“நீட் தேர்வுக்குப் படிக்க ஸ்டார்ட் பண்ணியாச்சு… ஆனா பழைய சிலபஸா? புது சிலபஸா? எதைப் படிக்கிறதுனு ஒரே குழப்பமா இருக்கா?” டாக்டர் கனவோடு படிக்கும் மாணவர்களின் இந்தக் குழப்பத்திற்கு ஒரு முற்றுப்புள்ளி வந்துவிட்டது. 2026ஆம் ஆண்டு நடைபெறவுள்ள நீட் (NEET UG 2026) தேர்வுக்கான அதிகாரப்பூர்வ பாடத்திட்டத்தை (Updated Syllabus) தேசிய மருத்துவ ஆணையம் (NMC) வெளியிட்டுள்ளது. “இனிமே வதந்தியை நம்பாதீங்க… சிலபஸை நம்புங்க!”
என்ன அறிவிப்பு? தேசியத் தேர்வு முகமை (NTA) நடத்தும் இந்தத் தேர்வுக்கு, என்எம்சி (NMC) தான் சிலபஸை நிர்ணயிக்கும். 2026 மே மாதம் தேர்வு நடைபெறவுள்ள நிலையில், மாணவர்கள் எதை மட்டும் படித்தால் போதும் என்ற விவரம் இப்போது வெளியாகியுள்ளது.
சிலபஸ் விவரம் (Physics, Chemistry, Biology): கடந்த ஆண்டைப் போலவே, இந்த ஆண்டும் ‘குறைக்கப்பட்ட’ சிலபஸ் (Reduced Syllabus) பின்பற்றப்படுமா என்ற கேள்வி பலருக்கும் இருந்தது.
- பயாலஜி: என்சிஇஆர்டி (NCERT) புத்தகத்தில் நீக்கப்பட்ட சில பகுதிகள் நீட் தேர்விலும் இருக்காது. ஆனால், சில முக்கியமான தலைப்புகள் சேர்க்கப்பட்டிருக்கலாம்.
- பிசிக்ஸ் & கெமிஸ்ட்ரி: தேவையற்ற, பழைய தலைப்புகள் நீக்கப்பட்டு, புதிய அப்டேட்டட் சிலபஸ் கொடுக்கப்பட்டுள்ளது.
டவுன்லோட் செய்வது எப்படி?
- வெப்சைட்: www.nmc.org.in என்ற அதிகாரப்பூர்வ இணையதளத்திற்குச் செல்லுங்கள்.
- நோட்டிபிகேஷன்: முகப்புப் பக்கத்தில் “NEET UG 2026 Syllabus” என்ற லிங்க் இருக்கும்.
- PDF: அதை க்ளிக் செய்து PDF ஃபைலை டவுன்லோட் செய்யுங்கள்.
- பிரிண்ட்: மொபைலில் வைத்திருந்தால் பத்தாது. ஒரு பிரிண்ட் எடுத்து உங்கள் ஸ்டடி டேபிளில் ஒட்டி வைத்துக்கொள்ளுங்கள்.
சிலபஸ் கையில கிடைச்சிருச்சு… இனிமே தான் உங்க ‘ஸ்மார்ட் வர்க்’ ஆரம்பம்!
- பழைய புக்கை வீசிராதீங்க: “புது NCERT புக்ல இந்த பாடம் இல்லையே”னு அவசரப்படாதீங்க. சிலபஸில் அந்தத் தலைப்பு இருக்கான்னு பாருங்க. சில நேரம், பழைய புத்தகத்தில் உள்ள கூடுதல் தகவல்கள் நீட் தேர்வுக்குத் தேவைப்படலாம்.
- டாபிக் வைஸ் டிக் பண்ணுங்க: சிலபஸ் PDF-ஐ கையில் வைத்துக்கொண்டு, ஒவ்வொரு பாடமாக படித்து முடித்ததும் ‘டிக்’ (Tick) செய்யுங்கள். இது உங்களுக்கு ஒரு நம்பிக்கையைக் கொடுக்கும்.
- டெலிட்டட் டாபிக்ஸ் (Deleted Topics): எதெல்லாம் சிலபஸில் இல்லை என்பதைத் தெரிந்துகொள்வதை விட, எதெல்லாம் கண்டிப்பாக இருக்கிறது என்பதைத் தெரிந்துகொள்வதுதான் புத்திசாலித்தனம்.
வாட்ஸ்அப்பில் வரும் போலியான சிலபஸை நம்பாதீர்கள். அதிகாரப்பூர்வ PDF-ஐ மட்டும் பின்பற்றுங்கள்.