தீபாவளி நெருங்க நெருங்க… ஜெட் வேகத்தில் உயரும் தங்கம், வெள்ளி விலை!

சென்னையில் தங்கம் விலை இன்று (அக்டோபர் 4) சவரனுக்கு ரூ.400 உயர்ந்து ரூ.87,600க்கு விற்பனை செய்யப்படுகிறது.

தீபாவளி பண்டிகை நெருங்க நெருங்க ஆபரணத்தங்கத்தின் விலையைக் கண்டு நகைபிரியர்களே நடுங்கும் அளவுக்கு நாளுக்கு நாள் ஜெட் வேகத்தில் உயர்ந்து வருகிறது.

அதன்படி சென்னையில் இன்று காலையில் 22 காரட் ஆபரண தங்கம் ஒரு கிராம் ரூபாய் 50 உயர்ந்து ரூ.10,950க்கும், ஒரு சவரன் ரூபாய் 400 உயர்ந்து, ரூ.87,600க்கும் விற்பனையாகி வருகிறது.

அதே போன்று 24 காரட் ஆபரண தங்கம் ஒரு கிராம் ரூபாய் 55 உயர்ந்து ரூ.11,946க்கும், ஒரு சவரன் ரூபாய் 440 உயர்ந்து, ரூ.95,568க்கும் விற்பனையாகி வருகிறது.

வெள்ளி விலையானது இன்று ஒரு கிராமுக்கு ரூ.3 உயர்ந்து 165க்கும், ஒரு கிலோ வெள்ளி ரூபாய் 3,000 உயர்ந்து ரூ.1,65,000க்கும் விற்பனையாகி வருகிறது.

கடந்த செப்டம்பர் மாதம் 6 ஆம் தேதி முதன்முறையாக ஒரு சவரன் தங்கம் ரூ.80 ஆயிரத்தை கடந்த நிலையில், அடுத்த ஒரு மாத காலத்தில் சுமார் 7,000 ரூபாய் வரை உயர்ந்துள்ளது.

இன்னும் 15 நாட்களில் தீபாவளி வர உள்ள நிலையில், தங்கம், வெள்ளியின் விலை லட்சத்தை நோக்கி உயர்ந்து வருவது நகைபிரியர்கள் மத்தியில் அதிருப்தியை ஏற்படுத்தி வருகிறது.