தமிழக – கேரளா எல்லையில் இருசக்கர வாகனத்தில் சென்றவரிடமிருந்து கட்டுக்கட்டாக பணம் பறிமுதல்

தமிழக கேரள எல்லையில் இரு சக்கர வாகனத்தில் சென்ற நபரை தடுத்தி நிறுத்தி போலீசார் சோதனையிட்டதில் கட்டுக்கட்டாக பணம் பறிமுதல் செய்யப்பட்டுள்ளது.

சேலம் – கொச்சி தேசிய நெடுஞ்சாலையில் தொடர்ச்சியாக நகை, பணம் திருட்டு, ஹவாலா பண பரிமாற்றம் உள்ளிட்ட சட்டத்திற்கு புறம்பான செயல்கள் நடந்து வருகிறது. இந்நிலையில் குற்ற சம்பவங்களை தடுக்க சோதனை சாவடி அமைக்கப்பட்டு காவல்துறையினர் தொடர்ந்து சோதனையில் ஈடுபட்டு வருகின்றனர்.

இந்நிலையில் இன்று (நவம்பர் 28) கோவையை அடுத்த தமிழக கேரளா எல்லையான வேலந்தாவளம் காவல் துறை சோதனைச் சாவடியில், தமிழக போலீசார் வழக்கமான வாகன சோதனையில் ஈடுபட்டு வந்தனர். அப்போது கோவையில் இருத்து இரு சக்கர வாகனத்தில் வந்த நபரை தடுத்தி நிறுத்தி சோதனையிட்டனர்.

சோதனையில் இருசக்கர வாகனத்தில் வந்த நபரிடம் கட்டுக்கட்டாக பணம் இருந்தை கண்ட போலீசார் அவரிடம் விசாரணை நடத்தினர்.

விசாரணையில் பணம் எடுத்து வந்தவர் கேரளா மாநிலம் பாலக்காடு மாவட்டம் வானியம்குளம் பகுதியை சேர்ந்த சுதீர் என்பதும், அவர் வந்த இருசக்கர வாகனத்தில் ரூ.40 லட்சம் பணம் இருப்பது தெரிய வந்தது.

ஆனால் பணத்துக்கு உரிய ஆவணங்கள் எதுவும் இல்லாத நிலை அந்த பணத்தை போலீசார் பறிமுதல் செய்தனர்.

அவரிடம் மேற்கொண்ட விசாரணையில் கேரள மாநிலம் ஒத்தப்பாலம் பகுதியில் உள்ள ஷோபனா ஜுவல்லரி என்ற நகை கடையிலிருந்து பழைய தங்கத்தை கோவை பி.கே சாலை பகுதிக்கு கொண்டுவந்து விற்பனை செய்து விட்டு பணமாக கேரளா கொண்டு செல்வதாக தெரிவித்துள்ளார்.

ஆனால் உரிய ஆவணங்கள் இல்லாமல் வேலாந்தவளம் சோதனை சாவடியில் கந்தேகவுண்டன் சாவடி போலீசார் இதுகுறித்து தொடர்ந்து விசாரணை மேற்கொண்டு வருகின்றனர்.

இருசக்கர வாகனத்தில் கொண்டு வந்த பணத்திற்கான உரிய ஆவணங்களைஇல்லாத நிலையில் அந்த பணத்தை வருமான வரித்துறை அதிகாரிகளிடம் ஒப்படைக்க போலீசார் திட்டமிட்டுள்ளதாக கூறப்படுகிறது.