தபால் நிலையங்கள் பொதுமக்களுக்கு பல்வேறு சேமிப்புத் திட்டங்களில் முதலீடு செய்வதற்கான வாய்ப்புகளை வழங்குகின்றன. நிலையான சேமிப்புக் கணக்குகளைத் தவிர, தபால் நிலையங்கள் தொடர் வைப்பு கணக்குகள், PPF, கிசான் விகாஸ் பத்ரா, TD கணக்குகள் மற்றும் MIS உள்ளிட்ட பல்வேறு கணக்குகளை வழங்குகின்றன. இதில் தபால் நிலைய RD கணக்குகள் மிக முக்கியமானவை. RD அல்லது தொடர் வைப்புத்தொகை என்பது நிலையான மாதாந்திர வைப்புத்தொகை தேவைப்படும் ஒரு சேமிப்புத் திட்டமாகும். வங்கிகளைப் போலவே RD Scheme கணக்குகளையும் தபால் நிலையங்களிலும் திறக்கலாம்.
6.7% ஆண்டு வட்டி கிடைக்கும்: தபால் அலுவலகம் தற்போது அதன் வாடிக்கையாளர்களுக்கு அதன் RD திட்டத்தில் 6.7 சதவீத ஆண்டு வட்டி விகிதத்தை வழங்குகிறது. அதிகபட்ச முதலீட்டு வரம்பு இல்லாமல் நீங்கள் மாதாந்திர முதலீட்டாக 100 ரூபாயுடன் சேமிக்கத் தொடங்கலாம். அதாவது நீங்கள் விரும்பும் அளவுக்கு டெபாசிட் செய்யலாம். தபால் நிலையத்தில் RD கணக்கைத் திறக்க உங்களிடம் ஒரு தபால் நிலைய சேமிப்புக் கணக்கு இருக்க வேண்டும்.
RD கணக்கில் கடன் வசதி: அஞ்சல் அலுவலக RD திட்டத்தின் கீழ் கடன் கிடைக்கும். கணக்கு குறைந்தபட்சம் ஒரு வருடம் செயல்பாட்டில் இருந்து தொடர்ந்து 12 மாதங்கள் டெபாசிட் செய்த பிறகு நீங்கள் கடனுக்குத் தகுதி பெறுவீர்கள். அஞ்சல் அலுவலக RD திட்டத்தின் கீழ் உங்கள் RD கணக்கில் டெபாசிட் செய்யப்பட்ட மொத்தத் தொகையில் 50 சதவீதம் வரை கடனாகப் பெறலாம். அதை மொத்தமாகவோ அல்லது மாதாந்திர தவணைகளாகவோ திருப்பிச் செலுத்தலாம்.
60 மாதங்களில் முதிர்ச்சியடையும்: அஞ்சல் அலுவலக RD திட்டம் 5 ஆண்டுகள் அல்லது 60 மாதங்களில் முதிர்ச்சியடைகிறது. இருப்பினும், நீங்கள் அதை மேலும் 5 ஆண்டுகளுக்கு நீட்டிக்கலாம். நீங்கள் ஒவ்வொரு மாதமும் தபால் அலுவலக RD திட்டத்தில் ரூ.3,500 டெபாசிட் செய்தால் முதிர்ச்சியின் போது, அதாவது 60 மாதங்களுக்குப் பிறகு மொத்தம் ரூ.2,49,776 பெறுவீர்கள். இதில் நீங்கள் டெபாசிட் செய்த ரூ.2,10,000 உடன் சேர்த்து வட்டியாக ரூ.39,776 உங்களுக்கு கிடைக்கும்.