வெங்காயம் சாப்பிடுவதால் உடலுக்கு இவ்வளவு நன்மைகளா?

தினமும் வெங்காயம் சாப்பிடுவதால் உடலுக்கு ஏராளமான நன்மைகள் கிடைக்கின்றன.

இந்திய  உணவுகளில் வெங்காயம் கட்டாயம் என்பது எழுதப்படாத விதியாகவே உள்ளது. அந்த அளவுக்கு சாம்பார், குழம்பு என அனைத்து வகை உணவுகளிலும் வெங்காயம் இடம்பெற்றுள்ளது. அதேபோல பிரியாணி, தந்தூரி உள்ளிட்ட அசைவ உணவுகளுக்கும் சைடு டிஷ்ஷாக நறுக்கிய வெங்காயம் பயன்படுத்துகிறோம். வெங்காயம் சுவையை அதிகரிப்பதோடு மட்டுமின்றி நமது உடலை பல்வேறு நோயில் இருந்தும் பாதுகாக்கிறது.

வெங்காயம் மருத்துவ குணங்கள் நிறைந்ததாகவே கருதப்படுகிறது. தினமும் வெங்காயத்தை உணவில் சேர்த்துக்கொள்வது ஆரோக்கியத்திற்கு நன்மை பயக்கும் என்கிறார்கள் மருத்துவ நிபுணர்கள்.

வெங்காயத்தில் உள்ள நன்மைகள் (onions Eat benefits):

வெங்காயத்தில் ஆக்சிஜனேற்ற, பாக்டீரியா எதிர்ப்பு மற்றும் அழற்சி பண்புகள் அதிகளவில் உள்ளன. வெங்காயம் உடலில் நோய் எதிர்ப்பு சக்தியை அதிகரிக்கிறது. பச்சையாகவோ அல்லது சமைத்த வெங்காயத்தை சாப்பிடுவது சளி, இருமல் மற்றும் வைரஸ் தொற்றுகளின் அபாயத்தை குறைக்கிறது. குறிப்பாக பருவநிலை மாறும்போது உடலை தொற்று நோய்களில் இருந்து வெங்காயம் பாதுகாக்க உதவுகிறது.

இதய ஆரோக்கியத்திற்கு நல்லது (onion good for heart health):

வெங்காயத்தில் உள்ள சல்பர் கலவைகள் மற்றும் ஃபிளாவனாய்டுகள் கொழுப்பைக் கட்டுப்படுத்துவதற்கு உதவுகின்றன. தினமும் வெங்காயம் சாப்பிடுவது கெட்ட கொழுப்பை (LDL) குறைத்து இதயம் தொடர்பான நோய்களின் அபாயத்தை குறைக்கும். ரத்த அழுத்தம் சீராக பராமரிக்கவும் இது உதவுகிறது.

வெங்காயம் சர்க்கரை நோயாளிகளுக்கு வரப்பிரசாதமாகவே உள்ளது. வெங்காயத்தில் உள்ள கூறுகள் ரத்த சர்க்கரை அளவை கட்டுப்படுத்த உதவுகின்றன. இன்சுலின் நுகர்வு செயல்பாட்டையும் மேம்படுத்தி சர்க்கரை அளவை சமநிலையில் வைத்திருக்க உதவுகிறது. எனினும், சர்க்கரை நோயாளிகள் குறைந்த அளவு மட்டுமே வெங்காயம் சாப்பிட வேண்டும்.

செரிமானத்தை மேம்படுத்துகிறது (Improves digestion):

வெங்காயத்தில் உள்ள நார்ச்சத்து குடல் ஆரோக்கியத்தை மேம்படுத்துகிறது. மலச்சிக்கல், வாயு, அஜீரணம் போன்ற பிரச்சனைகளில் இருந்து நிவாரணம் அளிக்கிறது. உடலில் இருந்து நச்சுக்களை வெளியேற்றி உடலை உள்ளிருந்து சுத்தமாக வைத்திருக்க உதவுகிறது.

முடி, சருமத்திற்கு நன்மை புரிகிறது (Benefits hair and skin):

வெங்காயம் சருமம் மற்றும் முடிக்கு மிகவும் நன்மையளிக்கிறது. வெங்காயத்தில் உள்ள ஆக்சிஜனேற்றிகள் சருமத்தை இளமையாக பராமரிக்கவும், கரும்புள்ளிகளை குறைக்கவும் உதவுகின்றன. வெங்காய சாறு தடவுவது முடி வேர்களை வலுப்படுத்தி முடி உதிர்வை குறைக்கிறது.

ஆனாலும் கூட கடுமையான வயிற்றுப் பிரச்சனை உள்ளவர்கள், ஒவ்வாமை உள்ளவர்கள் மருத்துவர் பரிந்துரைப்படியே வெங்காயத்தை சாப்பிட வேண்டும்.  தினமும் மிதமான அளவு வெங்காயத்தை உணவில் சேர்த்துக்கொண்டால் உடல் ஆரோக்கியமாகவும், வலிமையாகவும், சுறுசுறுப்பாகவும் இருக்கும்.