திருப்பதி ஏழுமலையான் கோயில் அக்டோபர் மாதத்துக்கான ஆன்லைன் டிக்கெட்டுகள் இன்று (ஜூலை 24) முதல் வெளியிடப்படுகிறது.
திருமலை அங்கபிரதட்சணம் முன்பதிவு இன்று (ஜூலை 24) காலை 10 மணிக்கு ஆன்லைனில் வெளியிடப்பட உள்ளது. ஸ்ரீ வாரி அறக்கட்டளை நன்கொடையாளர்களுக்கு அக்டோபர் மாதத்துக்கான தரிசனம் மற்றும் தங்குமிட ஒதுக்கீடு உள்ளிட்டவை இன்று (ஜூலை 24) காலை 11 மணிக்கு வெளியிடப்பட உள்ளது.
மூத்த குடிமக்கள், மாற்றுத்திறனாளிகள் மற்றும் நாள்பட்ட நோய்களால் அவதியுறுவோர் உள்ளிட்டோரின் முன்பதிவு இன்று (ஜூலை 24) மாலை 3 மணிக்கு வெளியிடப்பட உள்ளது.
ஆகஸ்ட், செப்டம்பர் மாதங்களில் சாமி தரிசனம் செய்வதற்கான ரூ.300 சிறப்பு நுழைவு தரிசன டிக்கெட் கூடுதலாக நாளை (ஜூலை 25) ஆன்லைனில் வெளியிடப்பட உள்ளது. அதேபோல் அக்டோபர் மாதத்துக்கான டிக்கெட்டுகளும் வெளியிடப்படுகிறது. அக்டோபர் மாதத்துக்கான, திருப்பதி மற்றும் தலகோனா விடுதியில் வாடகை அறைகள் முன்பதிவு நாளை மறுநாள் (ஜூலை 26) காலை 10 மணிக்கு வெளியிடப்பட உள்ளதாக தேவஸ்தானம் அறிவித்துள்ளது
விடுமுறை தினத்தை முன்னிட்டு திருப்பதியில் அலைமோதும் பக்தர்கள் கூட்டத்தை முன்னிட்டு மேலும் ஒரு நாளைக்கு 4,000 டிக்கெட்டுகள் ஆகஸ்ட் மற்றும் செப்டம்பர் மாதங்களுக்காக கூடுதலாக வெளியிடப்பட உள்ளது. இதுதவிர அக்டோபர் மாதத்துக்கு ஒரு நாளைக்கு 15,000 டிக்கெட்டுகள் ஆன்லைனில் வெளியிடப்பட உள்ளது.
கடந்த இரண்டு நாள்களாக விடுமுறையை முன்னிட்டு திருப்பதி ஏழுமலையான் கோயிலில் தினமும் ஒரு லட்சம் பேர் சாமி தரிசனம் செய்தனர். நேரடி இலவச தரிசனத்தில் 24 மணி நேரம் காத்திருந்து பக்தர்கள் சாமி தரிசனம் செய்தனர்.
ராஜ்
கிச்சன் கீர்த்தனா: பானகம் (ஆடி ஸ்பெஷல்)
பாகிஸ்தான் அணிக்கு எதிரான பைனலில் இந்தியா பரிதாப தோல்வி!
