வரலாற்றில் புதிய உச்சம் தொட்ட தங்கம் மற்றும் வெள்ளி விலை நிலவரம்

சென்னையில் இன்று (ஜனவரி 20) ஒரே நாளில் ஒரு கிராம் தங்கம் ரூ. 450 வரை உயர்ந்துள்ள சம்பவம் நகைப்பிரியர்களிடையே அதிர்ச்சியை ஏற்படுத்தி உள்ளது.

உலக அளவில் தங்கம் மற்றும் வெள்ளியின் தேவை, போர் பதற்றங்கள், டாலருக்கு நிகரான இந்திய ரூபாய் மதிப்பு உள்ளிட்ட பல்வேறு காரணங்களால் தங்கம் மற்றும் வெள்ளி விலை அவ்வப்போது ஏற்ற இறக்கங்களை சந்தித்து வருகிறது. அந்த வகையில் இன்று ஒரே நாளில் ஒரு கிலோ வெள்ளி ரூ. 22,000 வரை உயர்ந்துள்ளது.

தற்போதைய தங்கம் விலை

சென்னையில் இன்று காலை 22 கேரட் ஆபரணத்தங்கம் ஒரு கிராம் ரூ.160 வரை உயர்ந்த நிலையில் பிற்பகலில் மேலும் ரூ.290 வரை உயர்ந்து ரூ.13,900க்கு விற்பனை செய்யப்படுகிறது. ஒரு சவரன் தங்கம் இன்று ஒரே நாளில் ரூ.3600 உயர்ந்து ரூ. 1,11,200 க்கு விற்பனை செய்யப்படுகிறது.

சென்னையில் இன்று காலை 18 கேரட் தங்கம் ரூ. 125 உயர்ந்த நிலையில் பிற்பகலில் ரூ. 235 உயர்ந்து ரூ.11,590 க்கு விற்பனை செய்யப்படுகிறது.

தற்போதைய வெள்ளி விலை

ஏழைகளின் தங்கம் என அழைக்கப்படும் வெள்ளி சென்னையில் இன்று காலை ஒரு கிராம் ரூ. 12 உயர்ந்த நிலையில் பிற்பகலில் மேலும் ரூ.10 உயர்ந்து ரூ. 340க்கு விற்பனை செய்யப்படுகிறது. ஒரு கிலோ வெள்ளி இன்று ஒரே நாளில் ரூ.22,000 வரை உயர்ந்து ரூ.3,40,000க்கு விற்பனை செய்யப்படுகிறது.

தங்கம், வெள்ளி விலை அதிரடியாக உயர்ந்த நிலையில் பங்குச்சந்தையில் கடும் வீழ்ச்சி அடைந்துள்ளது குறிப்பிடத்தக்கது.

கடந்த 10 நாட்களில் ஒரு சவரன் தங்கம் விலை நிலவரம்

கடந்த 10 நாட்களில் ஒரு கிராம் வெள்ளி விலை நிலவரம்