தமிழ்நாட்டில் அரையாண்டுத் தேர்வுகள் முடிந்து, தற்போது மாணவர்களுக்கு விடுமுறை விடப்பட்டுள்ளது. ஜனவரி 2ஆம் தேதி (வியாழக்கிழமை) பள்ளிகள் மீண்டும் திறக்கப்பட உள்ளன. இந்நிலையில், பள்ளிக் கல்வித்துறை ஒரு அதிரடி உத்தரவைப் பிறப்பித்துள்ளது.
என்ன உத்தரவு?
- மூன்றாம் பருவப் புத்தகங்கள் ரெடி: 1 முதல் 9ஆம் வகுப்பு வரையிலான மாணவர்களுக்கான மூன்றாம் பருவ (Term 3) பாடப்புத்தகங்கள் மற்றும் நோட்டுப் புத்தகங்கள், தமிழ்நாடு பாடநூல் கழகத்திலிருந்து அனைத்து மாவட்டங்களுக்கும் அனுப்பி வைக்கப்பட்டுவிட்டன.
- மிஷன் மோடு (Mission Mode): மாவட்டக் கல்வி அலுவலகக் குடோன்களில் (Godowns) தேங்கிக்கிடக்கும் இந்தப் புத்தகங்களை, விடுமுறை முடிவதற்குள்ளாகவே அந்தந்தப் பள்ளிகளுக்குக் கொண்டு சேர்க்க வேண்டும் என்று முதன்மைக் கல்வி அலுவலர்களுக்கு (CEOs) ஸ்ட்ரிக்ட் உத்தரவு பறந்துள்ளது.
களத்தில் இறங்கும் அதிகாரிகள்:
புத்தக விநியோகம் ஏதோ பெயரளவுக்கு நடக்கக்கூடாது என்பதில் கல்வித்துறை உறுதியாக உள்ளது. இதற்காகச் சில பிரத்யேக ஏற்பாடுகளும் செய்யப்பட்டுள்ளன:
- நேரடி ஆய்வு: அந்தந்த மாவட்ட முதன்மைக் கல்வி அலுவலர்கள் (CEOs), மாவட்டக் கல்வி அலுவலர்கள் (DEOs) மற்றும் வட்டாரக் கல்வி அலுவலர்கள் (BEOs) ஆகியோர் பள்ளிகளுக்கு நேரடியாகச் சென்று ஆய்வு செய்ய வேண்டும்.
- குடோன் டு கிளாஸ்ரூம்: வட்டார அளவில் உள்ள மையங்களிலிருந்து பள்ளிகளுக்குப் புத்தகங்களைக் கொண்டு செல்லும் பணி முழுவீச்சில் நடைபெறுகிறது. “போக்குவரத்து வசதி இல்லை, ஆட்கள் இல்லை” என்று எந்தக் காரணமும் சொல்லக்கூடாது என்று அறிவுறுத்தப்பட்டுள்ளது.
- எமிஸ் (EMIS) கண்காணிப்பு: இதுதான் ஹைலைட்! பள்ளிக்கு வந்த புத்தகங்களின் எண்ணிக்கையைத் தலைமை ஆசிரியர்கள் உடனடியாக ‘எமிஸ்’ (EMIS) இணையதளத்தில் அப்டேட் செய்ய வேண்டும். “ஸ்டாக் வந்துருச்சு”னு வாய்வார்த்தையா சொன்னா போதாது, ஆன்லைன்ல கணக்குக் காட்டணும்.
தலைமை ஆசிரியர்களுக்கு ‘செக்’:
- முதல் நாளே விநியோகம்: பள்ளிகள் திறக்கப்படும் முதல் நாளிலேயே (ஜனவரி 2), இறைவணக்கக் கூட்டம் முடிந்த கையோடு மாணவர்கள் கையில் புத்தகம் இருக்க வேண்டும்.
- எண்ணிக்கை சரிபார்ப்பு: பள்ளியில் படிக்கும் மாணவர்களின் எண்ணிக்கைக்கும் (Student Strength), வந்து இறங்கியுள்ள புத்தகங்களின் எண்ணிக்கைக்கும் வித்தியாசம் இருக்கிறதா என்பதைத் தலைமை ஆசிரியர்கள் முன்கூட்டியே சரிபார்க்க வேண்டும். பற்றாக்குறை இருந்தால், பள்ளி திறப்பதற்கு முன்பே வட்டாரக் கல்வி அலுவலகத்தைத் தொடர்புகொண்டு சரிசெய்துவிட வேண்டும்.
லீவு முடிஞ்சு ஸ்கூல் போகும்போது, வழக்கமா ‘புக்கு வரல, நோட்டு வரல’னு பசங்க சாக்குச் சொல்லுவாங்க. ஆனா இந்த முறை கல்வித்துறை ரொம்ப ஸ்ட்ரிக்ட்! பெற்றோர்களே… பள்ளி திறக்கும் முதல் நாளே உங்க பிள்ளைகளுக்குப் புத்தகம் கிடைக்குதான்னு செக் பண்ணுங்க. அப்படி இல்லைன்னா, உடனே ஹெச்.எம்-கிட்ட கேளுங்க.
அதே மாதிரி, தலைமை ஆசிரியர்களுக்கு ஒரு சின்ன அட்வைஸ்… ‘எமிஸ்’ல என்ட்ரி போடும்போது கவனமா இருங்க. போன டெர்ம்ல (Term) சில பள்ளிகள்ல மாணவர் எண்ணிக்கையும், புத்தக எண்ணிக்கையும் இடிச்சதால நிறைய குழப்பம் வந்துச்சு. இந்த முறை முந்தின நாள் இரவே ஸ்டாக்கைக் கையில எடுத்து வச்சுக்கிட்டா, மறுநாள் காலையில டென்ஷன் ஃப்ரீயா இருக்கலாம்!”