தமிழ் மொழி உலகின் பழமையானது; தமிழ் கலாசாரம் உயர்வானது என பிரதமர் நரேந்திர மோடி பாராட்டும் பெருமிதமும் தெரிவித்துள்ளார்.
பிரதமர் மோடி தமது வானொலி உரையான மன் கி பாத் எனப்படும் மனதின் குரல் ரேடியோ நிகழ்ச்சியில் பேசியதாவது:
- தமிழர் கலாச்சாரம் உயர்வானது; தமிழ் மொழி உயர்வானது; தமிழ் மொழி இந்தியாவின் பெருமிதம்.
- உலகின் மிக பழமையான தற்பொழுதும் மிகப்பெரிய அளவில் பயன்பாட்டில் இருக்கக்கூடிய மொழி தமிழ்
- தமிழ் மொழியின் வளத்தை பறைசாற்றும் வகையில் காசியில் தமிழ் சங்கமம் நிகழ்ச்சி நடத்தப்பட்டு வருகிறது.
- காசி தமிழ் சங்கமம் நிகழ்ச்சியின் கருப்பொருள் ”தமிழை கற்கலாம்” என்பது.
- உலகின் தொன்மையான மொழியான தமிழுக்கும், பழமையான நகரமான காசிக்கும் இடையேயான சங்கமம் ஒரு அற்புத அனுபவம் காசி தமிழ் சங்கமம்- அனைவரும் பங்கேற்க வேண்டும்
- தென்னாப்பிரிக்காவில் ஜி 20 நாடுகளின் உச்சி மாநாட்டில் வெண்கலத்தால் ஆன நடராஜர் சிலையை தென்னாப்பிரிக்கா அதிபருக்கு பரிசாக அளித்தேன்; தமிழ்நாட்டின் சோழர்கள் ஆட்சி கால படைப்புதான் நடராஜர் சிலை.
- பரிமாற்றம் நிகழும்போதுதான் மொழி நம்மை முழுமையாக இணைக்கிறது.
- வணக்கம்’ என்ற ஒற்றை வார்த்தை காட்டும் அரவணைப்பு, மரியாதை எண்ணிலடங்காதது.