மீண்டும் ஏற்றத்தில் கேஸ் சிலிண்டர் விலை!

சர்வதேச சந்தையில் நிலவும் கச்சா எண்ணெய் விலைக்கேற்ப பெட்ரோல், டீசல், சிலிண்டர் உள்ளிட்ட எரிவாயுவுக்கு ஒவ்வொரு மாத தொடக்கத்திலும் விலை நிர்ணையித்துக் கொள்ள எண்ணெய் நிறுவனங்களுக்கு மத்திய அரசு அனுமதி அளித்துள்ளது. again lpg gas cylinder price hiked

அதன்படி மார்ச் 1 ஆம் தேதியான இன்று சிலிண்டர் விலையில் மாற்றம் செய்து எண்ணெய் நிறுவனங்கள் அறிவிப்பு வெளியிட்டுள்ளன.

சென்னையில் 19 கிலோ எடை கொண்ட வணிக பயன்பாட்டிற்கான சிலிண்டர் விலை கடந்த மாதம் ரூ.6.50 குறைந்து 1959.50 ரூபாய்க்கு விற்பனை செய்யப்பட்டது. இந்த நிலையில் இன்று ரூ.5.50 உயர்ந்து ரூ.1,965க்கு விற்பனை செய்யப்படும் என அறிவிக்கப்பட்டுள்ளது.

கடந்த இரண்டு மாதமாக வணிக சிலிண்டர் விலை குறைந்த நிலையில், தற்போது மீண்டும் விலை ஏற்றப்பட்டு இயல்பு நிலைக்கு திரும்பியுள்ளது.

அதே வேளையில் வீட்டு உபயோக சிலிண்டர் விலை மாற்றமின்றி ரூ.818.50க்கு விற்பனையாகும் என அறிவிக்கப்பட்டுள்ளது.