டிஜிட்டல் திண்ணை: விஜய் முன்னிலையில் தவெக-வில் இணையும் செங்கோட்டையன்- ஓபன் ஆகிறது ‘ஜான் டோல்கேட்’?

வைஃபை ஆன் செய்ததும், ”சில பந்தங்கள் எல்லா உணர்வுகளையும் விட இறுக்கமாகத்தான் இருக்கும்” என்றபடியே டைப் செய்ய தொடங்கியது வாட்ஸ் அப்.

என்னய்யா தத்துவ மழையா?

காலம் அப்படித்தானே தள்ளுது.. விஜய்யோட காஞ்சி மீட்டிங்கும் அடுத்தடுத்து ‘புள்ளிகள்’ தவெகவில் இணையப் போகிற லிஸ்ட்டும்தான் இப்போ ஹாட் டாபிக்கா இருக்கு..

ஓஹோ விலாவாரியாக சொல்லிடும்யா..

கரூர் துயரத்துக்கு பிறகு விஜய் ஜேப்பியார் காலேஜில் நடந்த காஞ்சி மீட்டிங்கில்தான் முதல் முறையாக கலந்துகிட்டாரு.. இந்த கூட்டத்துல விஜய் பேசுன பேச்சை வைத்து டிபேட் ஓடிக் கொண்டிருக்கு..

காஞ்சி மீட்டிங் பற்றி விஜய்க்கு நெருக்கமானவங்க கிட்ட நாம் பேசினோம்.. அப்போ, “கரூர் சம்பவத்தால ரொம்ப இறுக்கமாகத்தான் இருந்தாரு தளபதி.. காஞ்சி மீட்டிங் முடிஞ்சதுல இருந்து ரொம்ப ஹேப்பியா இருக்காரு..

தன்னோட ஸ்பீச் ரொம்ப நல்லா இருந்துச்சுன்னு அவரோட சர்க்கிள் சொல்லி இருக்காங்கன்னு பெருமையாக ஷேர் செஞ்சுகிட்டு இருக்காரு..

அதே மாதிரி தவெக தொண்டர் அணியோட ரோலையும் ரொம்பவே தளபதி பாராட்டுறாரு..

ரிட்டையர்டு ஐஜி ரவிக்குமார்தான், ஜேப்பியார் காலேஜில் நாலைந்து நாட்களாக தொண்டர் அணிக்கு பயிற்சி கொடுத்தாரு.. இது ஒர்க் அவுட் ஆனது.. காஞ்சி மீட்டிங் ஹாலுக்கு வெளியே 200 பேர்தான் நின்னுகிட்டு இருந்தாங்க.. பெரும்பாலான கூட்டத்தை யூனிபார்ம் போட்ட தொண்டரணி ஒழுங்குபடுத்திருச்சு.. இதுதான் தளபதிக்கு மகிழ்ச்சியா இருந்துச்சு” என்கின்றனர்

விஜய்யோட நெக்ஸ்ட் பிளான் என்னவாம்?

காஞ்சிபுரம் மாதிரியே அடுத்தடுத்து கல்லூரிகளில் மீட்டிங் போட்டு பொதுமக்களை சந்திக்கலாம்.. அது கூட்டத்தை ஒழுங்குபடுத்த வசதியா இருக்கும்னு ஒரு பேச்சு இருக்காம்.. இல்லை.. பொது இடத்துல மக்களை சந்திச்சாதான் எலக்‌ஷன் பீவர் இருக்கும்னு ஒரு தரப்பு சொல்லுதாம்..

இதுக்கு நடுவே கரூர் சம்பவத்தை விசாரிக்கும் சிபிஐ ஆபீசர்ஸ் முன்னாடி புஸ்ஸி ஆனந்த் ஆதவ் அர்ஜூனா எல்லாம் ஆஜராகி இருக்காங்க..

இதெல்லாம் ஒரு பக்கம், இன்னொரு பக்கம் முக்கிய புள்ளிகளை தவெகவில் சேர்க்கும் படலமும் தொடங்கப் போகுதாம்..

ஓஹோ.. யார் யாரெல்லாம் வரப் போறாங்க? தாவப் போறாங்க?

விஜய்யை சந்திச்சு தவெகவுல இணையறதுக்கு நிறைய பேர் முயற்சி செஞ்சு ஓஞ்சு போன நிலையிலதான் பனையூர் பங்களாவை திறக்கப் போறதா சொல்றாங்க..

விஜய்யை சந்திக்கவிடாமலேயே, ‘வாங்க கட்சியில சேர்ந்துடுங்க.. அப்புறமாக சாரை சந்திச்சு பேசிக்கலாம்’னு சொல்றதையே ‘அட்வைசர்’ ஜான் ஆரோக்கியசாமி வழக்கமாகவே வைச்சிருந்தாராம்..

