பள்ளிகள் திறந்து பிள்ளைகளின் பகல் உணவுக்கு என்ன செய்து கொடுத்து அனுப்பலாம் என்று யோசிப்பவர்கள், சத்தான சிறுதானிய உணவுகளைச் செய்து கொடுக்கலாம். அதற்கு இந்த குதிரைவாலி கிச்சடி பெஸ்ட் சாய்ஸ்.
என்ன தேவை?
குதிரைவாலி அரிசி – ஒரு கப்
காய்கறிக் கலவை (கேரட், பட்டாணி, உருளைக்கிழங்கு, பீன்ஸ்) – ஒரு கப்
வெங்காயம் – ஒன்று (பொடியாக நறுக்கவும்)
தக்காளி – ஒன்று (பொடியாக நறுக்கவும்)
பச்சை மிளகாய் – 4 (இரண்டாகக் கீறவும்)
இஞ்சி – பூண்டு விழுது – ஒரு டீஸ்பூன்
நெய் – ஒரு டீஸ்பூன்
உப்பு – தேவையான அளவு
தாளிக்க…
பட்டை, லவங்கம் – 2
பிரியாணி இலை – 2
மராத்தி மொக்கு – ஒன்று
எண்ணெய் – தேவையான அளவு
எப்படிச் செய்வது?
குதிரைவாலி அரிசியை நன்றாகக் கழுவி, பத்து நிமிடங்கள் ஊறவைக்கவும். குக்கரில் எண்ணெய்விட்டுத் தாளிக்கக்கொடுத்துள்ள பொருள்களைத் தாளித்து, பச்சை மிளகாய், வெங்காயம், இஞ்சி – பூண்டு விழுது சேர்த்து வதக்கவும். பிறகு தக்காளி, காய்கறிகள், உப்பு சேர்த்து வதக்கவும். அத்துடன் அரிசி, 2 கப் தண்ணீர் ஊற்றி, குக்கரை மூடி ஒரு விசில்விட்டு இறக்கவும். குக்கரில் ஆவி அடங்கிய பிறகு மூடியைத் திறந்து, நெய்விட்டுக் கிளறிச் சூடாகப் பரிமாறவும்.
எடைக்குறைப்புக்கு பழங்களும் சூப்பும் உதவுமா?
