எல்லை தாண்டி மீன் பிடித்ததாக தமிழகத்தை சேர்ந்த 25 மீனவர்களை இலங்கை கடற்படையினர் கைது செய்துள்ளனர்.
கடலுக்கு மீன் பிடிக்க செல்லும் தமிழக மீனவர்களை எல்லை தாண்டி மீன் பிடிப்பதாக கூறி இலங்கை கடற்படையினர் தொடர்ந்து கைது செய்து வருகின்றனர். இலங்கை கடற்படையின் அட்டூழியத்தை தடுக்க மத்திய, மாநில அரசுகள் நடவடிக்கை எடுக்க வேண்டும் என்று மீனவர்கள் தொடர்ந்து வலியுறுத்தி வருகின்றனர்.
இந்நிலையில் நாகை மீன்பிடி துறைமுகத்தில் இருந்து 2 படகுகளில் தமிழக மீனவர்கள் 25 பேர் மீன் பிடிக்க சென்றனர். மீனவர்கள் பருத்தித்துறை அருகே மீன் பிடித்து கொண்டிருந்த போது தமிழக மீனவர்களின் விசைப்படகின் மீது இலங்கை கடற்படையின் ரோந்து கப்பல் மோதியது. இதில் மீன்வர்களின் விசைப்படகு சேதமடைந்தது. தொடர்ந்து மீனவர்களை சுற்றி வளைத்த இலங்கை கடற்படையினர் எல்லை தாண்டி மீன் பிடித்ததாக 2 விசை படகுகளை பறிமுதல் செய்து, அதிலிருந்த 25 மீனவர்களையும் கைது செய்தனர்.
கைது செய்த மீனவர்களை இலங்கை கடற்படையினர் காங்கேசன் துறை கடற்படை முகாமிற்கு அழைத்து சென்று விசாரணை நடத்தி வருகின்றனர். தொடர்ந்து மீனவர்கள் யாழ்ப்பாணம் மீன்வளத்துறை அதிகாரிகளிடம் ஒப்படைக்கப்படுவார்கள் என்று கூறப்படுகிறது.
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
மோனிஷா
வேலைவாய்ப்பு : ஐடிபிஐ வங்கியில் பணி!
வெள்ள நிவாரணப் பணி: மருத்துவக் குழுவுடன் களமிறங்கிய ஈஷா!
சதுரகிரிக்குச் செல்ல பக்தர்களுக்கு வனத்துறை தடை!
டாப் 10 செய்திகள்… இதை மிஸ் பண்ணாதீங்க!
