வயிற்றுப் போக்கால் அவதிப்படுறீங்களா?.. சிம்பிள் வீட்டு வைத்தியம் இதோ..!

வயிற்றுப் போக்கை நம் வீட்டில், சமையலறையில் இருக்கும் இயற்கையான பொருட்களைக் கொண்டே தடுக்கலாம்.

வயிறு சார்ந்த பிரச்சனைகளில் முக்கியமானது வயிற்றுப் போக்கு பிரச்சனையாகும். மோசமான உணவுகளை சாப்பிடுவதன் காரணமாக வயிற்றுப் போக்கு, வயிற்றுக் கடுப்பு உள்ளிட்டவை ஏற்படுகின்றன. தினமும் ஒன்று அல்லது இரண்டு முறை மலம் கழிப்பது பிரச்சனையில்லை. ஆனால், 4 – 5 முறை வரை தண்ணீராக மலம் செல்வது வயிற்றுப் போக்காகும். இதனால் உடலில் நீர்ச்சத்து குறைவதுடன், எளிதில் சோர்வாகிவிடுகிறோம்.

வயிற்றுப் போக்கைத் தடுக்க வீட்டு வைத்தியம் (Home remedies to stop dysentery) : வயிற்றுப் போக்கை தடுக்க சில வீட்டு வைத்தியங்களைத் தெரிந்துவைத்துக்கொள்வது மிகவும் நல்லது. ஏனெனில் நாம் உடனே மருத்துவமனைக்கு சென்றுவிட முடியாது. அந்த சமயத்தில் இந்த வீட்டு வைத்தியத்தை முயற்சி செய்தால் வயிற்றுப் போக்கை தடுக்க உதவிபுரியும்.

மாதுளைத் தோல் பொடி (Pomegranate peel powder) : நாம் மாதுளைப் பழத்தை மட்டும் சாப்பிட்டுவிட்டு அதன் தோலை குப்பையில் போட்டுவிடுவோம். ஆனால், மாதுளைத் தோல் வயிற்றுக்கு மிகவும் நன்மை பயக்கும். மாதுளை தோல்களை உலர்த்தி அரைத்துவைத்துக் கொள்ள வேண்டும்.  அரை டீஸ்பூன் பொடியை தேன் அல்லது மோருடன் கலந்து ஒரு நாளைக்கு 3-4 முறை சாப்பிட வேண்டும். இது வயிற்று எரிச்சலைக் குறைத்து வயிற்றுப் போக்கிலிருந்து நிவாரணம் அளிக்கிறது.

வாழைப்பழம், பப்பாளி சாப்பிடலாம் (Eat Bananas and Papaya) : பழுத்த வாழைப்பழங்கள் வயிற்றை ஆற்றும் மற்றும் வயிற்றுப்போக்கை குறைக்க உதவிபுரிகிறது. அவை எளிதில் ஜீரணிக்கக்கூடியவை மற்றும் குடலில் உள்ள அதிகப்படியான தண்ணீரை உறிஞ்ச உதவும் நார்ச்சத்து நிறைந்தவை, பொட்டாசியமும் உள்ளது, இது வயிற்றுப் போக்கால் இழக்கப்படும் எலக்ட்ரோலைட்டுகளை நிரப்ப உதவுகிறது. பப்பாளி செரிமானத்தை மேம்படுத்தி வயிற்றை சுத்தமாக வைத்திருக்க உதவுகிறது. இந்த இரண்டு பழங்களையும் மிதமாக சாப்பிட்டால் வயிற்றுப்போக்கைத் தடுக்கலாம்.

ஓமம் விதைகள், சீரகம் மற்றும் பெருங்காயக் கலவை (Kitchen idems stop loose motion): அரை டீஸ்பூன் சீரகம், சிறிது ஓமம் விதைகள் மற்றும் கொஞ்சம் பெருங்காயம் ஆகியவற்றை எடுத்து ஒரு கப் வெதுவெதுப்பான நீரில் அல்லது மோரில் கலந்து ஒரு நாளைக்கு இரண்டு முறை குடிக்கலாம். இது வாயு, வயிற்று வலி, வயிற்றுப் போக்கு மற்றும் பிடிப்புகளிலிருந்து நிவாரணம் அளிக்கிறது.

மஞ்சள் மற்றும் தேன் (Turmeric and honey): மஞ்சளில் பாக்டீரியா எதிர்ப்பு பண்புகள் உள்ளன. அரை டீஸ்பூன் மஞ்சளை ஒரு டீஸ்பூன் தேனுடன் கலந்து ஒரு நாளைக்கு இரண்டு முறை எடுத்துக் கொள்ளுங்கள். இது வயிற்று தொற்றுகளைக் குறைத்து உடலை பலப்படுத்த உதவுகிறது.

திரவ ஆகாரங்கள் அதிகம் சாப்பிட வேண்டும் (eat more liquid) : வயிற்றுப்போக்கு நீரிழப்புக்கு வழிவகுக்கிறது. ஆகவே, நாள் முழுவதும் நிறைய தண்ணீர் குடிக்க வேண்டும். மோர், இளநீர் மற்றும் எலுமிச்சைப் பழம் ஆகியவையும் நன்மை பயக்கும். அவை உடலை நீரேற்றமாக வைத்திருக்கின்றன மற்றும் பலவீனத்தைத் தடுக்கின்றன.

வறுத்த உணவுகளை தவிர்க்க வேண்டும் (Avoid Fried and junk foods) :  லேசான மற்றும் எளிமையான உணவுகளை உண்ணுங்கள். மிகவும் குளிரான உணவுகளை சாப்பிடுவதைத் தவிர்க்க வேண்டும். வயிற்றுப் போக்கு ஏற்பட்ட 2-3 நாட்களுக்குள் உங்களுக்கு உடல்நிலை சரியில்லை என்றாலோ, அதிக காய்ச்சல் ஏற்பட்டாலோ, அல்லது மிகவும் பலவீனமாக உணர்ந்தால், உடனடியாக மருத்துவரை அணுக வேண்டும்.