உணவு என்பது வெறும் பசியைப் போக்குவதற்கானது மட்டுமல்ல; அது ஒரு உணர்வு. பொதுவாக ‘கம்ஃபர்ட் ஃபுட்ஸ்’ (Comfort Foods) என்று சொல்லப்படும் பீட்சா, பர்கர் அல்லது இனிப்பு வகைகளைச் சாப்பிடும்போது ஒருவித குற்ற உணர்வு (Guilt) நமக்கு ஏற்படும். ஆனால், இப்போது உணவு உலகில் அந்த நிலையை மாற்றும் வகையில் Functional Indulgence என்ற புதிய ட்ரெண்ட் மிக வேகமாகப் பரவி வருகிறது. சுவையும் இருக்க வேண்டும், அதே நேரத்தில் அது உடலுக்குச் சத்தாகவும் இருக்க வேண்டும் என்பதே இதன் அடிப்படை நோக்கம்.
என்ன இந்த ‘ஃபங்க்ஷனல் இன்டல்ஜென்ஸ்’ (Functional Indulgence)?
சுருக்கமாகச் சொன்னால், இது ‘புத்திசாலித்தனமான கம்ஃபர்ட் ஃபுட்’. நாம் விரும்பிச் சாப்பிடும் உணவுகளில் இருக்கும் தேவையில்லாத கொழுப்பு மற்றும் சர்க்கரையைக் குறைத்து, அதற்குப் பதிலாக ஆரோக்கியமான ஊட்டச்சத்துகளைச் சேர்ப்பதுதான் இந்த Functional Indulgence. இன்றைய காலத்து டைனர்கள் (Diners) வெறும் சுவையை மட்டும் எதிர்பார்ப்பதில்லை; தாங்கள் சாப்பிடும் உணவு தங்களுக்கு என்ன மாதிரியான நன்மைகளைத் தருகிறது என்பதையும் கூர்ந்து கவனிக்கிறார்கள்.
புரதம் நிறைந்த ரொட்டிகள்(High-Protein Bread)
சாதாரண மைதா அல்லது கோதுமை ரொட்டிகளுக்குப் பதிலாக, இப்போது மக்கள் புரதம் நிறைந்த ரொட்டி (High-Protein Bread) வகைகளை அதிகம் விரும்புகிறார்கள். பாதாமி மாவு (Almond Flour), ஆளி விதைகள் (Flaxseeds) மற்றும் பல்வேறு நட்ஸ் வகைகளைச் சேர்த்துத் தயாரிக்கப்படும் இந்த ரொட்டிகள், பசியை அதிக நேரம் கட்டுப்படுத்துவதோடு தசை வளர்ச்சிக்கும் உதவுகின்றன. சாண்ட்விச் முதல் டோஸ்ட் வரை அனைத்திலும் இந்த ஊட்டச்சத்து மாற்றத்தைப் பார்க்க முடிகிறது.
நார்ச்சத்து மிகுந்த கார்போஹைட்ரேட்டுகள்(Fiber-Rich Carbohydrates)
முன்பெல்லாம் கார்போஹைட்ரேட் என்றாலே உடலுக்கு ஆகாத ஒன்று என்ற பிம்பம் இருந்தது. ஆனால், இப்போது நார்ச்சத்து மிகுந்த கார்போஹைட்ரேட்டுகள் (Fiber-Rich Carbohydrates) அந்தப் பார்வையை மாற்றியுள்ளன. சுத்திகரிக்கப்பட்ட தானியங்களுக்குப் பதிலாக, முழுத் தானியங்கள் (Whole Grains), ஓட்ஸ் மற்றும் தினை வகைகளை மக்கள் தேர்ந்தெடுக்கின்றனர். இது செரிமானத்திற்கு (Digestion) உதவுவதோடு, ரத்தத்தில் சர்க்கரை அளவு திடீரென உயருவதையும் தடுக்கிறது.
உப்புத்தன்மை கலந்த இனிப்புகள்(Savory Desserts)
இனிப்பு என்றாலே திகட்டத் திகட்ட சர்க்கரை இருக்க வேண்டும் என்ற காலம் மறைந்து வருகிறது. இப்போது ‘உப்புத்தன்மை கலந்த இனிப்புகள்’ (Savory Desserts) உணவுப் பிரியர்களின் ஃபேவரைட் ஆகிவிட்டன. இதில் மிக முக்கியமானது மிசோ கேரமல் (Miso Caramel). இனிப்புச் சுவையுடன் கூடிய கேரமலில், ஜப்பானிய பாணியிலான ‘மிசோ’ சேர்க்கப்படும்போது அது ஒரு தனித்துவமான உமாமி (Umami) சுவையைத் தருகிறது.
அதேபோல், வெண்ணெய்க்குப் பதிலாக ஆரோக்கியமான ஆலிவ் ஆயிலைப் பயன்படுத்திச் செய்யப்படும் ஆலிவ் ஆயில் கேக்குகள் (Olive Oil Cakes) இப்போது பெரும்பாலான கஃபேக்களில் (Cafes) இடம்பிடித்துள்ளன. இது வெறும் சுவையை மட்டுமல்லாமல், இதயத்திற்கு ஆரோக்கியமான கொழுப்பையும் (Healthy Fats) வழங்குகிறது.
ஏன் இந்தமாற்றம்?
கொரோனா காலத்திற்குப் பிறகு மக்கள் தங்கள் ஆரோக்கியத்தில் அதிக கவனம் செலுத்தத் தொடங்கியுள்ளனர். “பிடித்ததைச் சாப்பிட வேண்டும், ஆனால் அது உடலைக் கெடுக்கக்கூடாது” என்ற எண்ணம் ஜென்-இசட் (Gen Z) மற்றும் மில்லினியல்கள் (Millennials) மத்தியில் ஆழமாகப் பதிந்துவிட்டது. இதன் காரணமாகவே உணவகங்களும் தங்களது மெனுவை (Menu) மாற்றியமைத்து வருகின்றன.