தமிழ் சினிமா ஆண்டு கடைசியில் 241 நேரடி தமிழ் திரைப்படங்கள் வெளியீட்டுடன் முடிவுக்கு வந்துள்ளன.
இந்த 241 படங்களில் குடைசாய்ந்த கோபுரங்கள் அதிகம். கோபுரத்தை தொட்ட சாமான்யர்கள் குறைவு என்றே கூறலாம். 241 படங்களுக்கான முதலீடாக கார்ப்பரேட் நிறுவனங்கள், தனி தயாரிப்பு நிறுவனங்கள், சினிமா தயாரிப்பாளராக வேண்டும் என்ற ஆர்வக்கோளாறில் முதன்முறை பட தயாரிப்பில் முதலீடு செய்த தொகை என சரியாக அல்ல தோராயமாக கணக்கிட்டால் சுமார் 3000ம் கோடி ரூபாய் இருக்கும்.
முதல்முறை படம் தயாரித்த தயாரிப்பாளர்கள் தாங்கள் முதலீடு செய்த பணத்தை முழுமையாக வியாபாரம், வசூல், பிற உரிமைகள் மூலம் பெற முடியவில்லை. இந்த வருடத்தில் அதிகபட்ச வசூல் செய்த படங்கள் அனைத்தும் கார்ப்பரேட் நிறுவனங்கள், தொடர்ச்சியாக படத்தயாரிப்பில் இருக்கும் நிறுவனங்களின் தயாரிப்புகளே.
சிறுபட்ஜெட்டில் அறிமுக இயக்குநர்கள் இயக்கிய டாடா, குட் நைட், போர் தொழில், இறுகப்பற்று, பார்க்கிங், அயோத்தி, சித்தா, ஆகிய படங்கள் பிரம்மாண்ட படங்களுக்கு மத்தியில் களமிறங்கி படைப்புரீதியாகவும், வசூல் அடிப்படையிலும் பட்ஜெட்டுக்கு ஏற்ப அபரிமிதமான வசூலை குவித்திருக்கின்றன.
இந்த படங்களை இயக்கிய அனைத்து இயக்குநர்களும் பெரிய நிறுவனங்கள் தயாரிக்கும் படங்களை இயக்கும் வாய்ப்பை பெற்றுள்ளனர். ஏற்கனவே ஜனவரி – ஜூன் வரையில் வெளியான படங்களின் வெற்றிதோல்விகளை பதிவு செய்திருக்கிறோம். ஜூலை – டிசம்பர் இறுதிவரை 133 நேரடி தமிழ் திரைப்படங்கள் வெளியாகியுள்ளது.
சிவகார்த்திகேயன் நடிப்பில் வெளியான மாவீரன், ரஜினிகாந்த் நடிப்பில் வெளியான ஜெயிலர், விஷால் நடிப்பில் வெளியான மார்க் ஆண்டனி, சித்தார்த் நடிப்பில் வெளியான சித்தா, விக்ரம்பிரபுவின் இறுகப்பற்று, விஜய் நடிப்பில் வெளியான லியோ, கார்த்திக் சுப்ராஜ் இயக்கிய ஜிகர்தண்டா டபுள் X, ஹாரிஷ் கல்யாணின் பார்க்கிங், ஃபைட்கிளப் ஆகிய ஒன்பது படங்கள் மட்டுமே வணிகரீதியாக திரையரங்குகளில் வசூலை செய்த படங்களாகும். கிரிக்கெட் வீரர் எம்.எஸ்.தோனி முதல் முறையாக திரைப்பட தயாரிப்பில் தமிழ் சினிமாவில் முதலீடு செய்த LGM படம் வெற்றிபெறவில்லை.
சந்தானம் நடிப்பில் வெளியான DD ரிட்டன்ஸ், கிக், 80s, இயக்கத்தில் பாரதிராஜா, கெளதம் மேனன் நடித்த கருமேகங்கள் கலைகின்றன, சேரன் நடிப்பில் வெளிவந்த தமிழ் குடிமகன், ஏகப்பட்ட பில்டப்புகளுடன் பி.வாசு இயக்கத்தில் ராகவா லாரன்ஸ், கங்கணா ரணாவத் நடித்த சந்திரமுகி, மனோஜ் பாரதி இயக்குநராக அறிமுகமான மார்கழி திங்கள், ராஜுமுருகன் இயக்கிய ஜப்பான், நயன்தாரா நடித்த அன்னபூரணி ஆகிய படங்கள் எதிர்பார்ப்பை பொய்யாக்கி வசூல் அடிப்படையில் வெற்றி பெறவில்லை.
