“மத்திய அரசு வேலை வேணும்… அதுவும் நம்ம ஊர் பக்கமே கிடைச்சா எப்படி இருக்கும்?” திருச்சியில் உள்ள தேசிய தொழில்நுட்பக் கழகம் (NIT Trichy), இந்தியாவின் தலைசிறந்த கல்வி நிறுவனங்களில் ஒன்று. இங்கே வேலை கிடைப்பதே ஒரு தனி ‘கெத்து’தான்.
தற்போது திருச்சி என்.ஐ.டி-யில் காலியாக உள்ள ‘உதவி கண்காணிப்பாளர்’ (Assistant / Superintendent) உள்ளிட்ட ஆசிரியர் அல்லாத பணியிடங்களை (Non-Teaching Posts) நிரப்ப அதிகாரப்பூர்வ அறிவிப்பு வெளியாகியுள்ளது.
வேலை என்ன? நிர்வாகப் பணிகளைக் கவனிக்கும் ‘சூப்பிரண்டு’ மற்றும் ‘அசிஸ்டெண்ட்’ வேலைதான் இது. ஏசி ரூம், கம்ப்யூட்டர் முன்பு வேலை… கூடவே மத்திய அரசுச் சலுகைகள்!
யாரெல்லாம் விண்ணப்பிக்கலாம்?
- கல்வித் தகுதி: அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பு (Any Degree) முடித்திருக்க வேண்டும்.
- முக்கிய நிபந்தனை: டிகிரியில் முதல் வகுப்பில் (First Class) தேர்ச்சி பெற்றிருப்பது அவசியம். அல்லது முதுகலை (Master’s Degree) முடித்திருந்தால் 50% மதிப்பெண் இருந்தால் போதும்.
- கூடுதல் தகுதி: கம்ப்யூட்டரில் வேலை செய்யத் தெரிந்திருக்க வேண்டும் (Word, Excel).
வயது வரம்பு: விண்ணப்பதாரர்கள் 30 வயதுக்குள் இருக்க வேண்டும். (எஸ்சி/எஸ்டி, ஓபிசி பிரிவினருக்கு மத்திய அரசு விதிகளின்படி வயதுத் தளர்வு உண்டு).
சம்பளம்: “தனியார் கம்பெனில வருஷ கணக்கா வேலை பார்த்தாலும் கிடைக்காத சம்பளம் இங்க ஸ்டார்டிங்லேயே கிடைக்கும்!”
இது ‘குரூப் பி’ (Group B) அந்தஸ்து கொண்ட வேலை. ஊதிய விகிதம் (Level-6) படி, அடிப்படைச் சம்பளம் மற்றும் இதர படிகள் எல்லாம் சேர்த்து மாதம் கைக்கு ரூ.50,000 முதல் ரூ.1,12,400 வரை சம்பளம் கிடைக்க வாய்ப்புள்ளது.
தேர்வு முறை:
- எழுத்துத் தேர்வு (Written Test).
- திறன் தேர்வு (Skill Test / Proficiency Test).
- நேர்காணல் (Interview) கிடையாது என்பது கூடுதல் மகிழ்ச்சி!
விண்ணப்பிப்பது எப்படி? விருப்பமுள்ளவர்கள் https://nittnt.samarth.edu.in/index.php/site/login என்ற இணையதளத்தில் ஆன்லைன் மூலமாக விண்ணப்பிக்க வேண்டும்.
விண்ணப்பக் கட்டணம் மற்றும் கடைசித் தேதி விவரங்களை இணையதளத்தில் உள்ள விரிவான அறிவிப்பில் சரிபார்த்துக் கொள்ளவும்.
பொதுவா இன்ஜினியரிங் காலேஜ் வேலைன்னாலே டெக்னிக்கல் படிச்சவங்களுக்கு மட்டும்தான் வாய்ப்புனு நினைப்போம். ஆனா, இந்த ‘சூப்பிரண்டு’ வேலைக்கு எந்த டிகிரி படிச்சவங்களும் அப்ளை பண்ணலாம். சிலபஸ் ரொம்ப சிம்பிள்… பொது அறிவு, ஆங்கிலம், கணிதம் மற்றும் ஆபீஸ் நிர்வாகம் பத்திதான் கேள்விகள் இருக்கும். டிஎன்பிஎஸ்சி குரூப்-2 அளவுக்குக் கூட கஷ்டமா இருக்காது. திருச்சி, தஞ்சாவூர் பக்கம் இருக்கிறவங்க மிஸ் பண்ணாம அப்ளை பண்ணுங்க!