அப்படியா?

ஆமாய்யா.. சீமானின் நாதகவுல இருந்து காளியம்மாள் விலகுனப்ப, விஜய்யை சந்திச்சு தவெகவில்தான் இணையனும்னு முடிவு செஞ்சிருந்தாங்க.. இது பத்தி ஜான் ஆரோக்கியசாமிகிட்ட பேசுனாங்க காளியம்மாள்..

அப்போது எல்லாம், “நீங்க கட்சியில சேர்ந்துடுங்க.. அப்புறமாக சாரை நேரில் பார்த்து பேசிக்கலாம்னு” சொல்லிகிட்டே இருந்திருக்காரு ஜான்.

ஒரு கட்டத்துல, “எனக்கு சில சந்தேகங்கள் இருக்கு.. அதை விஜய்கிட்டதான் நான் கேட்கனும்னு” ரொம்பவே காளியம்மாள் பிடிவாதம் பிடிச்சிருக்காங்க.. அதுக்கு பிறகுதான் விஜய்யை காளியம்மாள் சந்திச்சாங்க..

ஆனால் விஜய்யை சந்திக்க அவங்க ரூமுக்குள் நுழையும் போதே, “இவ்வளவு நாளா சீமான் அண்ணன்கிட்ட இருந்துட்டு இப்ப திடீர்னு அவரை கழற்றிவிட்டு வந்துட்டீங்கன்னு” ஒரு கமெண்ட் போட்டாராம் ஜான்.. இதுலயே காளியம்மாள் செம்ம அப்செட்டாம்..

அப்புறமா விஜய்கிட்ட சுமார் 40 நிமிஷம் தமிழ் தேசியம், மீனவர் நலன்னு நிறையவே காளியம்மாள் மட்டுமே பேசியிருக்காங்க.. அவ்வளவு நேரம் அவங்க பேசியும் விஜய்கிட்ட இருந்து எந்த ஒரு ஒப்பீனியனுமே வரலையாம்..

கடைசியாக, “எல்லாத்தையும் ஜான்கிட்ட பேசிக்குங்க” என்று மட்டும் சொல்லிட்டு விஜய் கிளம்ப காளியம்மாளுக்கு ரொம்ப ஷாக்காம்..

அதுக்கு பிறகு காரில் ஏறப் போன காளியம்மாளுக்கு முதல் போனே, நாதக இடும்பாவனம் கார்த்திகிட்ட இருந்துதானாம்.. ”என்னக்கா விஜய்யை சந்திச்சுட்டீங்க”ன்னு கேட்க காளியம்மாள் ஜெர்க் ஆகிட்டாங்களாம்.. “நம்ம வந்தது.. விஜய்கிட்ட பேசுனது.. அங்க இருந்து கிளம்புனது”ன்னு எல்லாத்தையும் நாதகவுக்கு பாஸ் செஞ்சுகிட்டே இருக்காரே ஜான்.. இது எப்படி சரிப்பட்டு வரும்னு? கிளம்பினவங்கதான் பனையூர் பக்கமே போகக் கூடாதுன்னு இருக்கிறாராம்..

ஓ.. ஜான் ஒரு டோல்கேட் மாதிரின்னு சொல்றீரா?

ஜான் என்கிற டோல்கேட்டை மீறித்தான் பனையூர் பங்களாவுக்குள் போய் விஜய்யை சந்திக்க முடியும்..

இப்ப பனையூர் பங்களா திறந்துருச்சுன்னும் தகவல் வந்துருச்சு.. அதிமுகவில் இருந்து நீக்கப்பட்ட செங்கோட்டையன் வரும் 27-ந் தேதி விஜய்யை சந்திச்சு தவெகவுல சேரப்போறாராம்..

செம்ம நியூஸா இருக்கே?

செங்கோட்டையனின் அக்கா மகன் மாஜி டிஜிபி எம்.ரவி, போன வாரம் விஜய்யை சந்திச்சு செங்கோட்டையன் பற்றி பேசியிருந்தாராம்.. இதுல க்ரீன் சிக்னல் கிடைச்சிருச்சாம்..

முதல்ல அதிமுக எம்.எல்.ஏ. பதவியை ராஜினாமா செஞ்சுட்டு அதே சூட்டுல, விஜய்யை பார்த்து தவெகவுல இணையறாராம் செங்ஸ்.. அவரைப் போல ஜரூரா நிறைய பேரை சேர்க்கப் போறாங்களா? அல்லது பழையபடியே ‘ஜான் டோல்கேட்’தான் முடிவு எடுக்குமான்னு? போக போக தெரிந்துவிடும் என்றபடியே சென்ட் பட்டனை தட்டிவிட்டு ஆப் லைனுக்கு போனது வாட்ஸ் அப்.