கொளுத்தும் கோடை வெயிலால் மக்கள் அவதிப்பட்டு வரும் நிலையில், சூப்பரான அப்டேட் ஒன்றினை வானிலை மையம் வெளியிட்டுள்ளது.
இதுகுறித்து வானிலை மையம் வெளியிட்டுள்ள அறிக்கையில், ”இன்று (மார்ச் 31) தமிழ்நாட்டின் தென் தமிழக கடலோர மாவட்டங்கள், டெல்டா மாவட்டங்கள்.
புதுச்சேரி மற்றும் காரைக்கால் பகுதிகளில் லேசானது முதல் மிதமானது வரை மழை பெய்யக்கூடும். தமிழகத்தின் இதர பகுதிகளில் வறண்ட வானிலை நிலவக்கூடும்.
ஏப்ரல் 1, 2, 3 ஆகிய தேதிகளில் தென் தமிழகத்தின் ஓரிரு இடங்களிலும், கடலோர மாவட்டங்களிலும் லேசானது முதல் மிதமானது வரை மழை பெய்யக்கூடும்.
வட தமிழகம், புதுச்சேரி மற்றும் காரைக்கால் பகுதிகளில் வறண்ட வானிலை நிலவக்கூடும்.
இன்று தொடங்கி ஏப்ரல் 3 வரை தமிழகத்தின் அதிகபட்ச வெப்பநிலை 2-3 டிகிரி செல்சியஸ் அதிகரிக்கக்கூடும். அதிக வெப்பநிலை மற்றும் அதிக ஈரப்பதம் இருக்கும் பொழுது ஓரிரு இடங்களில் அசௌகரியம் ஏற்படலாம்.
சென்னை மற்றும் புறநகர் பகுதிகளில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும்.
அதிகபட்ச வெப்பநிலை 35-36 டிகிரி செல்சியஸை ஒட்டியும், குறைந்தபட்ச வெப்பநிலை 25-26 டிகிரி செல்சியஸை ஒட்டியும் இருக்கக்கூடும்”, என தெரிவித்துள்ளது.
தமிழ்நாட்டில் வெப்பநிலை அதிகம் பதிவாகியுள்ள இடம் குறித்தும் வானிலை மையம் தகவல் வெளியிட்டுள்ளது. அதன்படி ஈரோடு மாவட்டம் 40 டிகிரி செல்சியஸ் உடன் முதலிடத்தையும், சேலம் 39.8 டிகிரி செல்சியஸ் உடன் இரண்டாவது இடத்தினையும் பிடித்துள்ளன.
39.5 டிகிரி செல்சியஸ் உடன் நாமக்கல் மாவட்டத்தின் கரூர் பரமத்தி மூன்றாவது இடத்தினையும், 39 டிகிரி செல்சியஸ் உடன் தர்மபுரி, நாமக்கல் மாவட்டங்கள் நான்கு, ஐந்தாவது இடங்களை பிடித்துள்ளன.
தென் தமிழக மாவட்டங்கள்: ராமநாதபுரம், திருநெல்வேலி, தென்காசி, தூத்துக்குடி, தேனி, கன்னியாகுமரி, சிவகங்கை, விருதுநகர், திண்டுக்கல், மதுரை.
தென் தமிழக கடலோர மாவட்டங்கள்: ராமநாதபுரம், திருநெல்வேலி, தூத்துக்குடி, கன்னியாகுமரி.
டெல்டா மாவட்டங்கள்: தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை.
தென் தமிழக மாவட்டங்கள்: ராமநாதபுரம், திருநெல்வேலி, தென்காசி, தூத்துக்குடி, தேனி, கன்னியாகுமரி, சிவகங்கை, விருதுநகர், திண்டுக்கல், மதுரை.
வட தமிழக மாவட்டங்கள்: சென்னை, காஞ்சிபுரம், செங்கல்பட்டு, திருவள்ளூர், கடலூர், விழுப்புரம், கள்ளக்குறிச்சி, தஞ்சாவூர், திருவாரூர், நாகப்பட்டினம், மயிலாடுதுறை.
புதுக்கோட்டை, வேலூர், திருப்பத்தூர், ராணிப்பேட்டை, திருவண்ணாமலை, கிருஷ்ணகிரி, சேலம், தர்மபுரி, நாமக்கல், நீலகிரி, திருப்பூர், கோயம்புத்தூர், ஈரோடு, கரூர், திருச்சிராப்பள்ளி, அரியலூர், பெரம்பலூர்.
-மஞ்சுளா
செய்திகளை உடனுக்குடன் தெரிந்து கொள்ள மின்னம்பலம் வாட்ஸ் ஆப் சேனலில் இணையுங்கள்…
கலைஞர் நினைவிடத்திற்கு சீல் வைக்க வேண்டும் : அதிமுக கோரிக்கை!
காங்கிரஸ் கட்சிக்கு மேலும் ரூ.1,740 கோடி அபராதம்: ஐடி நோட்டீஸ்!
CSK Vs DC: டெல்லிக்கு எதிராக களமிறங்கும் இளம்வீரர்… தோனிக்கு என்னாச்சு?
