மக்களவை தேர்தல் வாக்குப்பதிவு தமிழகம் முழுவதும் நாளை (ஏப்ரல் 19) நடைபெற உள்ள நிலையில், வெளியூர்களில் வசிக்கும் மக்கள் தங்கள் சொந்த ஊர்களுக்கு சென்று வாக்கு செலுத்த வசதியாக சென்னையில் இருந்து சிறப்பு ரயில் இயக்கப்படுகிறது.
அதன்படி, சென்னை சென்ட்ரல் – பெங்களூருவின் ஒயிட்பீல்டு இடையே சிறப்பு ரயில் இயக்கப்படுகிறது. சனிக்கிழமை (ஏப்ரல் 20) சென்னை சென்ட்ரலில் இருந்து அதிகாலை 5.35 மணிக்கு புறப்படும் ரயில் (06005), பெங்களூருவின் ஒயிட்பீல்டு ரயில் நிலையத்தை பகல் 12 மணிக்கு சென்றடையும்.
மறுமார்க்கமாக, பிற்பகல் 1 மணிக்கு பெங்களூருவின் ஒயிட்பீல்டு ரயில் நிலையத்திலிருந்து புறப்படும் ரயில் (06006), சென்னை சென்ட்ரல் ரயில் நிலையத்தை இரவு 7 மணிக்கு வந்தடையும் என்று தெற்கு ரயில்வே நிர்வாகம் தெரிவித்துள்ளது.
இந்த ரயில் பெரம்பூர், அரக்கோணம், வாலாஜா ரோடு, காட்பாடி, ஜோலார்பேட்டை, குப்பம், பங்காரப்பேட் ரயில் நிலையங்களில் நின்று செல்லும்.
செய்திகளை உடனுக்குடன் தெரிந்து கொள்ள மின்னம்பலம் வாட்ஸ் ஆப் சேனலில் இணையுங்கள்…
96 படத்தில் வந்த மாணவியா இது?.. ஹீரோயின் மாறி ஆகிட்டாங்களே… லேட்டஸ்ட் Photo வைரல்..!
டாப் 10 செய்திகள்: இதை மிஸ் பண்ணாதீங்க!