வெங்காயத்தின் விலை ஆகஸ்ட் தொடக்கத்தில் இருந்தே கிடுகிடுவென உயர்ந்து வருகிற நிலையில் சென்னை கோயம்பேட்டில் நேற்று ஒரு கிலோ பெரிய வெங்காயம் ரூ.65-க்கு விற்பனையானது. சின்ன வெங்காயம் தமிழகம் முழுவதும் பரவலாக ரூ.100-க்கு விற்பனை செய்யப்படுகிறது.
தற்போதைய விலை உயர்வுக்கு காரணமாக முதலாவதாக, சேமித்து வைக்கப்பட்ட விளைபொருட்களின் பற்றாக்குறை… இரண்டாவதாக, எதிர்பார்த்ததை விட குறைவான பரப்பளவுடன் பயிர் செய்யப்பட்டது என்று கூறப்படுகிறது.
மேலும் வெங்காயம் ஆண்டு முழுவதும் பயிர் செய்யப்படுவதில்லை. கடந்த ஆண்டு வெங்காயம் சாகுபடி ஏக்கர் அளவு குறைந்ததையடுத்து இந்த நிலை ஏற்பட்டது.
3.76 லட்சம் ஹெக்டேரில் வெங்காயம் சாகுபடி செய்ய இலக்கு நிர்ணயிக்கப்பட்ட நிலையில், நாடு 3.29 லட்சம் ஹெக்டேருக்கு மேல் விதைத்துள்ளதாக பயிர் மற்றும் வானிலை கண்காணிப்பு குழு குறிப்பிட்டுள்ளது.
அடுத்து, மார்ச்-ஏப்ரல் மாதங்களில் ராபி பயிர் சேதம் காரணமாக நிலைமை மோசமடைந்தது. மகாராஷ்டிரா உட்பட பெரும்பாலான வெங்காயம் வளரும் மாநிலங்களில் பருவமழை மற்றும் ஆலங்கட்டி மழை பெய்தது.
உதாரணமாக, நாசிக்கில் மார்ச் மாதத்தில் விவசாயிகள் தங்கள் அறுவடையைத் தொடங்கியபோது பல நாட்கள் ஆலங்கட்டி மழை பெய்தது.
இது சுமார் 40 சதவிகித வெங்காய பயிர்களை பாதித்ததாக தோராயமான மதிப்பீடுகள் கூறுகின்றன. இதில் சுமார் 20 சதவிகிதத்தை தரக் கவலைகள் காரணமாக மீண்டும் உழ வேண்டியதாயிற்று.
மகாராஷ்டிரா அரசு மார்ச் மாதம் வெங்காய விவசாயிகளுக்கு குவிண்டாலுக்கு ரூ.300 மானியத்துடன் சிறப்புத் திட்டத்தை அறிவித்தது.
பெரும்பாலான விவசாயிகள், இத்திட்டம் இன்னும் தங்களுக்குச் சென்றடையவில்லை. இதனால், வழங்குதல் – தேவை பொருந்தாததால், தற்போதைய விலை உயர்வு இயல்பானது என வியாபாரிகள் தெரிவித்தனர்.
இந்த நிலையில் சென்னை கோயம்பேடு மார்க்கெட்டில் நேற்று ஒரு கிலோ பெரிய வெங்காயம் ரூ.65-க்கு விற்பனையானது. சின்ன வெங்காயம் தமிழகம் முழுவதும் பரவலாக ரூ.100-க்கு விற்பனை செய்யப்படுகிறது. அதேபோல் கோயம்பேட்டில் தக்காளி நேற்று ஒரு கிலோ ரூ.30-க்கு விற்பனை செய்யப்படுகிறது.
வெங்காயம், தக்காளி விலை மட்டுமல்லாது மற்ற காய்கறிகளின் விலையும் கடந்த 10 நாட்களை ஒப்பிடுகையில் கணிசமாக அதிகரித்துள்ளது குறிப்பிடத்தக்கது.
ராஜ்
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
கிச்சன் கீர்த்தனா: கொட்டை பழக்கலவை!
70 மணி நேரமா… டைவர்ஸ் கன்பார்ம் : அப்டேட் குமாரு
