நகை வாங்க கிளம்பியாச்சா.. ஒரே நாளில் ரூ.3000 குறைந்து இன்ப அதிர்ச்சி கொடுத்த தங்கம்!

சென்னையில் ஆபரணத்தங்கம் இன்று (அக்டோபர் 28) ஒரே நாளில் சவரனுக்கு ரூ.3000 வரை குறைந்துள்ளது.

சர்வதேச சந்தை நிலவரம், டாலருக்கு நிகரான இந்திய ரூபாய் மதிப்பு, போர் பதற்றங்கள் உள்ளிட்ட பல காரணங்களால் இந்த மாத துவக்ககத்தில் தங்கம் விலை அதிரடியாக புதிய உச்சத்தை தொட்டு வந்தது. ஒரு சவரன் ஒரு லட்சத்தை விரைவில் எட்டும் என்று நிபுணர்கள் தெரிவித்து வந்தனர். ஆனால் தீபாவளி பண்டிகைக்கு பின் அதிரடியாக தங்கம் விலை குறைந்து வருகிறது. இதனால் நகைப்பிரியர்கள் மகிழ்ச்சியடைந்துள்ளனர்.

இன்றைய தங்கம் விலை நிலவரம்

சென்னையில் தற்போது ஒரு கிராம் ரூ.225 குறைந்து ரூ.11,075க்கு விற்பனை செய்யப்படுகிறது. ஒரு சவரன் தங்கம் ரூ.1,800 குறைந்து ரூ.88,600க்கு விற்பனை செய்யப்படுகிறது. தங்கம் இன்று காலை சவரனுக்கு ரூ.1200 குறைந்த நிலையில் மாலையில் 1800 குறைந்துள்ளது.

வெள்ளி விலை நிலவரம்

வெள்ளி விலை இன்று காலை ரூ.5 குறைந்து ஒரு கிராம் ரூ165க்கும் ஒரு கிலோ ரூ.1,65,000க்கும் விற்பனை செய்யப்படுகிறது. மாலையில் வெள்ளி விலையில் மாற்றம் இல்லை.

கடந்த 10 நாட்களில் தங்கம் விலை நிலவரம்