“சும்மா யோசிச்சுகிட்டே இருக்காதீங்க…” என்று யாராவது சொன்னால், நமக்குக் கோபம் வரும். ஆனால், அந்தக் கோபத்தை விட ஆபத்தானது அந்த யோசனைதான் என்கிறது அறிவியல்.
நாம் நினைப்பது போல மன அழுத்தம் (Stress) என்பது வெறும் தலைவலி சம்பந்தப்பட்டது மட்டுமல்ல; அது நம் உடலின் ஒவ்வொரு அணுவிலும் விஷத்தைக் கலப்பது போன்றது. சமீபத்தில் ‘ஹெல்தி மைண்டட்’ (Healthy Minded) வெளியிட்ட அறிவியல் ஆய்வுக் குறிப்பு ஒன்று, கட்டுப்படுத்த முடியாத எண்ணங்கள் உடலை எப்படிச் சிதைக்கின்றன என்பதைத் தோல் உரித்துக் காட்டியுள்ளது.
எண்ணங்கள் எப்படி நோயாகும்? விஞ்ஞானிகள் கண்டுபிடித்த உண்மை என்னவென்றால், திரும்பத் திரும்ப வரும் கட்டுப்படுத்த முடியாத எண்ணங்களால் (Repetitive, uncontrollable thoughts) ஏற்படும் தொடர்ச்சியான மன அழுத்தம், உடலில் நீண்ட கால பாதிப்புகளை ஏற்படுத்துகிறது.
- பைட்-ஆர்-பிளைட் (Fight-or-Flight): நாள்பட்ட மன அழுத்தம் உங்கள் உடலை எப்போதும் ஒருவித பதற்ற நிலையிலேயே வைத்திருக்கிறது. ஆபத்து வரும்போது தப்பிக்க உதவும் இந்த உணர்வு, எப்போதும் இருந்தால் உடல் சோர்வடைந்துவிடும்.
பாதிக்கப்படும் உறுப்புகள்: நாம் வருத்தப்படும்போது உடலில் சுரக்கும் ‘கார்டிசோல்’ (Cortisol) என்ற ஹார்மோன் அளவு அதிகரிக்கிறது. இது சாதாரண விஷயமல்ல.
- இதயம் (Heart): அதிகப்படியான கார்டிசோல் இதயத்தைத் தாக்குகிறது.
- மூளை (Brain): ஞாபக மறதி மற்றும் முடிவெடுக்கும் திறனை பாதிக்கிறது.
- நோய் எதிர்ப்பு மண்டலம் (Immune System): உடலின் காவலனான நோய் எதிர்ப்புச் சக்தியை இது பலவீனப்படுத்துகிறது. இதனால் எளிதில் நோய்கள் தொற்றிக்கொள்ளும்.
ஆதாரம் என்ன? இது வெறும் வாட்ஸ்-அப் வதந்தி அல்ல. நரம்பியல் (Neuroscience) மற்றும் உளவியல் (Psychology) சார்ந்த ஆய்வுகள் இதை உறுதிப்படுத்தியுள்ளன. பாதிக்கப்பட்ட மக்களின் கார்டிசோல் அளவு, மூளைச் செயல்பாடு மற்றும் உடலில் ஏற்படும் வீக்கம் (Inflammation) ஆகியவற்றை அளவிட்டு இதை நிரூபித்துள்ளனர்.
தீர்வு என்ன? “மன அழுத்தம் உடனடியாக உயிரைப் பறிக்காது; ஆனால் அதைக் கவனிக்காமல் விட்டால், அது நீண்ட கால நோய்களுக்கு (Disease Risk) வழிவகுக்கும்,” என்று அந்த ஆய்வு எச்சரிக்கிறது.
எனவே, எண்ணங்களைக் கட்டுப்படுத்தக் கற்றுக்கொள்வது (Learning to regulate thoughts) நம் மனதை மட்டுமல்ல, நம் உயிரையும் காக்கும் கவசமாகும். அடுத்த முறை எதையாவது நினைத்து மணிக்கணக்கில் உருகும்போது, அது உங்கள் இதயத்திற்கு எவ்வளவு கேடு என்பதை நினைவில் கொள்ளுங்கள்!