இன்னைக்கு டீக்கடைக்கு போயிருந்தேன். அங்க தெருநாய் பிரச்சனைய விட்டுட்டு ஜிஎஸ்டி வரி குறஞ்சத பத்தி பேசிட்டு இருந்தாங்க.
அப்போ நண்பர் அங்க இருந்தவங்க கிட்ட, ”ஜிஎஸ்டி வரி குறைஞ்சதால கார் விலை எல்லாம் குறைஞ்சிட்டாம்… அதனால சீக்கிரமா கார் வாங்கனும்…. நீங்களும் வாங்கிருங்க’னு அட்வைஸ் பண்ணிட்டு இருந்தாரு.
”யோவ் நீ தானய்யா… நேத்து ஒரு 2000 கிடைக்குமானு என் கிட்ட கேட்ட… இன்னைக்கு கார் வாங்க போறேனு சொல்ற… அவ்ளோ காசு வச்சிருக்கியா?”னு கேட்டேன்.
நீ வேற, நான் மட்டும் மாசமாசம் இ.எம்.ஐ கட்டிட்டி இருக்கேன். இவனுங்கலாம் ஜாலியா இருக்கானுங்க… அதான் இவங்களுக்கு சீக்கிரமா கார் வாங்கி.. நான் கஷ்டம் படுற மாறியே இவனுங்களும் படனும்… அதான் உசுப்பேத்திட்டு இருக்கேன்’னு ஓபனா சொல்றாரு…
’அடப்பாவி எவ்வளவு விஷம்மா இருக்கீங்கடா’னு அங்க இருந்து கிளம்பி வந்துட்டேன்.
நீங்க அப்டேட்ஸ் பாருங்க…
திருப்பூர் சாரதி
ஜிஎஸ்டியை எவ்வளவு குறைச்சிருக்காங்க பாருப்பா…
அப்போ இத்தனைநாளா நம்மகிட்ட ஓவரா கறந்திருக்காங்கன்னு சொல்றே?
Mannar & company™🕗
மழையில் நனைகிறவன் சட்டையை மட்டுமே மாற்றுகிறான் ஆனால்,
வியர்வையில் நனைகிறவன் உலகத்தையே மாற்றுவான்!
அப்படிலா பாத்தா நான் தினமும் தண்ணிலேயே மிதக்கிறேன்… ஒன்னும் ஆக மாட்டேங்குதே…
கடைநிலை ஊழியன்
பிரதமர் மோடி ஜிஎஸ்டி வரியை வரலாறு காணாத அளவுக்கு குறைத்துள்ளார் – நயினார் நாகேந்திரன்
ஜிஎஸ்டி வரி விதிச்சதே அவர் தானே? இவங்களே வைப்பங்களாம்… இவங்களே எடுப்பாங்களாம்…!
✒️Writer SJB✒️
உங்க மொபைல்ல எல்லா ஆப் சர்ச் ஹிஸ்டரியும் நல்லா செக் பண்ணி பாத்துட்டேன் எந்த தப்பும் இல்ல,,
அப்புறம் ஏன் கோவமா இருக்க?
எல்லாமே பர்ஃபெக்ட்டா இருக்கு அதான் டவுட்டா இருக்கு..!
கார்மேகம்
அடுத்தநொடி நிச்சயமில்லாத வாழ்க்கைங்க
ஆமாங்க என்ன பண்ணலாம்?
பேசாம நாம நிச்சயம் பண்ணிக்கலாம்..!
லாவண்யா..
தெருநாய்களை உயிரோடு காப்பாற்றும்வரை ஓயமாட்டேன் – த்ரிஷா
யாரும் கொல்ல சொல்லவில்லையே, முகாம்களில் அடைக்க வேண்டும் என்று தான் சொல்கிறோம்
ஏசி காரில் போவதால் உங்களுக்கு நாய்களைப் பற்றி தெரியவில்லை. ஒரு நாள் எங்க ஊர் வீதியில் நடந்து பாருங்க அப்ப தெரியும்!
மயக்குநன்
சங் பரிவார் கும்பலுக்கு அடிமைப்பட்டுக் கிடக்கிற இபிஎஸ்ஸை வீழ்த்தி 2-வது இடத்துக்கு முன்னேறுவார் விஜய்!- நாஞ்சில் சம்பத்.
அண்ணனுக்கு ஒரு இன்னோவா பார்சல்..!
LAKSHMANAN_KL
பேரவைத் தேர்தலில் தேமுதிக அங்கம் வைக்கும் கூட்டணியே மகத்தான வெற்றி பெறும்!- பிரேமலதா.
2016 பேரவைத் தேர்தலில் தேமுதிக அங்கம் வகித்த மக்கள் நலக்கூட்டணி மகத்தான வெற்றி பெற்ற மாதிரிங்களா..?!
வாலு
விஜய் மாநாடு, அரைமணி நேர பொழுதுபோக்கு ஷோ!- ராஜேந்திர பாலாஜி.
அப்ப, இபிஎஸ் சுற்றுப்பயணம் ஸ்டேண்ட்-அப் காமெடி ஷோவா?!
லாக் ஆஃப்