முன்னாள் எம்பி விடுதலை விரும்பியை நேரில் சந்தித்து நலம் விசாரித்த முதல்வர்.. குடும்பத்தினர் நெகிழ்ச்சி

Published On:

| By Pandeeswari Gurusamy

Viduthala virumbi

கோவையில் முன்னாள் நாடாளுமன்ற உறுப்பினர் விடுதலை விரும்பியின் இல்லத்திற்கு தமிழக முதல்வர் மு.க.ஸ்டாலின் நேரில் சென்று நலம் விசாரித்தார். அவருடன் துணை முதலமைச்சர் உதயநிதி ஸ்டாலினும் நலம் விசாரித்தது கட்சியினரிடையே இடையே பெரும் உற்சாகத்தை ஏற்படுத்தி உள்ளது.

திமுகவின் கொள்கை பரப்புச் செயலாளராகவும், அக்கட்சியின் முன்னாள் நாடாளுமன்ற உறுப்பினராகவும் இருந்தவர் விடுதலை விரும்பி. தற்போது அவர் வயது மூப்பு காரணமாக அரசியல் பணிகளில் இருந்து விலகி ஓய்வெடுத்து வருகிறார். இந்நிலையில் தமிழக முதல்வர் மு.க. ஸ்டாலின் நேற்று காலை கோவை வந்த நிலையில் கோவை மற்றும் ஈரோட்டில் நடந்த பல்வேறு நிகழ்ச்சிகளில் பங்கேற்றார்.

இன்று மாலை கோவை வந்த முதல்வர் முன்னறிவிப்பு எதுவும் இன்றி திடீரென கோவை சுந்தராபுரம் எல்ஐசி காலனியில் உள்ள முன்னாள் நாடாளுமன்ற உறுப்பினர் விடுதலை விரும்பியின் இல்லத்திற்கு நேரில் சென்றார். விடுதலை விரும்பி மற்றும் அவரது குடும்பத்தினருடன் கலந்துரையாடினார்.

அப்போது திமுக தலைவர் கலைஞர் எழுதிய கடிதங்களை விடுதலை விரும்பி உற்சாகமாக முதல்வரிடம் காட்டினார். அதை முதல்வரும் துணை முதல்வரும் வாசித்து ஆர்வமாக வாசித்து மகிழ்ந்தனர். விடுதலை விரும்பியின் பேத்தியை முதல்வர் மடியில் அமர வைத்து சிறிது நேரம் பேசினார். முதல்வர் திடீரென முன்னாள் நாடாளுமன்ற உறுப்பினரின் இல்லத்திற்கு சென்று நலம் விசாரித்தது அவரது குடும்பத்தினரிடையே மகிழ்ச்சியை ஏற்படுத்தி உள்ளது.

ADVERTISEMENT

முன்னதாக கடந்த சில மாதங்களுக்கு முன்னர் முதல்வர் ஸ்டாலினுக்கு விடுதலை விரும்பி எழுதிய கடிதம் சமூக வலைதளங்களில் வைரலானது. அந்தக் கடிதத்தில் அண்மையில் மருத்துவமனையில் சிகிச்சையில் இருந்த போது முதல்வரின் அறிவுறுத்தலின் பெயரில் முன்னாள் அமைச்சர் செந்தில் பாலாஜி நலம் விசாரித்ததாகவும், மூத்த தொண்டர்களில் ஒருவனான என்னை பேணிப் பாதுகாத்து வரும் தங்களின் அன்பிற்கு நெஞ்சம் நிறைந்த நன்றி என்றும் தெரிவித்திருந்தார்.

மேலும் ஆழமான சிந்தனையும் ஈடு இணையற்ற செயல் திறனும் ஒருங்கிணைந்ததால் தமிழ்நாட்டு மக்களின் பாதுகாப்பும் வளர்ச்சியும் உறுதி செய்யப்படுவதுடன் நமது வருங்கால தலைமுறையும் வாழ வழிவகுக்கும் என நம்புவதாக தெரிவித்து இருந்தார் என்பது குறிப்பிடத்தக்கது.

ADVERTISEMENT
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!
Join Our Channel
Share