வழக்கமாக விடுமுறை (Vacation) என்றாலே, “நன்றாகச் சாப்பிட்டுவிட்டு, கடற்கரையில் படுத்துத் தூங்க வேண்டும்” என்றுதான் நினைப்போம். அல்லது அதிகபட்சம், அமைதி தேடி ஒரு ‘யோகா ரிட்ரீட்’ (Yoga Retreat) செல்வோம். ஆனால், 2026-ல் இந்த இரண்டு பழக்கங்களையும் மக்கள் ஓரங்கட்டிவிட்டனர்.
இப்போது ட்ரெண்ட் – ‘ரன்கேஷன்‘ (Runcation). அதாவது, Running + Vacation. காசு கொடுத்து டிக்கெட் புக் செய்து, அழகிய ஊர்களுக்குச் சென்று, அங்கே வியர்க்க விறுவிறுக்க ஓடுவதுதான் இந்த புதுவிதமான சுற்றுலா!
அது என்ன ‘ரன்கேஷன்’? இது ஒலிம்பிக் பந்தயம் அல்ல; யாரையும் முந்திச் செல்லும் போட்டியும் அல்ல. ஒத்த அலைவரிசை கொண்ட நண்பர்கள் அல்லது குழுவினர் (Groups) ஒன்றிணைந்து, மலைப்பிரதேசங்கள், கடற்கரைகள் அல்லது காடுகள் போன்ற ரம்மியமான இடங்களுக்குச் செல்வார்கள். அங்கே காலையில் எழுந்து, இயற்கைக் காட்சிகளை ரசித்தபடியே நீண்ட தூரம் மெதுவாக ஓடுவதுதான் (Long, Slow Trail Runs) இதன் நோக்கம்.
யோகாவை விட இது ஏன் ஈர்க்கிறது?
- நகரும் தியானம் (Meditation in Motion): யோகா என்பது ஓரிடத்தில் அமர்ந்து செய்வது. ஆனால், ஓடுவது என்பது “நகரும் தியானம்”. இயற்கையோடு ஒன்றிணைந்து, புதிய இடங்களை கால்களால் அளப்பது மனதிற்குப் பெரிய விடுதலையைத் தருகிறது.
- சமூக பிணைப்பு (Tribal Bonding): ஜிம்மில் தனியாக ஓடுவதற்கும், ஒரு குழுவாகக் காடு மேடுகளில் அரட்டை அடித்துக்கொண்டு ஓடுவதற்கும் வித்தியாசம் உண்டு. இது நட்பு வட்டத்தை விரிவாக்குகிறது.
- சுற்றுலா அனுபவம்: பேருந்திலோ காரிலோ சென்றால் பல இடங்களை மிஸ் செய்வோம். ஆனால், ஓடும்போது அந்த ஊரின் மூலை முடுக்குகளையும், மறைந்திருக்கும் அழகையும் ரசிக்க முடியும்.
எங்கே செல்கிறார்கள்? இமாச்சலப் பிரதேசம், ஊட்டி, மூணாறு போன்ற மலைப்பகுதிகள் முதல், இந்தோனேஷியாவின் பாலி (Bali) தீவுகள் வரை ‘ரன்கேஷன்’ பேக்கேஜ்கள் சூடுபிடிக்கின்றன. இதற்காகவே டூர் ஆபரேட்டர்கள், பாதுகாப்பான ஓடு பாதைகள் (Trails), ஓடி முடித்ததும் மசாஜ் வசதிகள் மற்றும் சத்தான உணவுகளை ஏற்பாடு செய்து தருகின்றனர்.
வேகம் முக்கியமல்ல: “ஐயோ! எனக்கு மூச்சு வாங்குமே” என்று பயப்பட வேண்டாம். இந்தச் சுற்றுலாவின் விதியே “நிதானம்” தான். நின்று, நிதானித்து, செல்ஃபி எடுத்துக்கொண்டு ஓடுவதுதான் இந்த ‘ரன்கேஷன்’ ஸ்டைல்.
அடுத்த முறை லீவுக்கு பிளான் போடும்போது, சூட்கேஸில் நாலு டிரஸ்ஸைக் குறைத்துவிட்டு, ஒரு ஜோடி ரன்னிங் ஷூவை எடுத்து வையுங்கள். உலகம் உங்கள் காலடியில்!