வங்க கடலில் இலங்கை அருகே மையம் கொண்டுள்ளது டிட்வா புயல். தற்போது மணிக்கு 10 முதல் 13 கி.மீ. வேகத்தில் வட தமிழ்நாட்டை நோக்கி வரும் நிலையில் நாகையில் கடல் சீற்றத்துடன் காணப்படுகிறது. இந்நிலையில் நாகை, பாம்பன், தூத்துக்குடி காரைக்கால் துறைமுகங்களில் 4ம் எண் புயல் எச்சரிக்கை கூண்டு ஏற்றப்பட்டுள்ளது.
தென்மேற்கு வங்கக் கடலில் உருவாகியுள்ள காற்றழுத்த தாழ்வு நிலை காரணமாக, பாக்ஜல சந்தி மற்றும் மன்னார் வளைகுடாவில் 40-50 கி.மீ வேகத்தில் பலத்த காற்று வீசக்கூடும் என எச்சரிக்கை விடுக்கப்பட்டுள்ளது.
வங்க கடலில் உருவாகியுள்ள டிட்வா புயல் காரணமாக நாகப்பட்டினம் மாவட்டத்திற்கு இன்றும் நாளையில் ரெட் அலர்ட் விடுக்கப்பட்டுள்ள நிலையில் மாவட்டத்தில் உள்ள கடலோரப் பகுதிகளில் பலத்த தரைக்காற்று வீசி வருகிறது.
மேலும் நாகை, நாகூர், வேளாங்கண்ணி, வேதாரண்யம் உள்ளிட்ட கடற்கரை பகுதியில் கடல் கடல் சீற்றத்துடன் காணப்படுகிறது. மீன்வளத்துறை எச்சரிக்கையை தொடர்ந்து மாவட்டத்தில் உள்ள சுமார் 600 விசைப்படகுகள் 3,500 நாட்டுப் படகுகள் கடலுக்கு மீன் பிடிக்க செல்லவில்லை.
அதி கனமழை எச்சரிக்கையை தொடர்ந்து டெல்டா மாவட்டங்களுக்கு தேசிய பேரிடர் மீட்புப் படையினர் விரைந்துள்ளனர்.
இதைத்தொடர்இந்நிலையில், நாகை, பாம்பன், தூத்துக்குடி, காரைக்கால் துறைமுகத்தில் 4-ம் எண் புயல் எச்சரிக்கை கூண்டு ஏற்றப்பட்டுள்ளது. சென்னை, கடலூர், எண்ணூர், காட்டுப்பள்ளி, புதுச்சேரி துறைமுகங்களில 2ம் எண் புயல் கச்சரிக்கை கூண்டு ஏற்றப்பட்டள்ளது.