‘அமுக்காரா’ டீ குடிச்சிருக்கீங்களா? மன அமைதி மற்றும் சக்திக்கான ஒரு பானம்

சமீப காலங்களில் “functional drinks” என்ற கருத்து அதிகமாக பேசப்படுகிறது. அதில், பாரம்பரிய இந்திய மூலிகையான அமுக்காரா சேர்த்த டீ (Ashwagandha-infused Chai) ஒரு முக்கிய இடத்தைப் பிடித்துள்ளது. மன அழுத்தத்தை குறைக்கவும், உடல் சக்தியை மேம்படுத்தவும் உதவும் ஒரு இயற்கை பானமாக இது பார்க்கப்படுகிறது.

அஷ்வகந்தா — ஏன் முக்கியம்?

Ashwagandha என்பது ஆயுர்வேதத்தில் நீண்டகாலமாக பயன்படுத்தப்படும் ஒரு மூலிகை.

ஏன் எல்லாரும் இப்போ இந்த அஸ்வகந்தா பக்கம் போறாங்கன்னு யோசிச்சீங்கன்னா, அதுக்கு ஒரு முக்கியமான காரணம் இருக்கு.  இது “adaptogen” ஆக கருதப்படுகிறது — அதாவது, உடல் stress-ஐ சமாளிக்க உதவும் தன்மை கொண்டது.

இன்னைக்கு இருக்குற அவசர உலகத்துல ‘ஸ்ட்ரெஸ்’ இல்லாத மனுஷங்களே இல்லை. இந்த அஸ்வகந்தா ஒரு சூப்பர் ஹீரோ மாதிரி வேலை செஞ்சு, நம்ம உடம்புல இருக்குற ஸ்ட்ரெஸ் ஹார்மோன்களைக் குறைக்குது. “டீ குடிச்சா தூக்கம் வராதுன்னு சொல்லுவாங்களே?” ஆனா, இந்த அஸ்வகந்தா டீ குடிச்சா அன்னைக்கு ராத்திரி நிம்மதியான தூக்கம் வரும்னு இதைக் குடிக்கிறவங்க சொல்றாங்க. அதுவும் அந்த ஒரு சிட்டிகை பவுடர் நம்ம வழக்கமான டீயோட சேரும்போது கிடைக்கிற அந்த ஒரு மணமே தனி சுகம்தான்.

தேவையான பொருட்கள்

• தண்ணீர் – 1 கப்
• பால் – ½ கப்
• தேயிலை – 1 டீஸ்பூன்
• அஷ்வகந்தா பொடி – ¼ டீஸ்பூன்
• இஞ்சி – சிறிதளவு (நறுக்கியது)
• ஏலக்காய் – 1
• இலவங்கப்பட்டை – சிறிய துண்டு
• தேன் அல்லது கருப்பட்டி – சுவைக்கு

தயாரிக்கும் முறை

முதலில் ஒரு பாத்திரத்தில் தண்ணீர் சேர்த்து, அதில் இஞ்சி, ஏலக்காய், இலவங்கப்பட்டை சேர்த்து 3–4 நிமிடங்கள் கொதிக்க விடுங்கள்.

பிறகு அஷ்வகந்தா பொடியை சேர்த்து, மேலும் சில நிமிடங்கள் மெதுவாக கொதிக்கவிடவும்.

அதற்குப் பிறகு தேயிலை மற்றும் பால் சேர்த்து 2–3 நிமிடங்கள் சுண்டவிடுங்கள். இறுதியாக வடிகட்டி, தேன் அல்லது கருப்பட்டி சேர்த்து பரிமாறலாம்.

எப்போது குடிக்கலாம்?

• காலை — ஒரு gentle energy boost க்காக
• இரவு — மன அமைதிக்காக (தூக்கத்திற்கு முன் சிறந்தது)

கவனிக்க வேண்டியவை

• அளவுக்கு மீறாமல் பயன்படுத்த வேண்டும்
• கர்ப்பிணிகள் அல்லது மருத்துவ பிரச்சினைகள் உள்ளவர்கள் மருத்துவரை அணுகுவது நல்லது
• இது ஒரு supplement, மருந்து அல்ல

ஒரு பானம்… இரண்டு பலன்கள்

அஷ்வகந்தா சாய், ஒரு சாதாரண தேநீர் அல்ல. அது உடலுக்கும் மனதிற்கும் சமநிலை தர முயலும் ஒரு wellness ritual.

பாரம்பரிய அறிவையும், நவீன வாழ்க்கை முறையையும் இணைக்கும் ஒரு சின்ன, ஆனால் பயனுள்ள மாற்றம்.