வங்க கடலில் மையம் கொண்டுள்ள டிட்வா புயல் (Ditwah Cyclone), வட தமிழ்நாட்டு கடலோர பகுதியை நோக்கி நகர்ந்து வருகிறது.
தென்மேற்கு வங்க கடல், இலங்கை கடலோரப் பகுதிகளில் காற்றழுத்த தாழ்வு மண்டலம் உருவானது. இது ஆழ்ந்த காற்றழுத்த தாழ்வு மண்டலமா வலுவடைந்து புயலாக உருமாறி உள்ளது.
வங்க கடலில் உருவாகி இருக்கும் இப்புயலுக்கு டிட்வா என பெயரிடப்பட்டுள்ளது. இந்த டிட்வா புயலானது புதுச்சேரி மற்றும் சென்னைக்கு தெற்கு- தென்கிழக்கில் நிலை கொண்டு நகர்ந்து வருகிறது. தற்போது மணிக்கு 13 கி.மீ வேகத்தில் டிட்வா புயல் நகருகிறது.
டிட்வா புயலின் அடுத்த கட்ட நகர்வானது, வடக்கு- வடமேற்கு திசையை நோக்கி நகர்ந்து நாளை மறுநாள் நவம்பர் 30-ந் தேதி வட தமிழ்நாடு-புதுச்சேரி- ஆந்திரா கடலோரப் பகுதியை அடையும் என்பது வானிலை ஆய்வு மையம் மற்றும் வானிலை ஆய்வாளர்களின் கணிப்பு.
நள்ளிரவு 12.30 மணி நிலவரப்படி டிட்வா புயல்..
நள்ளிரவு 12.30 மணிக்கு இந்திய வானிலை ஆய்வு மையம் வெளியிட்ட அறிக்கையின்படி டிட்வா புயலானது
- இலங்கை மட்டக்களப்பில் இருந்து 20 கி.மீ தொலைவில்
- இலங்கை திருகோணமலையின் தெற்கு தென்கிழக்கில் 100 கி.மீ தொலைவில்
- இலங்கை அம்பந்தோட்டாவின் வடக்கு வடகிழக்கில் 180 கி.மீ தொலைவில்
- இந்தியாவின் புதுச்சேரியின் தெற்கு தென்கிழக்கில் 510 கி.மீ தொலைவில்
- தமிழ்நாட்டின் சென்னையின் தெற்கு தென்கிழக்கில் 610 கி.மீ. தொலைவில் மையம் கொண்டிருந்தது.
டிட்வா புயலால்
- தென் மாவட்டங்களில் அனேக இடங்களில்
- வட மாவட்டங்களில் சில இடங்களில்
- புதுவை, காரைக்கால் பகுதிகளில்
- டெல்டா மாவட்டங்களில்
இன்று நவம்பர் 28-ந் தேதி கன முதல் மிக கனமழை பெய்யும் என எச்சரிக்கப்பட்டுள்ளது.
- ராமநாதபுரம்
- சிவகங்கை
- திருச்சி
- பெரம்பலூர்
- அரியலூர்
- கடலூர்
- மயிலாடுதுறை
- தூத்துக்குடி
- விருதுநகர்
- மதுரை
ஆகிய மாவட்டங்களில் இன்று நவம்பர் 28-ந் தேதி கனமழை பெய்யக் கூடும்.
ரெட் அலர்ட் மாவட்டங்கள்
இன்று அதீத கனமழைக்கான ரெட் அலர்ட் விடுக்கப்பட்ட மாவட்டங்கள்
- தஞ்சை
- திருவாரூர்
- நாகை
- புதுக்கோட்டை
டிட்வா புயல் வட தமிழ்நாட்டை நோக்கி நகரும் நிலையில் நவம்பர் 29-ந் தேதியன்று வட தமிழ்நாடு, டெல்டா மற்றும் தென் தமிழகப் பகுதிகளில் கனமழை பெய்யக் கூடும்.
நவம்பர் 29-ந் தேதி 21 செ.மீ.க்கும் அதிகமாக மிக அதீத கனமழை பெய்யக் கூடிய ரெட் அலர்ட் எச்சரிக்கை விடுக்கப்பட்டுள்ள மாவட்டங்கள்:
- செங்கல்பட்டு
- விழுப்புரம்
- கடலூர்
- மயிலாடுதுறை
- நாகப்பட்டினம்
- திருவாரூர்