அதிமுக துண்டை எடுத்து விட்டு தவெக துண்டுடன் விஜய் முன்னிலையில் முன்னாள் அமைச்சர் செங்கோட்டையன், முன்னாள் எம்பி சத்யபாமா உள்ளிட்ட நிர்வாகிகளுடன் இன்று (நவம்பர் 27) விஜய் முன்னிலையில் தவெகவில் இணைந்தார்.
செங்கோட்டையன் தவெகவில் இணைய போகிறார் என்று முதன் முதலில் நமது மின்னம்பலத்தில் செய்தி வெளியிட்டிருந்தோம். அதன்படியே இன்று இணைந்துள்ளார்.
இதைத்தொடர்ந்து விஜய் வீடியோ ஒன்றை வெளியிட்டுள்ளார்.
அதில், “
“அனைவருக்கும் வணக்கம். ஒரு 20 வயது இளைஞராக இருந்தபோதே எம்,ஜி.ஆரை நம்பி அவருடைய மன்றத்தில் சேர்ந்தவர். அந்த சின்ன வயதில் எம்.எல்.ஏ என்ற பொறுப்பை ஏற்றவர். அந்த இயக்கத்தின் இருபெரும் தலைவர்களுக்கு பெரும் நம்பிக்கைகுரியவராக அரசியல் களத்தில் இருந்தவர்.
இப்படி 50 வருடமாக ஒரே இயக்கத்தில் இருந்த அண்ணன் செங்கோட்டையனின் அரசியல் அனுபவமும், களப்பணியும் தமிழக வெற்றிக் கழகத்துக்கு உறுதுணையாக இருக்கும் என்ற நம்பிக்கையுடன் நம்முடன் பணியாற்ற வந்த அவரையும், அவருடன் வந்தவர்களையும் மக்கள் பணியாற்ற வரவேற்கிறேன். நல்லது மட்டுமே நடக்கும். வெற்றி நிச்சயம்” என்று வரவேற்று பேசியுள்ளார்.
