ஹாங்காங் அடுக்குமாடி குடியிருப்பில் ஏற்பட்ட தீ விபத்தில் சிக்கி உயிரிழந்தவர்களின் எண்ணிக்கை 55 ஆக உயர்ந்துள்ள சம்பவம் பெரும் அதிர்ச்சியை ஏற்படுத்தி உள்ளது.
ஹாங்காங்கின் டாய் போ மாவட்டத்தில் உள்ள வாங் புக் கோர்ட் அடுக்குமாடி குடியிருப்பில் புதன்கிழமை உள்ளூர் நேரப்படி பிற்பகல் 2.51 மணியளவில் பயங்கர தீ விபத்து ஏற்பட்டது. எதிர்பாராத விதமாக ஏற்பட்ட தீ மளமளவென அருகில் இருந்த கட்டிடங்களுக்கும் பரவியது. இதனால் அப்பகுதி முழுவதும் கரும்புகை வெளியேறியது.
இதைத் தொடர்ந்து தீயணைப்பு துறையினருக்கு தகவல் அளிக்கப்பட்டது. சம்பவ இடத்திற்கு வந்த தீயணைப்பு வீரர்கள் அங்கிருந்த பொது மக்களை வெளியேற்றி தீயை அணைக்கும் முயற்சியில் ஈடுபட்டனர்.
இந்த தீ விபத்தில் தீயணைப்பு வீரர்கள் உள்ளிட்ட உயிரிழந்தவர்களின் எண்ணிக்கை 55 ஆக உயர்ந்துள்ளது மேலும் 70-க்கும் மேற்பட்டோர் பலத்த காயமடைந்த நிலையில் சிகிச்சை பெற்று வருகின்றனர். 270க்கும் மேற்பட்டோரை காணவில்லை என்று தகவல்கள் வெளியாகி உள்ளது.
இதனால் பலி எண்ணிக்கை மேலும் அதிகரிக்க கூடும் என்ற அச்சம் ஏற்பட்டுள்ளது. தீ விபத்து நடந்த பகுதிகளில் தொடர்ந்து மீட்புப்பணிகள் நடைபெற்று வருகிறது. காணாமல் போனவர்களை தேடும் பணி நடைபெற்று வருகிறது.