கிச்சன் கீர்த்தனா: காளான் ஸ்டஃப் பார்பிக்யு!

தமிழகம்

சாப்பாடு, குழம்பு, பொரியல், வறுவல், குருமா… இதைவிட்டால் வேறென்ன செய்வது என யோசிப்போர், இந்த வார வீக் எண்டுக்கு வித்தியாசமான சுவையில் விருந்தே சமைத்து சாப்பிடலாம். அதற்கு இந்த  காளான் ஸ்டஃப் பார்பிக்யு உதவும்.

என்ன தேவை?

வினிகர் – நான்கு டீஸ்பூன்
உப்பு – தேவையான அளவு
மிளகு  – அரை டீஸ்பூன்
காளான் – அரைகிலோ
ஸ்டஃப்  செய்ய…
வேக வைத்த உருளைக்கிழங்கு  – 200 கிராம்
இஞ்சி-பூண்டு விழுது -2 டீஸ்பூன்
சீஸ் – 2 டேபிள் ஸ்பூன்
சீரகத்தூள் – 2 டீஸ்பூன்
கொத்தமல்லித்தழை – சிறிதளவு
கஸூரி மேத்தி – ஒரு டீஸ்பூன்
பொடியாக நறுக்கிய பச்சை மிளகாய் – மூன்று
வெண்ணெய்-100 கிராம்

எப்படிச் செய்வது?

காளானை நன்கு சுத்தம் செய்து, அதன் தண்டுப் பகுதியை நீக்கி விட்டு கிண்ணம் போன்ற தலைப்பகுதியை மட்டும் வைத்துக் கொள்ளுங்கள். ஒரு பவுலில் வினிகர், மிளகு, உப்பு, சுத்தம் செய்த காளானைச் சேர்த்து கலந்து 10 நிமிடம் ஊறவிடவும்.

ஸ்டஃப் செய்யக் கொடுத்துள்ள பொருட்களை எல்லாம் சிறிது தண்ணீர் விட்டு கெட்டியாகப் பிசைந்து கொள்ளவும். அதனை ஊறவைத்த காளானின் கிண்ணம் போன்ற பகுதியில் வைத்து ஸ்டஃப் செய்து விடவும்.

இதனை ஸ்கீவரில் (மரக்கைப்பிடியிலான நீளமான இரும்புக்கம்பி) சொருகி கிரில் அடுப்பில் வைத்து 30 நிமிடம் கிரில் செய்யவும். கிரில் அடுப்பு இல்லாதவர்கள் தோசைக்கல்லில் எண்ணெய் விட்டு காளானை இருபுறமும் வேகவைத்து ஸ்கீவரில் குத்திப் பரிமாறலாம்.

வெஜிடபுள் சீக் கபாப்!

சிக்கன் பர்கர்!

+1
0
+1
0
+1
0
+1
1
+1
0
+1
0
+1
0

Leave a Reply

Your email address will not be published. Required fields are marked *