“என்னப்பா… ‘பேங்க் வேலைக்கு போகணும்னா வருஷக்கணக்குல ஐபிபிஎஸ் (IBPS) எக்ஸாம் எழுதி ரிசல்ட்டுக்காக காத்துட்டு இருக்கணுமே’ன்னு கவலைப்படுறீங்களா? ‘இந்த வயசுல எக்ஸாம் ஹால்ல உட்கார்ந்து மேத்ஸ் போட முடியல பாஸ், ஆனா எனக்கு கம்யூனிகேஷன் ஸ்கில் நல்லா இருக்கு, ஒரு வேலை கிடைக்குமா?’ன்னு கேக்குற தம்பி, தங்கச்சிகளா… உங்க கவலையை ஓரமா வைங்க! இதோ சவுத் இந்தியன் பேங்க் (South Indian Bank) ஒரு மெகா ‘ஜாக்பாட்’ கொண்டு வந்திருக்கு. எக்ஸாம் இல்ல, வெறும் இண்டர்வியூ மூலமா நீங்க ஒரு ஆபீசர் ஆகலாம்! ‘மிஸ் பண்ணிடாதீங்க பாஸ்’!”
தனியார் துறையின் முன்னணி வங்கியான சவுத் இந்தியன் பேங்க், தற்போது ஜூனியர் ஆபீசர் (Junior Officer) மற்றும் பிசினஸ் புரோமோஷன் ஆபீசர் (Business Promotion Officer) பணியிடங்களை நிரப்ப அதிரடி அறிவிப்பை வெளியிட்டுள்ளது. “மார்ச் 2-ஆம் தேதி தான் அப்ளை பண்ண கடைசி நாள்… கையில இருக்குற இந்த வாய்ப்பை உடனே தட்டித் தூக்குங்க பாஸ்!”
யாருக்கெல்லாம் இந்த ஜாக்பாட்? (Eligibility & Vacancy Details)
இந்த வேலைக்கு விண்ணப்பிக்கத் தேவையான தகுதிகள் மற்றும் முக்கியமான விவரங்களை இங்கே பார்க்கலாம் பாஸ்:
- கல்வித்தகுதி: நீங்கள் ஏதேனும் ஒரு துறையில் பட்டப்படிப்பு (Any Degree) முடித்திருந்தால் போதும். பத்தாம் வகுப்பு, பன்னிரண்டாம் வகுப்பு மற்றும் பட்டப்படிப்பில் குறைந்தபட்சம் 60 சதவீத மதிப்பெண்கள் பெற்றிருக்க வேண்டும்.
- வயது வரம்பு: (31.12.2025 தேதியின்படி) விண்ணப்பதாரர்கள் 26 வயதுக்கு மிகாமல் இருக்க வேண்டும். அரசு விதிகளின்படி எஸ்சி/எஸ்டி (SC/ST) பிரிவினருக்கு வயது தளர்வு உண்டு.
- விண்ணப்பக் கட்டணம்: இதுதான் பாஸ் மெகா ஜாக்க்பாட்! இந்தப் பணியிடங்களுக்கு விண்ணப்பிக்க எந்தவிதமான விண்ணப்பக் கட்டணமும் கிடையாது (No Application Fee).
- முக்கியமான தேதிகள்: விண்ணப்பப் பதிவு ஏற்கனவே பிப்ரவரி 20, 2026 அன்று தொடங்கிவிட்டது. வரும் மார்ச் 2, 2026 வரை நீங்கள் ஆன்லைனில் விண்ணப்பிக்கலாம்.
தேர்வு முறை எப்படி இருக்கும்? (Selection Process)
“சார்… எக்ஸாம் இல்லாம எப்படி எடுப்பாங்க?”னு கேக்குறீங்களா? அதான் இங்க இருக்குற பிளான்:
- விண்ணப்பங்கள் முதலில் பரிசீலிக்கப்பட்டு, தகுதியானவர்கள் மட்டும் அடுத்த கட்டத்திற்கு அழைக்கப்படுவார்கள்.
- தேர்வு முறையானது குழு விவாதம் (Group Discussion) மற்றும் நேர்முகத் தேர்வு (Personal Interview) ஆகிய இரண்டு நிலைகளை உள்ளடக்கியது.
- இந்த இரண்டிலும் உங்கள் திறமையை நிரூபித்தால், ‘ரிசல்ட்’ உங்க பக்கம் தான் பாஸ்!
இதை மறந்துடாதீங்க:
- நேரமே பொன் போன்றது: மார்ச் 2-ஆம் தேதி வரை டைம் இருக்குன்னு அசால்ட்டா இருக்காதீங்க பாஸ். கடைசி நேரத்துல சர்வர் பிஸியாக வாய்ப்பு இருக்கு. இன்னைக்கே அப்ளை பண்ணிடுங்க.
- கூர்ந்து கவனிங்க: விண்ணப்பிக்கும் முன் அதிகாரப்பூர்வ அறிவிப்பை முழுமையாகப் படிப்பது அவசியம். உங்கள் கல்விச் சான்றிதழ்கள் மற்றும் புகைப்படத்தைச் சரியான அளவில் ஸ்கேன் செய்து வைத்துக்கொள்ளுங்கள்.
- கம்யூனிகேஷன் கெத்து: இதுல எழுத்துத் தேர்வு இல்லை என்பதால், குரூப் டிஸ்கஷன் மற்றும் இண்டர்வியூ தான் உங்க வெற்றியையைத் தீர்மானிக்கும். வங்கியியல் மற்றும் நடப்பு நிகழ்வுகள் பற்றி இப்போவே கொஞ்சம் அப்டேட் ஆகிக்கோங்க.
எப்படி விண்ணப்பிப்பது?
விருப்பமும், தகுதியும் உள்ள பட்டதாரிகள் சவுத் இந்தியன் வங்கியின் அதிகாரப்பூர்வ இணையதளமான www.southindianbank.bank.in என்ற முகவரி மூலம் ஆன்லைனில் விண்ணப்பிக்கலாம்.
முடிவாக…
பேங்க் வேலைக்கு எக்ஸாம் இல்லாமலே ஆபீசர் ஆக கிடைச்சிருக்கிற இந்த ‘கோல்டன் டிக்கெட்’டை நழுவ விடாதீங்க. ஒரு ரூபாய் கூட செலவில்லாம அப்ளை பண்ண சான்ஸ் இருக்கும்போது ஏன் தயங்கணும்? உங்க பேங்க் கரியர் சிறப்பா தொடங்க மின்னம்பலம் வாழ்த்துகிறது!