இயக்குநர் பிரியதர்ஷன் இயக்கும் படத்தில் வயதான அப்பத்தா கேரக்டரில் நடிக்கிறார் நடிகை ஊர்வசி.
முன்னணி நடிகர்கள் நடித்த படங்களை இயக்கிய இயக்குநர்கள் குறைந்த பட்ஜெட்டில் தயாரிக்கப்படும் படங்களை இயக்கமாட்டார்கள். ஆனால் மலையாளம், தமிழ், இந்தியில் பிரம்மாண்டமான பட்ஜெட்டில் படங்களை இயக்கிய பிரியதர்ஷன் குறைந்த பட்ஜெட்டில் குறைந்தபட்ச நடிகர்களை கொண்டு படங்களை இயக்கி வருகிறார்.
நடிகை ஊர்வசி குழந்தை நட்சத்திரமாக சினிமாவில் நுழைந்து கிட்டத்தட்ட 45 வருடங்கள் ஆகிவிட்டது. தென்னிந்திய மொழிகளில் இதுவரை 699 படங்களில் நடித்துள்ளார். ஊர்வசியின் 700-வது படமாக உருவாகிறது அப்பத்தா. இதில் அப்பத்தாவாக வயதான கேரக்டரில் நடிக்கிறார் ஊர்வசி. இயக்குநர் பிரியதர்ஷன் இந்தப்படத்தை இயக்குகிறார்.
இதற்குமுன் 1993ல் பிரியதர்ஷன் இயக்கத்தில் மிதுனம் என்கிற மலையாள படத்தில் கதாநாயகியாக நடித்த ஊர்வசி, சரியாக 28 வருடங்கள் கழித்து அவரது இயக்கத்தில் மீண்டும் நடிக்கிறார். மரைக்கார் அரபிக்கடலிண்டே சிம்ஹம்’ என்கிற பிரம்மாண்ட வரலாற்று படத்தை இயக்கிவிட்டு அப்பத்தா என்கிற சிறிய படத்தை பிரியதர்ஷன் இயக்குவதை இந்திய சினிமா ஆச்சரியமாக பார்க்கிறது.
**இராமானுஜம்**