உள்நாட்டுப் பங்குச் சந்தையில் (Market cap) நிலவும் சரிவுப் போக்கிற்கு மத்தியில், சென்செக்ஸின் 10 மிகப்பெரிய நிறுவனங்களில் 7 நிறுவனங்களின் சந்தை மதிப்பு கடந்த வாரம் ரூ. 1.25 லட்சம் கோடி சரிந்தது. அதேசமயம், மீதமுள்ள 3 நிறுவனங்களின் சந்தை மதிப்பு ரூ. 21,278.42 கோடி அதிகரித்தது. கடந்த வாரம், பிஎஸ்இ-யின் 30-பங்கு சென்செக்ஸ் 532.40 புள்ளிகள் (0.71 சதவீதம்) சரிந்தது. அதே நேரத்தில் என்எஸ்இ நிஃப்டி 181.05 புள்ளிகள் (0.76 சதவீதம்) சரிவுடன் நிறைவடைந்தது.
ரிலையன்ஸ் இண்டஸ்ட்ரீஸ் (Reliance Industries) நிறுவனம் கடந்த வாரம் மிகப்பெரிய இழப்புகளைச் சந்தித்தது. இது ரிலையன்ஸ் மிகப்பெரிய இழப்புகளைச் சந்தித்த இரண்டாவது தொடர்ச்சியான வாரமாகும். ரிலையன்ஸ் தவிர, பார்தி ஏர்டெல், டாடா கன்சல்டன்சி சர்வீசஸ் (டிசிஎஸ்), பஜாஜ் ஃபைனான்ஸ், லார்சன் & டூப்ரோ (L&T), லைஃப் இன்சூரன்ஸ் கார்ப்பரேஷன் ஆஃப் இந்தியா (LIC) மற்றும் ஹிந்துஸ்தான் யூனிலீவர் ஆகியவற்றின் சந்தை மதிப்புகளும் சரிவைக் கண்டன. இதற்கிடையில், ஸ்டேட் பேங்க் ஆஃப் இந்தியா (SBI), ஐசிஐசிஐ வங்கி மற்றும் எச்டிஎஃப்சி வங்கி ஆகியவற்றின் சந்தை மூலதனம் அதிகரித்தது.
இந்தக் காலகட்டத்தில், ரிலையன்ஸ் இண்டஸ்ட்ரீஸ் நிறுவனத்தின் சந்தை மூலதனம் ரூ. 39,718 கோடி குறைந்து ரூ. 17,47,321.40 கோடியாக ஆனது. கடந்த வாரம் ரிலையன்ஸ் முதலீட்டாளர்களின் சொத்து ரூ. 17,47,321.40 கோடி குறைந்துள்ளது. கடந்த வாரம் ரிலையன்ஸின் சந்தை மூலதனத்தில் ரூ. 46,078.30 கோடி சரிவு பதிவாகியுள்ளது. மத்திய கிழக்கில் பதட்டம் தொடங்கியதைத் தொடர்ந்து சந்தையில் ஏற்பட்டு வரும் சரிவின் மத்தியில் ரிலையன்ஸின் சந்தை மூலதனம் லட்சக்கணக்கான கோடி ரூபாய் சரிவைக் கண்டுள்ளது.
ரிலையன் நிறுவனத்தின் சந்தை மூலதனத்தில் ஏற்பட்டு வரும் சரிவின் காரணமாக, நிறுவனத்தின் முதலீட்டாளர்களின் செல்வமும் தொடர்ந்து குறைந்து வருகிறது. அதேபோல, டிசிஎஸ் நிறுவனத்தின் மதிப்பு ரூ.20,134.66 கோடி சரிந்து ரூ.7,95,346.09 கோடியாக ஆனது. பார்தி ஏர்டெல்லின் சந்தை மதிப்பு ரூ.18,736.04 கோடி சரிந்து ரூ.10,96,150.49 கோடியாக ஆனது. எல்&டி-யின் சந்தை மதிப்பு ரூ.16,880.20 கோடி சரிந்து ரூ.5,43,956.44 கோடியாக ஆனது. எல்ஐசி-யின் சந்தை மதிப்பு ரூ.14,610.74 கோடி சரிந்து ரூ.5,05,873.32 கோடியாக ஆனது.
பஜாஜ் ஃபைனான்ஸின் சந்தை மதிப்பு ரூ.9,681.36 கோடி சரிந்து ரூ.5,53,580.97 கோடியாக ஆனது. ஹிந்துஸ்தான் யூனிலீவரின் மதிப்பு ரூ.5,909.23 கோடி குறைந்து ரூ.4,98,301.31 கோடியாக ஆனது.
