தங்கம் மற்றும் வெள்ளி விலைகள் (gold and silver price) நேற்று கடுமையாக சரிந்தன. சமீபத்திய உச்ச விலைகளில் இவற்றை வாங்கிய முதலீட்டாளர்களுக்கு இது பெரும் இழப்பை ஏற்படுத்தியுள்ளது.
மல்டி கமாடிட்டி எக்ஸ்சேஞ்சில் (MCX) வெள்ளி விலைகள் அதன் உச்ச விலையிலிருந்து கணிசமாக வீழ்ச்சியடைந்துள்ளன. தங்கமும் வலுவான திருத்தத்தை சந்தித்துள்ளது. மாலை நேர நிலவரப்படி, MCX-ல் வெள்ளி சுமார் ரூ. 2,48,400-க்கு வர்த்தகமானது. இது ஒரே நாளில் ரூ. 17,252 அல்லது கிட்டத்தட்ட 6.5% சரிவு ஆகும். அதேபோல, தங்கம் ரூ. 1,47,400-க்கு வர்த்தகமானது. இது ரூ. 353 குறைவு.
சில நாட்களுக்குள், வெள்ளி அதன் உச்ச விலையான ரூ. 4.20 லட்சத்திலிருந்து கிட்டத்தட்ட ரூ. 2 லட்சம் மலிவாகியுள்ளது. தங்கம் அதன் சமீபத்திய உச்ச விலையிலிருந்து ரூ. 51,000-க்கும் மேல் குறைந்துள்ளது. வெள்ளி MCX-ல் சுமார் ரூ. 4.20 லட்சம் என்ற வரலாற்று உச்சத்தை எட்டியது. தற்போது இது சுமார் ரூ. 2.50 லட்சம் என்ற நிலைக்கு அருகில் வர்த்தகமாகிறது. இந்த சரிவு, சந்தையில் நிலவும் தொடர்ச்சியான விற்பனை அழுத்தத்தால் ஏற்பட்டுள்ளது.
முதலீட்டாளர்களிடம் நிலவும் அச்சம்: முதலீட்டாளர்கள் இடை “தவறிவிடுவோமோ” என்ற பயத்தில் (fear of missing out) சமீபத்திய ஏற்றத்தின் போது வாங்கிய முதலீட்டாளர்கள் இப்போது இழப்புகளைச் சந்தித்து வருகின்றனர். தங்கம் மற்றும் வெள்ளி எக்ஸ்சேஞ்ச் டிரேடட் ஃபண்டுகள் (ETFs) இந்த சரிவின் தாக்கத்தை அதிகமாக உணர்ந்துள்ளன. இவை அடிப்படை உலோகங்களின் விலைப் போக்கைப் பிரதிபலிக்கின்றன.
இந்த வீழ்ச்சிக்கான காரணம் என்ன? சமீபத்திய இந்த வீழ்ச்சிக்கு முக்கிய காரணம், வலுவான ஏற்றத்திற்குப் பிறகு ஏற்பட்ட லாப புக்கிங் (profit booking) ஆகும். சிறிய சரிவு கூட மேலும் விற்பனையைத் தூண்டி, விலைகளில் அழுத்தத்தை அதிகரித்தது. அமெரிக்க டாலர் வலுப்பெற்றதும் விலைமதிப்பற்ற உலோகங்களுக்கு ஒரு பின்னடைவாக அமைந்துள்ளது. அமெரிக்க அதிபர் டொனால்ட் டிரம்ப் கருத்துக்கள் நிச்சயமற்ற தன்மையை அதிகரித்தன. அவர் வட்டி விகிதங்களில் கடுமையான நிலைப்பாட்டைக் கொண்ட முன்னாள் ஃபெடரல் ரிசர்வ் கவர்னர் கெவின் வார்ஷை அமெரிக்க மத்திய வங்கியின் தலைவராகத் தேர்ந்தெடுத்ததாகக் கூறினார்.
மேலும், CME குழுமம் உலோக ஃபியூச்சர்ஸ்களுக்கான மார்ஜின் தேவைகளை அதிகரிப்பதாக அறிவித்துள்ளது. COMEX தங்க ஃபியூச்சர்ஸ் மார்ஜின்கள் 6% இலிருந்து 8% ஆகவும், COMEX 5000 வெள்ளி ஃபியூச்சர்ஸ் மார்ஜின்கள் 11% இலிருந்து 15% ஆகவும் உயர்த்தப்பட்டுள்ளன. திங்கள்கிழமை சந்தை முடிவடைந்த பிறகு இவை நடைமுறைக்கு வரும். இது விலைமதிப்பற்ற உலோகங்களில் மேலும் தாக்கத்தை ஏற்படுத்தும் என எதிர்பார்க்கப்படுகிறது.
வெள்ளிக்கான அதிக தேவை: வெள்ளியின் விலை நிலவரம் மிகவும் சிக்கலாக உள்ளது. உலகளாவிய வெள்ளி தேவையில் கிட்டத்தட்ட பாதி தொழில்துறை பயன்பாட்டிலிருந்து வருகிறது. இதில் மின்னணுவியல், சூரிய தகடுகள், மின்சார வாகனங்கள் மற்றும் பிற புதிய தொழில்நுட்பங்கள் அடங்கும். விநியோகத்தைப் பொறுத்தவரை, வெள்ளி உற்பத்தி பெரும்பாலும் சுரங்க நடவடிக்கைகளைச் சார்ந்துள்ளது. விரைவான விநியோக அதிகரிப்புக்கு குறைந்த வாய்ப்பே உள்ளது என்று நிபுணர்கள் கூறுகின்றனர். அதிகரித்து வரும் தொழில்துறை தேவைக்கும் கட்டுப்படுத்தப்பட்ட விநியோகத்திற்கும் இடையிலான இந்த சமநிலையின்மை, இரு திசைகளிலும் கூர்மையான விலை நகர்வுகளுக்கு வழிவகுக்கும் என்கின்றனர்.
ஏற்ற இறக்கத்துடன் தொடரும் வெள்ளி: வெள்ளி பெரும்பாலும் வலுவான விலைமதிப்பற்ற உலோக ஏற்றங்களின் போது சிறப்பாக செயல்படுகிறது. ஆனால் தங்கத்தை விட அதிக ஏற்ற இறக்கத்தையும் கொண்டுள்ளது. வெள்ளி முதலீட்டு தேவை மற்றும் தொழில்துறை நுகர்வு இரண்டிலிருந்தும் பயனடைகிறது. இது பண்டங்களின் ஏற்ற காலங்களில் விலை நகர்வுகளை அதிகரிக்கக்கூடும். இருப்பினும், சந்தை உணர்வு எச்சரிக்கையாக மாறும் போது, தற்போதைய கட்டத்தில் காணப்படுவது போல அதே காரணிகள் கடுமையான திருத்தங்களுக்கும் வழிவகுக்கும் என்று நிபுணர்கள் கூற்கின்றனர்.