ஆளுநர் ஆர்.என்.ரவிக்கு எதிரான தமிழக அரசின் வழக்குகள்- உச்சநீதிமன்றத்தில் நாளை விசாரணை!

By Mathi

|

Published on 16 Oct 2025, 4:38 PM

Governor CM Stalin Supreme Court

தமிழக சட்டமன்றத்தில் நிறைவேற்றப்பட்ட பல்கலைக் கழகங்கள் தொடர்பான மசோதாக்களுக்கு ஒப்புதல் அளிக்காத தமிழ்நாடு ஆளுநர் ஆர்.என்.ரவிக்கு எதிராக உச்சநீதிமன்றத்தில் தமிழக அரசு தொடர்ந்த வழக்குகள் மீது நாளை (அக்டோபர் 17) விசாரணை நடைபெற உள்ளது.

தமிழக சட்டமன்றத்தில் கலைஞர் பல்கலைக்கழகம் அமைப்பதற்கான மசோதா மற்றும் விளையாட்டுப் பல்கலைக் கழக துணைவேந்தரை நீக்கும்/ நியமிக்கும் அதிகாரத்தை மாநில அரசுக்கு வழங்க வகை செய்வதற்கான மசோதா ஆகியவை நிறைவேற்றப்பட்டு ஆளுநரின் ஒப்புதலுக்கு அனுப்பி வைக்கப்பட்டன.

ADVERTISEMENT

ஆனால் ஆளுநர் ஆர்.என்.ரவி இந்த மசோதாக்களுக்கு ஒப்புதல் அளிக்காமல் குடியரசுத் தலைவரின் பரிசீலனைக்கு அனுப்பி வைத்தார்.

ஆளுநர் ஆர்.என்.ரவியின் இந்த முடிவுக்கு எதிராக உச்சநீதிமன்றத்தில் தமிழ்நாடு அரசு வழக்குகள் தொடர்ந்திருந்தது. இந்த வழக்குகளின் விசாரணை உச்சநீதிமன்றத்தில் நாளை (அக்டோபர் 17) நடைபெற உள்ளது.

ADVERTISEMENT

கலைஞர் பல்கலைக் கழக மசோதா

கலைஞர் பெயரில் கும்பகோணத்தில் பல்கலைக் கழகம் அமைக்க வகை செய்யும் சட்ட மசோதா, தமிழக சட்டமன்றத்தில் 2024-ம் ஆண்டு ஏப்ரல் 28-ந் தேதி நிறைவேற்றப்பட்டு ஆளுநர் ஆர்.என்.ரவியின் ஒப்புதலுக்கு அனுப்பி வைக்கப்பட்டது. இந்த மசோதாவுக்கு 3 மாதங்களாக ஒப்புதல் அளிக்காமல் கிடப்பில் வைத்திருந்த ஆளுநர் ஆர்.என். ரவி, குடியரசுத் தலைவருக்கு அனுப்பி வைத்தார்.

ADVERTISEMENT

உடற்கல்வியியல், விளையாட்டு பல்கலைக் கழகம்

தமிழ்​நாடு உடற்​கல்​வி​யியல், விளை​யாட்டு பல்​கலைக்​கழகத்​தின் துணைவேந்​தரை நியமிப்​பது மற்​றும் நீக்​கு​வதற்​கான அதி​காரத்தை அரசுக்கு வழங்​கும் சட்​டத் திருத்த மசோதா கடந்த ஏப்​ரல் 29-ந் தேதி தமிழக சட்டப்​பேர​வை​யில் நிறைவேற்​றப்​பட்​டது. இந்த மசோ​தாவை ஆளுநரின் ஒப்​புதலுக்கு தமிழக அரசு மே 5-ம் தேதி அனுப்பி வைத்தது. இதற்கு ஒப்புதல் அளிக்காமல் ஜூலை 14-ந் தேதி குடியரசுத் தலைவருக்கு ஆளுநர் ஆர்.என்.ரவி அனுப்பி வைத்தார். ஆளுநரின் இந்த முடிவுகளுக்கு எதிராக உச்சநீதிமன்றத்தில் தமிழக அரசு வழக்கு தொடர்ந்துள்ளது. இந்த வழக்குகளின் விசாரணை நாளை நடைபெற உள்ளது.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Mathi

மா.ச.மதிவாணன் (Mathivanan Maran- Mathi) 30 ஆண்டுகள் ஊடகத் துறை அனுபவம், அச்சு, இணையம், வானொலி, தொலைக்காட்சி ஊடகங்களில் பணியாற்றியவர்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel