டிஜிட்டல் திண்ணை: கோவை ‘சம்பவம்’- ஆர்.என்.ரவி மீது மோடி செம்ம அப்செட்!

வைஃபை ஆன் செய்ததும், ”ஆர்வமே அதீதமாகிவிடக் கூடாது” என்றபடியே டைப் செய்ய தொடங்கியது வாட்ஸ் அப்.

என்னய்யா வித்தியாசமான ஆங்கிளா இருக்கே?

தகவலும் வடக்கே இருந்ததுதான்.. டெல்லி மேட்டர்தான்..

ஓஹோ.. என்னவாம் டெல்லி ஸ்பெஷல்?

பிஎம் மோடி போன வாரம் கோவைக்கு விசிட் அடிச்சிருந்தாரு இல்லையா.. அப்ப மோடிக்கு எதிராக பல போராட்டங்களும் நடந்துச்சு..

தமிழர்களை இழிவுபடுத்தி பீகாரில் மோடி பிரசாரம் செஞ்சது, கோவைக்கு மெட்ரோ ரயிலை மத்திய அரசு நிராகரிச்சதுன்னு மோடிக்கு எதிராக போராட்டம் நடந்ததால ரொம்பவே டென்ஷனாகிடுச்சு கோவை..

அதோடு மட்டுமல்ல.. மோடி பங்கேற்ற தென்னிந்திய இயற்கை வேளாண்மை மாநாடும் ரொம்பவே சொதப்பலாகிடுச்சாம்..

ஓஹோ என்ன சொதப்பலானதாம்?

இந்த மாநாட்டுக்கு பிஎம் மோடியை அழைச்சுட்டு வந்ததே ஆளுநர் ரவிதான்.. தென்னிந்திய இயற்கை வேளாண்மை மாநாடு நடத்துறோம் நீங்க வாங்கன்னுதான் வேளாண் பல்கலைக் கழகத்தின் முன்னாள் துணைவேந்தர் ராமசாமி, ஆளுநர் ரவியை அழைச்சிருக்காரு..

ஆளுநர் ரவியோ, இதென்ன பிரமாதம்.. பிஎம் மோடியையே நானே அழைச்சுட்டு வாரேன்னு சொல்லி டெல்லிக்கு பேசி அப்பாயின்ட்மெண்ட் பிக்ஸ் செஞ்சு கூட்டிட்டு வந்தாரு..

மாநாடு ஏற்பாடுகளை பார்த்த பிரதமர் அலுவலக அதிகாரிகள், ’எதுவுமே சரியாக இல்லையே’ன்னு அதிருப்தியை காட்டினாங்க.. அதுக்கு பிறகுதான், மத்திய வேளாண்துறை அமைச்சகம், விவசாயிகளுக்கு ‘மோடி பணம்’ வழங்கும் நிகழ்ச்சியையும் இந்த மாநாட்டு நிகழ்ச்சியில சேர்த்துச்சு..

ஆனாலும் மோடி பங்கேற்ற அந்த மாநாட்டுல எதிர்பார்த்த கூட்டமே இல்லையாம்.. மோடி பேசிக் கொண்டிருக்கும் போதே கொஞ்ச நஞ்ச கூட்டமும் கலைஞ்சு போயிடுச்சு.. இப்படி ஒரு சொதப்பலான மாநாட்டுக்கு எதுக்குதான் வந்தோம்னு மோடியே ரொம்ப வேதனைப்பட்டாராம்..

இதுக்கு அப்புறமா, இனிமே கவர்னர் ரவி எந்த அப்பாயின்ட்மெண்ட் கேட்டாலும், நல்லா விசாரிச்சுடுங்க.. அதுக்கு பிறகு நாம முடிவு செஞ்சுக்கலாம்னு பிஎம்ஓ அதிகாரிகளுக்கு மோடி ஸ்பெஷல் இன்ஸ்ட்ரக்‌ஷன் கொடுத்திருக்கிறாராம்..

மோடியின் குட்புக்குக்கு ஆசைப்பட்ட ஆர்.என்.ரவிக்கு டோட்டல் ‘சம்பவமும்’ நெகட்டிவ்வாக போயிடுச்சு என டைப் செய்தபடியே சென்ட் பட்டனை தட்டிவிட்டு ஆப் லைனுக்கு போனது வாட்ஸ் அப்.