ஜிஎஸ்டி தாக்கல் செய்யத் தெரியுமா? அரசு நடத்தும் ‘சூப்பர்’ பயிற்சி… சர்டிபிகேட்டும் உண்டு! மிஸ் பண்ணிடாதீங்க!

“பிசினஸ் பண்ண ஆசை இருக்கு… ஆனா இந்த ‘ஜிஎஸ்டி’ (GST) கணக்கு வழக்கு பார்த்தாலே தலை சுத்துதே!” என்று கலங்கும் புதுத் தொழில்முனைவோரா நீங்கள்? அல்லது “டிகிரி முடிச்சுட்டேன்… அக்கவுண்ட்ஸ் ஃபீல்டுல ஒரு கை பார்க்கணும்” என்று நினைக்கும் பட்டதாரியா? உங்களுக்காகவே ஒரு அரிய வாய்ப்பை வழங்குகிறது தமிழக அரசு.

தமிழ்நாடு தொழில் முனைவோர் மேம்பாடு மற்றும் புத்தாக்க நிறுவனம் (EDII-TN), கிண்டியில் உள்ள தனது வளாகத்தில் ஜிஎஸ்டி (GST) குறித்த 3 நாள் நேரடிப் பயிற்சியை நடத்தவுள்ளது. இது வெறும் தியரி கிளாஸ் இல்லை; கம்ப்யூட்டர் முன் உட்கார்ந்து செய்யும் ‘ஹேண்ட்ஸ் ஆன்’ (Hands-on) பயிற்சி!

என்ன சொல்லித் தருவாங்க? இன்றைய தேதியில் ஒரு மளிகைக் கடை வைத்திருந்தால் கூட ஜிஎஸ்டி அறிவு அவசியம். இந்தப் பயிற்சியில்:

• ஜிஎஸ்டி அடிப்படைகள்: ஜிஎஸ்டி என்றால் என்ன? யாரெல்லாம் பதிவு செய்ய வேண்டும்?
• ITR Filing: வருமான வரித் தாக்கல் செய்வது எப்படி? (Tally Prime மென்பொருள் மூலம்).
• E-Way Bill: சரக்குகளை ஒரு இடத்திலிருந்து இன்னொரு இடத்திற்குக் கொண்டு செல்லத் தேவையான ‘இ-வே பில்’ உருவாக்குவது எப்படி?
• புதிய ஜிஎஸ்டி போர்டல் அப்டேட்டுகள் மற்றும் நடைமுறைச் சிக்கல்களைத் தீர்ப்பது எப்படி?

யாருக்கு இந்தப் பயிற்சி?

• சொந்தமாகத் தொழில் செய்பவர்கள் (Entrepreneurs).
• கல்லூரி மாணவர்கள் (குறிப்பாக B.Com, MBA).
• வேலை தேடும் பட்டதாரிகள்.
• அக்கவுண்டன்ட் வேலை பார்ப்பவர்கள்.

முக்கியத் தேதிகள்: இந்தப் பயிற்சி முகாம் வரும் ஜனவரி 29, 30 மற்றும் 31 (2026) ஆகிய மூன்று நாட்கள் நடைபெறவுள்ளது.

கட்டணம் & சலுகை: இந்தப் பயிற்சிக்குக் கட்டணமாக ரூ.5,000 நிர்ணயிக்கப்பட்டுள்ளது. “என்னப்பா இவ்ளோ காசா?” என்று யோசிக்காதீர்கள். வெளியே தனியார் நிறுவனங்களில் இதே கோர்ஸைப் படிக்க ரூ.15,000 வரை வசூலிக்கிறார்கள். இது அரசு நிறுவனம் என்பதால் கட்டணம் குறைவு. அதுமட்டுமில்லாமல், பயிற்சியின் முடிவில் அரசுச் சான்றிதழ் வழங்கப்படும். இது வேலைவாய்ப்புக்குப் பெரிய ப்ளஸ் பாயிண்ட்! 

பதிவு செய்வது எப்படி? ஆர்வமுள்ளவர்கள் www.editn.in என்ற இணையதளத்தில் முன்பதிவு செய்து கொள்ளலாம். கூடுதல் விவரங்களுக்கு 8668102600, 8668100336 ஆகிய எண்களைத் தொடர்பு கொள்ளலாம்.

இன்னைக்கு இருக்கிற சூழல்ல, ஒரு ஆடிட்டரை (Auditor) நம்பி மட்டுமே பிசினஸ் பண்ண முடியாது. அடிப்படை ஜிஎஸ்டி அறிவு நமக்கு இருந்தாதான், எந்த இடத்துலயும் ஏமாறாம இருக்க முடியும். அக்கவுண்ட்ஸ் வேலை தேடுறவங்களுக்கு இந்தச் சர்டிபிகேட் ஒரு ‘விசா’ மாதிரி. 

இன்டர்வியூல ‘எனக்கு ஜிஎஸ்டி போர்டல் பத்தித் தெரியும்’னு கெத்தா சொல்லலாம். கிண்டிக்குப் பக்கத்துல இருக்கிறவங்க இந்த 3 நாளை பயனுள்ளதா மாத்திக்கோங்க!