erode temperature tamil nadu imd

வெயில் அதிகம் அடிக்கும் ‘டாப் 5’ மாவட்டங்கள் இதுதான்!

தமிழகம்

இன்றும் (மார்ச் 5), நாளையும் (மார்ச் 6) வெப்பநிலை அதிகரிக்கக்கூடும் என, வானிலை ஆய்வு மையம் எச்சரிக்கை விடுத்துள்ளது.

இதுகுறித்து வானிலை மையம் வெளியிட்டுள்ள அறிக்கையில், ”இன்று தொடங்கி வருகின்ற 11-ம் தேதி வரை தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.

இன்றும், நாளையும் தமிழகத்தில் ஓரிரு இடங்களில் அதிகபட்ச வெப்பநிலை இயல்பை விட 2 முதல் 3 டிகிரி செல்சியஸ் அதிகமாக இருக்கக்கூடும்.

அதிக வெப்பநிலை மற்றும் அதிக ஈரப்பதம் இருக்கும் பொழுது அசௌகரியம் ஏற்படலாம். சென்னை மற்றும் புறநகர் பகுதிகளில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும்.

அதிகபட்ச வெப்பநிலை 33-34 டிகிரி செல்சியஸை ஒட்டியும், குறைந்தபட்ச வெப்பநிலை 23-24 டிகிரிசெல்சியஸை ஒட்டியும் இருக்கக்கூடும். கடந்த 24 மணி நேரத்தில் பதிவான மழை அளவு ஏதுமில்லை அதேபோல மீனவர்களுக்கான எச்சரிக்கையும் எதுவுமில்லை”, என தெரிவித்துள்ளது.

இதேபோல தமிழ்நாட்டில் வெயில் அதிகம் பதிவாகியுள்ள இடங்கள் குறித்தும் வானிலை மையம் தகவல் வெளியிட்டுள்ளது. அந்தவகையில் ஈரோடு மாவட்டம் 39 டிகிரி செல்சியஸ் உடன் முதல் இடத்தினையும், நாமக்கல் மாவட்டத்தின் கரூர்-பரமத்தி 38.5 டிகிரி செல்சியஸ் உடன் இரண்டாவது இடத்தினையும் பிடித்துள்ளது.

erode temperature tamil nadu imd

37.7 டிகிரி செல்சியஸ் உடன் சேலம் 3-வது இடத்தினையும், மதுரை 37.2 டிகிரி செல்சியஸ் 4-வது இடத்தினையும், தர்மபுரி 37 டிகிரி செல்சியஸ் உடன் 5-வது இடத்தினையும் பிடித்துள்ளது.

தென் தமிழக கடலோர மாவட்டங்கள்: ராமநாதபுரம், திருநெல்வேலி, தூத்துக்குடி, கன்னியாகுமரி.

டெல்டா மாவட்டங்கள்: தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை.

தென் தமிழக உள் மாவட்டங்கள்: சிவகங்கை, விருதுநகர், தேனி, திண்டுக்கல், மதுரை, தென்காசி.

தென் தமிழக மாவட்டங்கள் : ராமநாதபுரம், திருநெல்வேலி, தென்காசி, தூத்துக்குடி, தேனி, கன்னியாகுமரி, சிவகங்கை, விருதுநகர், திண்டுக்கல், மதுரை.

வட தமிழக மாவட்டங்கள்: சென்னை, காஞ்சிபுரம், செங்கல்பட்டு, திருவள்ளூர், கடலூர், விழுப்புரம்,கள்ளக்குறிச்சி, தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை.

வேலூர், திருப்பத்தூர், ராணிப்பேட்டை, திருவண்ணாமலை, கிருஷ்ணகிரி, சேலம், தர்மபுரி, நாமக்கல், நீலகிரி, திருப்பூர், கோயம்புத்தூர், ஈரோடு, கரூர், திருச்சிராப்பள்ளி, அரியலூர், பெரம்பலூர்.

-மஞ்சுளா

செய்திகளை உடனுக்குடன் தெரிந்து கொள்ள மின்னம்பலம் வாட்ஸ் ஆப் சேனலில் இணையுங்கள்…

எல்லாம் தெரிஞ்சும் எப்படி அவர கேப்டன் ஆக்கினீங்க?… முன்னாள் வீரர் ஆதங்கம்!

ரஜினி பட ஷூட்டிங்கில் ராணா

+1
0
+1
0
+1
3
+1
5
+1
0
+1
0
+1
2

Leave a Reply

Your email address will not be published. Required fields are marked *