துரோகம் என்ற வார்த்தையைக் கேட்டாலே, நம் நினைவுக்கு வருவது தவறான பாலியல் உறவு அல்லது கள்ளக்காதல் மட்டும்தான். ஆனால், அதைவிட அமைதியாக, அதே சமயம் மிக மோசமாக ஒரு குடும்பத்தைச் சிதைக்கும் வேறொரு துரோகம் இருக்கிறது. அதுதான் ‘நிதி துரோகம்’ (Financial Infidelity).
இன்றைய நவீன காலத்தில், தம்பதியினரிடையே விவாகரத்து அதிகரிப்பதற்கு இது ஒரு முக்கியக் காரணமாக மாறியுள்ளது.
நிதி துரோகம் என்றால் என்ன? கணவனோ, மனைவியோ ஒருவருக்கொருவர் தெரியாமல் பண விவகாரங்களை மறைப்பதே நிதி துரோகம்.
- துணிக்கடையில் செய்த செலவை மறைப்பது.
- மனைவிக்குத் தெரியாமல் கணவன் கடன் வாங்குவது.
- கணவனுக்குத் தெரியாமல் மனைவி ரகசிய சேமிப்பு கணக்கு (Secret Account) வைத்திருப்பது.
- ஆன்லைன் ரம்மி அல்லது பங்குச்சந்தையில் இழந்த பணத்தை மறைப்பது. இவை அனைத்தும் நிதி துரோகத்தின் எல்லைக்குள் வரும். “என் சம்பளம்… என் இஷ்டம்,” என்ற எண்ணம்தான் இதன் ஆரம்பப் புள்ளி.
ஏன் இது நடக்கிறது?
- பயம் (Fear): “இவ்வளவு செலவு செய்துவிட்டேன் என்று சொன்னால் சண்டை வருமோ?” என்ற பயம்.
- அதிகாரம் (Control): பணத்தை வைத்துத் துணையைத் தனது கட்டுப்பாட்டுக்குள் வைக்க நினைப்பது.
- அடிமைத்தனம்: ஷாப்பிங் மோகம் அல்லது சூதாட்டப் பழக்கத்தை மறைக்கப் பொய் சொல்வது.
உறவை எப்படிப் பாதிக்கும்? காதல் மற்றும் பாசத்தை விட, ஒரு திருமணத்தின் அடிப்படை நம்பிக்கை (Trust) தான்.
- ஒருநாள் அந்த ரகசியக் கடன் அல்லது மறைக்கப்பட்ட செலவு வெளிவரும்போது, அந்த நம்பிக்கை சுக்குநூறாக உடைகிறது.
- “பணத்தையே மறைத்தவர், வேறு எதையெல்லாம் மறைத்திருப்பார்?” என்ற சந்தேகம் துளிர்விடும். இது இறுதியில் விவாகரத்து வரை கொண்டு செல்கிறது.
- சமீபத்திய ஆய்வின்படி, பணப் பிரச்சினைகளால் ஏற்படும் சண்டைகள் தான் விவாகரத்திற்கு இரண்டாவது முக்கியக் காரணம்.
தீர்வு என்ன? இதிலிருந்து தப்பிக்க ஒரே வழி – வெளிப்படைத்தன்மை (Transparency).
- மாதம் ஒருமுறை உட்கார்ந்து வரவு-செலவு கணக்குகளைப் பேசுங்கள்.
- தனிப்பட்ட செலவுகளுக்கு என்று ஒரு சிறிய தொகையை (Personal Allowance) ஒதுக்கிக் கொள்ளுங்கள்; அதற்கு மட்டும் கணக்கு கேட்காதீர்கள்.
- பெரிய செலவு செய்யும் முன், “இதை வாங்கலாமா?” என்று ஒரு வார்த்தை கேட்பது உங்கள் மரியாதையைக் குறைக்காது; மாறாக, நம்பிக்கையை அதிகரிக்கும்.
படுக்கையறை ரகசியங்களை விட, பாஸ்வேர்டு ரகசியங்கள் ஆபத்தானவை. உங்கள் துணையிடம் உண்மையாய் இருங்கள்… பணத்திலும் கூட!