திண்டுக்கல் மாவட்டம் ஒட்டன்சத்திரம் காய்கறி சந்தையில் நேற்று 1 கிலோ முருகங்கைக்காய் ரூ.500-க்கு விற்பனையானது. இதனால் விவசாயிகள் பெரும் மகிழ்ச்சி அடைந்தனர்.
திண்டுக்கல் மாவட்டத்தில் முருங்கைக்காய் விவசாயம் அதிக அளவில் மேற்கொள்ளப்பட்டு வருகிறது. கரும்பு முருங்கை, நாட்டு முருங்கை, செடி முருங்கை ஆகியவற்றில் கரும்பு முருங்கை நல்ல விலைக்கு போகிறது.
ஒட்டன்சத்திரம் காய்கறி சந்தையில் முருங்கைக்காய் வரத்து சீராக இருந்த நிலையில் 1 கிலோ ரூ.200 வரைக்கு விற்பனையாகி வந்தது. ஆனால் வரத்து மிகவும் குறைவாக இருந்ததால் ஒட்டன்சத்திரம் காய்கறி சந்தையில் நேற்று 1 கிலோ முருங்கை காய் விலை ரூ.500 ஆக அதிகரித்தது.
இதனால் முருங்கை விவசாயிகள் மகிழ்ச்சி அடைந்தனர். ”இதே ஒட்டன்சத்திரம் சந்தையில் 1 கிலோ முருகங்கைக்காய் வெறும் ரூ5.க்கு விற்பனையான வேதனையான காலமும் இருந்தது; இன்று எங்கள் உழைப்புக்கு பலன் கிடைக்கிறது” என்று மகிழ்ச்சி தெரிவித்தனர் விவசாயிகள்.