தமிழக அரசு சார்பில் 2023 ஆம் ஆண்டுக்கான அரசு விடுமுறை தினங்கள் அறிவிக்கப்பட்டுள்ளன.
வரும் 2023 ஆம் ஆண்டிற்கான தமிழக அரசின் விடுமுறை நாட்கள் பட்டியல் இன்று ( அக்டோபர் 12 ) வெளியிடப்பட்டுள்ளது.
ஏப்ரல் 14 ஆம் தேதி தமிழ் புத்தாண்டு என அறிவிக்கப்பட்டு மொத்தம் 24 நாட்கள் விடுமுறை அளிக்கப்பட்டுள்ளது.
அதன்படி, ஜனவரி மற்றும் ஏப்ரல் மாதங்களில் அதிகபட்சமாக 5 நாட்கள் அரசு விடுமுறை அளிக்கப்பட்டுள்ளது.
ஜனவரி 1(ஞாயிறு) ஆங்கில புத்தாண்டு, ஜனவரி 15 (ஞாயிறு) பொங்கல், ஜனவரி 16 (திங்கள்) திருவள்ளுவர் தினம், ஜனவரி 17 (செவ்வாய்) உழவர் தினம், ஜனவரி 26 (வியாழன்) குடியரசு தினம்,
பிப்ரவரி 5 (ஞாயிறு) தைப்பூசம், மார்ச் 22 (புதன்) தெலுங்கு வருடப் பிறப்பு ஆகியவற்றுக்கு அரசு விடுமுறை விடுக்கப்பட உள்ளது.
மேலும் ஏப்ரல் 1 (சனி) வங்கிகள் ஆண்டு கணக்கு முடிவு, ஏப்ரல் 4 (செவ்வாய்) மகாவீர் ஜெயந்தி, ஏப்ரல் 7 (வெள்ளி) புனித வெள்ளி,
ஏப்ரல் 14 (வெள்ளி) தமிழ் புத்தாண்டு/அம்பேத்கர் ஜெயந்தி, ஏப்ரல் 22 (சனி) ரம்ஜான், மே 1 (திங்கட்கிழமை) மே தினம் ஆகியவற்றுக்கும் அரசு விடுமுறை விடுக்கப்பட உள்ளது.
அதுபோல், ஜூன் 29 (வியாழன்) பக்ரீத், ஜூலை 29 (சனி) மொகரம், ஆகஸ்ட் 15 (செவ்வாய்) சுதந்திர தினம், செப்டம்பர் 6 (புதன்) கிருஷ்ண ஜெயந்தி,
செப்டம்பர் 17 (ஞாயிறு) விநாயகர் சதுர்த்தி, செப்டம்பர் 28 (வியாழன்) மிலாது நபி ஆகியவற்றுக்கும் அரசு விடுமுறை விடுக்கப்பட உள்ளது.
இதுதவிர அக்டோபர் 2 (திங்கள்) காந்தி ஜெயந்தி, அக்டோபர் 23 (திங்கள்) ஆயுத பூஜை, அக்டோபர் 24 (செவ்வாய்) விஜயதசமி,
நவம்பர் 12 (ஞாயிறு) தீபாவளி, டிசம்பர் 25 (திங்கள்) கிறிஸ்துமஸ் ஆகியவற்றுக்கும் அரசு விடுமுறை விடுக்கப்பட உள்ளது..
இதில் ஆங்கில புத்தாண்டு, பொங்கல், தைப்பூசம், தீபாவளி, விநாயகர் சதுர்த்தி உள்ளிட்ட 5 அரசு விடுமுறை தினங்களும் ஞாயிற்றுக்கிழமைகளில் வர உள்ளது குறிப்பிடத்தக்கது.
மு.வா.ஜெகதீஸ் குமார்
சென்னை மாநகராட்சி எடுத்த அதிரடி முடிவு!
கமிஷன் வாங்கும் கமிஷனர்: திமுக எம்எல்ஏ குற்றச்சாட்டு!
