“ஐஐடி (IIT), என்ஐடி (NIT) காலேஜ்ல சீட் வாங்கணும்… ஆனா சிலபஸ் இன்னும் முடியலையே?” என்று பதறும் மாணவர் நீங்கள்? கவலையை விடுங்கள்.
ஜேஇஇ மெயின் (JEE Main) தேர்வை பொறுத்தவரை, எல்லாத்தையும் படித்து முடிப்பதை விட, எதைப் படித்தால் அதிக மார்க் வருமோ அதைத் தேர்ந்தெடுத்துப் படிப்பதுதான் ‘புத்திசாலித்தனம்’.
லட்சக்கணக்கான மாணவர்கள் எழுதும் இந்தத் தேர்வில், உங்கள் ரேங்க்கைத் தீர்மானிக்கப்போவது இந்த ‘ஸ்மார்ட் வர்க்’ (Smart Work) தான்!
எதில் கவனம் செலுத்தணும்?
தேர்வுக்குக் குறைந்த நாட்களே உள்ள நிலையில், அதிக கேள்விகள் கேட்கப்படும் ‘High-Yield’ தலைப்புகளை மட்டும் குறிவைத்துத் தாக்குங்கள்.
இயற்பியல் (Physics) – ஈஸியா ஸ்கோர் பண்ணலாம்:
பிசிக்ஸைப் பார்த்து பயப்படத் தேவையில்லை. கீழ்க்கண்ட பாடங்களில் இருந்து அதிக கேள்விகள் வர வாய்ப்புள்ளது:
- வெப்பம் மற்றும் வெப்ப இயக்கவியல் (Heat & Thermodynamics)
- ஒளியியல் (Ray Optics & Wave Optics)
- நவீன இயற்பியல் (Modern Physics) – இது மிகவும் எளிமையானது, ஆனால் அதிக மார்க் அள்ளலாம்.
- மின்னோட்டவியல் (Current Electricity) மற்றும் காந்தவியல்.
வேதியியல் (Chemistry) – இதுதான் கேம் சேஞ்சர்:
வேதியியலில் என்சிஇஆர்டி (NCERT) புத்தகம்தான் பைபிள். குறிப்பாக:
- வேதிப்பிணைப்பு (Chemical Bonding) மற்றும் மூலக்கூறு அமைப்பு.
- அணைவுச் சேர்மங்கள் (Coordination Compounds) – இதை மிஸ் பண்ணவே கூடாது.
- வெப்ப இயக்கவியல் (Thermodynamics) மற்றும் மின்வேதியியல் (Electrochemistry).
- d மற்றும் f தொகுதி தனிமங்கள்.
கணிதம் (Maths) – பிராக்டிஸ் முக்கியம்:
மேக்ஸ் கொஞ்சம் கடினமாகத் தோன்றினாலும், குறிப்பிட்ட சில பகுதிகளில் இருந்து சுலபமாக மார்க் பெறலாம்:
- வெக்டர் மற்றும் 3D ஜியோமெட்ரி (Vectors & 3D Geometry) – அதிக வெயிட்டேஜ் உள்ள பகுதி.
- அணிகள் மற்றும் அணிக்கோவைகள் (Matrices & Determinants).
- வரிசைகள் மற்றும் தொடர்கள் (Sequence & Series).
- புள்ளியியல் (Statistics) – சிறிய தலைப்பு, ஆனால் நிச்சயம் ஒரு கேள்வி உண்டு!
கடைசி நேரத்துல புதுசா எதையும் படிக்காதீங்க. படிச்சதை ஸ்ட்ராங்கா ரிவைஸ் பண்ணுங்க!
- முக்கியமான ஃபார்முலா: பிசிக்ஸ் மற்றும் மேக்ஸ் ஃபார்முலாக்களை ஒரு தனி நோட்டில் எழுதி வைத்துத் தினமும் காலையில் பாருங்கள்.
- PYQ முக்கியம் பிகிலு: கடந்த 5 வருடக் கேள்வித்தாள்களை (Previous Year Questions) டைம் வைத்து எழுதிப் பழகுங்கள். பல கேள்விகள் அதே மாடலில் வரலாம்.
- மாடல் டெஸ்ட்: வாரம் இரண்டு முழு நீளத் தேர்வுகள் (Mock Test) எழுதிப் பார்த்தால், நேர மேலாண்மை (Time Management) கைவரும்.
உழைப்பு முக்கியம்தான், ஆனா சரியான திசையில் உழைத்தால்தான் ஐஐடி சீட் வசமாகும்!