை நோய் (diabetes patients) வந்த பிறகு முறையான உணவுக் கட்டுப்பாடு, உடற்பயிற்சி, மன அழுத்தம் தவிர்ப்பது போன்றவையால் அதனை கட்டுக்குள் வைத்திருக்க முடியும்.
சர்க்கரை அளவை கட்டுப்பாட்டுடன் வைத்திருங்கள்
ஆனால், சர்க்கரை நோயை கட்டுப்பாட்டுடன் வைத்திருக்கத் தவறினால் பல்வேறு நோய்கள் ஏற்பட வாய்ப்புகள் உள்ளன. அது மற்ற உறுப்புகளையும் சேதப்படுத்தும். குறிப்பாக வழக்கமான நபர்களை விட சர்க்கரை நோயாளிகளுக்கு சிறுநீரக பாதிப்பு ஏற்படும் அபாயம் அதிகம் உள்ளது. ஆகவே, சிறுநீரகப் பிரச்சனையைத் (kidney Damage) தவிர்க்க சர்க்கரை நோயாளிகள் ஒருபோதும் செய்யக் கூடாத தவறுகள் குறித்துப் பார்க்கலாம்.
சிறுநீரகப் பிரச்சனை எப்படி ஏற்படுகிறது?
ரத்த சர்க்கரை அளவு நீண்ட காலத்திற்கு அதிகமாக இருக்கும்போது, அது சிறுநீரகங்களில் உள்ள சிறிய ரத்த நாளங்களை (High blood sugar damage kidneys) சேதப்படுத்துகிறது. இது படிப்படியாக சிறுநீரகத்தின் வடிகட்டும் திறனைக் குறைக்கிறது. இதனால்தான் நீரிழிவு நோயாளிகளுக்கு சிறுநீரக பாதிப்பு ஒரு தொடர்ச்சியான பிரச்சனையாக மாறுகிறது. சரியான உணவுப் பழக்கத்தின் மூலம் இந்த செயல்முறையை கணிசமாகக் குறைக்க முடியும். சிலர் செய்யும் சிறிய உணவுத் தவறுகள், கட்டுப்பாடற்ற சர்க்கரை அளவுக்கும் கடுமையான சிறுநீரக பாதிப்புக்கும் வழிவகுக்கின்றன.
சர்க்கரை நோயாளிகள் செய்யும் தவறுகள்
சர்க்கரை நோயாளிகள் செய்யும் மிகவும் பொதுவான தவறு அதிகப்படியான உப்பு உட்கொள்வதாகும். பொட்டலங்களில் அடைக்கப்பட்ட உணவுகள், உப்பு நிறைந்த தின்பண்டங்கள், ஊறுகாய்கள் மற்றும் துரித உணவுகளில் அதிக அளவு சோடியம் உள்ளது. இது ரத்த அழுத்தத்தை (blood pressure) அதிகரித்து, சிறுநீரகங்களுக்குக் கூடுதல் அழுத்தத்தை ஏற்படுத்துகிறது. மேலும், சிப்ஸ், உடனடி உணவுகள் மற்றும் பொட்டலங்களில் அடைக்கப்பட்ட இறைச்சிகள் போன்ற பதப்படுத்தப்பட்ட உணவுகளில், உடலுக்குத் தீங்கு விளைவிக்கக்கூடிய பாதுகாப்புப் பொருட்களும் ஆரோக்கியமற்ற கொழுப்புகளும் உள்ளன.
புரதத்தை மிதமாக எடுத்துக்கொள்ள வேண்டும்
தசை வளர்ச்சிக்காக அதிக புரதச்சத்து நிறைந்த உணவுகளை பலரும் சாப்பிடுகிறார்கள். இது சர்க்கரை நோயாளிகளுக்கு ஆபத்தானதாக இருக்கக்கூடும். அதாவது, அதிகப்படியான புரதம் சிறுநீரகங்களுக்குக் கூடுதல் அழுத்தத்தை ஏற்படுத்துகிறது. சிறுநீரகங்கள் ஏற்கனவே பலவீனமாக இருந்தால், அது பிரச்சனைகளை மோசமாக்கக்கூடும். அதிகப்படியான சர்க்கரை மற்றும் சுத்திகரிக்கப்பட்ட மாவுச்சத்துக்களை (Starchy foods reduced) உட்கொள்வது இரத்தச் சர்க்கரை அளவை வேகமாக அதிகரித்து, சிறுநீரக செயலிழப்பு ஏற்படும் அபாயத்தை அதிகரிக்கிறது. அதேபோல நீரிழிவு நோயாளிகள் தங்களின் சர்க்கரை உட்கொள்ளலைக் குறைத்துக் கொள்ள வேண்டும்.
சிறுநீரக பாதிப்பை தவிர்ப்பது எப்படி?
சரியான உணவு முறையைப் பின்பற்றுவதன் மூலம் சிறுநீரகங்களைப் பாதுகாக்க முடியும். உப்பு உட்கொள்ளலைக் குறைத்து, பதப்படுத்தப்பட்ட உணவுகளைத் (How to avoid kidney damage) தவிர்க்க வேண்டும். புதிய, சமச்சீரான, வீட்டில் சமைத்த உணவுகளை சாப்பிடலாம். பச்சை காய்கறிகள், முழு தானியங்கள், பருப்பு வகைகள் மற்றும் ஆரோக்கியமான கொழுப்புகளைச் சேர்த்துக் கொள்ள வேண்டும். பழங்கள் சாப்பிட வேண்டும். சமச்சீரான புரதம் எடுத்துக்கொள்வதை உறுதி செய்ய வேண்டும். சர்க்கரை நோயாளிகளுக்கு, சரியாகச் சாப்பிடுவது மட்டும் போதாது. வழக்கமான மருத்துவப் பரிசோதனைகளும் முக்கியமானவை. நிறைய தண்ணீர் குடிப்பது, ரத்தச் சர்க்கரை அளவைக் கண்காணிப்பது மற்றும் வழக்கமான சிறுநீரக செயல்பாட்டு பரிசோதனைகளை செய்துகொள்வது மிகவும் அவசியமானவை