மருத்துவமனை, கல்வி நிலையங்களுக்கான… யுபிஐ பண பரிவர்த்தனை வரம்பு ரூபாய் 5 லட்சமாக உயர்வு!

By Manjula

|

Published on 8 Dec 2023, 3:22 PM

upi limit for hospitals and institutions

மருத்துவமனை, கல்வி நிலையங்களில் அதிகபட்சமாக ரூபாய் 5 லட்சம் வரை யுபிஐ மூலம் பண பரிவர்த்தனை மேற்கொள்ளலாம் என ரிசர்வ் வங்கி அறிவித்துள்ளது.

இந்தியாவை பொறுத்தவரை தெருவோர கடைகள் தொடங்கி மிகப்பெரிய வணிக வளாகங்கள் வரை யுபிஐ பண பரிவர்த்தனை முக்கிய இடத்தை பிடித்துள்ளது. குறிப்பாக ஜி-பே, போன்-பே, பேடிஎம் போன்ற யுபிஐ செயலிகள் மூலம் பணம் செலுத்துவோரின் எண்ணிக்கை தொடர்ந்து அதிகரித்து வருகிறது.

ADVERTISEMENT

இந்தியாவின் மொத்த யுபிஐ பரிவர்த்தனையில் மேற்கண்ட மூன்று யுபிஐ செயலிகள் மூலம் மட்டுமே 90% பண பரிவர்த்தனை நடந்து வருகிறது. கடந்த நவம்பர் மாதத்தில் மட்டும் 17.4 லட்சம் கோடி ரூபாய் பண பரிவர்த்தனை யுபிஐ வழியாக நடந்துள்ளது.

ADVERTISEMENT

இந்த நிலையில் மருத்துவமனை, கல்வி நிலையங்களில் அதிகபட்சமாக ரூபாய் 5 லட்சம் வரை யுபிஐ மூலம் பண பரிவர்த்தனை மேற்கொள்ளலாம் என ரிசர்வ் வங்கி இன்று (டிசம்பர் 8)  அறிவித்துள்ளது.

இதுகுறித்து ரிசர்வ் வங்கி கவர்னர் சக்தி காந்த தாஸ் கூறுகையில், ”மருத்துவமனை, கல்வி நிலையங்களுக்கான யுபிஐ வரம்பு ரூபாய் 1 லட்சத்தில் இருந்து ரூபாய் 5 லட்சம் என உயர்த்தப்பட்டுள்ளது. பல்வேறு வகை யுபிஐ பரிவர்த்தனைகளுக்கான வரம்பு அவ்வப்போது மதிப்பாய்வு செய்யப்படுகிறது.

ADVERTISEMENT

மருத்துவமனைகள் மற்றும் கல்வி நிறுவனங்களுக்கு பணம் செலுத்துவதற்கான யுபிஐ பரிவர்த்தனை வரம்பை ஒரு பரிவர்த்தனைக்கு ரூபாய் 1 லட்சத்தில் இருந்து ரூபாய் 5 லட்சம் வரை உயர்த்த பரிந்துரை செய்யப்பட்டு உள்ளது. இது கல்வி மற்றும் சுகாதார விஷயங்களுக்காக அதிக பணம் செலுத்தும் வாடிக்கையாளர்களுக்கு உதவியாக இருக்கும்,” என தெரிவித்து இருக்கிறார்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…

-மஞ்சுளா 

மழையில் பழுதான வாகனங்களுக்கு இலவச சர்வீஸ்: டிவிஎஸ் நிறுவனம்!

’கலைஞர்‌ 100’ நிகழ்ச்சி ஒத்திவைப்பு!

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Manjula

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel