வழக்கமாக பிப்ரவரி மாதம் என்றாலே நமக்கு நினைவுக்கு வருவது பட்ஜெட்டும், காதலர் தினமும்தான். ஆனால், இந்த 2026-ம் ஆண்டின் பிப்ரவரி மாதம் கொஞ்சம், இல்லை… ரொம்பவே ஸ்பெஷல்!
இப்போது உங்கள் மொபைல் போனிலோ அல்லது வீட்டில் மாட்டியுள்ள காலண்டரிலோ பிப்ரவரி மாதத்தை எடுத்துப் பாருங்கள். ஒரு விசித்திரமான, மனதிற்கு திருப்தியளிக்கக்கூடிய ஒரு வடிவத்தைப் பார்ப்பீர்கள். ஆம், இந்த மாதம் ஒரு “சதுரமான மாதம்” (Perfect Rectangular Month).
இணையவாசிகள் இதை #PerfectFebruary என்று கொண்டாடித் தீர்த்து வருகின்றனர்.
அது என்ன ‘பர்ஃபெக்ட் பிப்ரவரி’? மிகவும் எளிது. இந்த பிப்ரவரி மாதம்:
- சரியாக ஒரு வாரத்தின் தொடக்க நாளான ஞாயிற்றுக்கிழமை (Sunday) ஆரம்பிக்கிறது (பிப்ரவரி 1).
- சரியாக வாரத்தின் இறுதி நாளான சனிக்கிழமை (Saturday) முடிகிறது (பிப்ரவரி 28).
- மொத்தம் சரியாக 4 வாரங்கள். எந்த ஒரு நாளும் மிச்சம் மீதி இல்லாமல், ஒரு கச்சிதமான செவ்வக வடிவத்தில் (4×7 Grid) காலண்டரில் அமைந்திருக்கிறது.
ஏன் இது வைரலாகிறது? பார்க்கும்போது ஒருவிதமான மனத் திருப்தியை (Visual Satisfaction) இது தருவதாக நெட்டிசன்கள் கூறுகின்றனர்.
- OCD திருப்திகள்: எதையும் நேர்த்தியாக இருக்க வேண்டும் என்று நினைப்பவர்களுக்கு (Perfectionists) இந்த மாதம் ஒரு கொண்டாட்டம். “எந்த நாளும் தனித்து நிற்கவில்லை; எல்லாமே ஜோடியாக இருக்கிறது,” என்று சிலாகிக்கின்றனர்.
- சம்பளக் கணக்கு: அலுவலகத்தில் வேலை பார்ப்பவர்களுக்கு இது இன்னும் மகிழ்ச்சி. சரியாக 4 திங்கள் கிழமைகள், 4 வெள்ளிக் கிழமைகள். வேலை நாட்களைக் கணக்கிடுவது மிக எளிது.
இது எப்போது நடக்கும்? இது அடிக்கடி நடக்கும் நிகழ்வு அல்ல. கடைசியாக 2015-ம் ஆண்டு இதே போன்ற ஒரு ‘பர்ஃபெக்ட் பிப்ரவரி’ அமைந்தது.
- அதற்குப் பிறகு 11 ஆண்டுகள் கழித்து இப்போது 2026-ல் வந்திருக்கிறது.
- மீண்டும் இதே போன்ற ஒரு அமைப்பைப் பார்க்க நாம் 2037-ம் ஆண்டு வரை காத்திருக்க வேண்டும். (லீப் வருடங்களில் பிப்ரவரி 29 நாட்கள் இருப்பதால், இந்த மேஜிக் நடக்காது).
எப்படிப் பயன்படுத்தலாம்? “இந்த மாதம் ஒரு முழுமையான மாதம். அதனால், இந்த மாதத்தில் தொடங்கும் எந்த ஒரு நல்ல விஷயமும் முழுமை பெறும்,” என்று சிலர் ஜாலியாக நம்பிக்கை தெரிவிக்கின்றனர்.
- 4 வாரங்கள் சரியாக இருப்பதால், வாராந்திர இலக்குகளை (Weekly Goals) நிர்ணயிக்க இதுவே சிறந்த மாதம்.
சோம்பேறித்தனத்தை மூட்டைக் கட்டி வைத்துவிட்டு, இந்த அழகான பிப்ரவரியை முழுமையாக அனுபவியுங்கள். ஏன்னா, பிப்ரவரி மாசம் மட்டும் இல்லை… நேரமும் போனா வராது!