விஜய்சேதுபதி நடிப்பதாக அறிவிக்கப்பட்டு தமிழர்கள் எதிர்ப்பு காரணமாக நடிக்காமல் விலகி கொண்ட இலங்கை கிரிக்கெட் வீரர் முத்தையா முரளிதரன் பயோபிக் படமான 800 இந்தி, தமிழில் தயாரிக்கப்பட்டு வெளியானது. எம்.எஸ்.ஸ்ரீபதி இயக்கத்தில் மிட்டல் நடித்த இப்படம் வந்த சுவடே தெரியாமல் திரையரங்குகளை விட்டு வெளியேறியது.
லாபத்தை மட்டுமே பிரதானமாக கொண்ட சினிமாவில் மசாலா படங்களுக்கு மத்தியில் மறைந்த முன்னாள் அமைச்சர் கக்கன் பயோபிக் திரைப்படம் தயாரிக்கப்பட்டது. அதன் இசை ஒலி நாடாவை தமிழ்நாடு முதல்வர் மு.க.ஸ்டாலின் வெளியிட்டு சிறப்பித்தார். கக்கன் என்ற பெயரில் அப்படியொரு படம் வெளியானதே தெரியாமல் போனது குறிப்பிடத்தக்கது.
2022ல் 188 நேரடி தமிழ் படங்கள் வெளியானது. இந்த வருடம் கூடுதலாக 53 திரைப்படங்கள் வெளியாகியிருந்தாலும் வெற்றிபெற்ற படங்களின் எண்ணிக்கை அதிகரிக்கவில்லை. தோல்வி படங்களின் சதவீதம் அதிகரித்துள்ளது. சினிமா தொழிலை நம்பி இருக்கும் தொழிலாளர்களுக்கான வேலைவாய்ப்புக்கு மட்டுமே அதிகரித்த படங்கள் பயன்பட்டிருக்கிறது.
2023 ஜூலை
109. பம்பர்
110.சித்தரிக்கப்பட்டவை
111. இன்பினிட்டி
112. காடப்புறா கலைக்குழு
113.லில்லி
114. ராயர் பரம்பரை
115.வில்வித்தை
116.பாபா பிளாக்சிப்
117. மாவீரன்
118.நேற்று நீ இன்று நான்
119. பொருளு
120. அநீதி
121.அவள் அப்படித்தான்
122. எக்கோ
123. கொலை
124. இராக்கதன்
125.சத்திய சோதனை
126. ஒத்திசை
127. அப்பத்தா
128. அறமுடைத்த கொம்பு
129. DD ரிட்டன்ஸ்
130. டைனோசர்
131.LGM
132. லவ்
133. பீசா 3 தி மம்மி
134. டெரர்
135. யோக்கியன்
2023 ஆகஸ்ட்
136. கல்லறை
137. லாக்டவுன் டைரி
138. பிரியமுடன் ப்ரியா
139. சான்றிதழ்
140. வெப்
141. ஜெயிலர்
142. புரோக்கன் ஸ்கிரிப்ட்
143. விவசாயி எனும் நான்
144.3.6.9.
145. அடியே
146. பாலன் Nஒயிட்
147.கக்கன்
148. பார்ட்னர்
149. ராமர் பாலம்
150. ஹர்கரா
2023 செப்டம்பர்
151. கருமேகங்கள் கலைகின்றன
152.கிக்
153. லக்கிமேன்
154. பரம்பொருள்
155. ரங்கோலி
156. தமிழ் குடிமகன்
157. அங்காரகன்
158. நூடுல்ஸ்
159. ஓங்கி அடிச்சா ஒன்னரை டன் வெயிட்
160. ரெட் சாண்டல்வுட்
161. ஸ்டிக்கர்
162. துடிக்கும் கரங்கள்
163. ஆன்மீக அழைப்பு
164. என் 6 வாத்தியார்
165.மார்க் ஆண்டனி
166. பரிவர்த்தனை
167.ஆர் யூ ஓகே பேபி
168. டீமான்
169. ஜமா
170. காதல்
171. கெளப்பய
172. உலகம்மை
173.சந்திரமுகி
174. சித்தா
175. இறைவன்
2023 அக்டோபர்
176.800 The Move
177. தில்லு இருந்தா பாருடா
178. என் இனிய தனிமை
179. எனக்கு என்டே கிடையாது
180. இந்த கிரைம் தப்பில்ல
181. இறுகப்பற்று
182. இரத்தம்
183. ஷாட்பூட் த்ரீ
184. திரோடு
185.Akku
186.Gundansatti
187. மைலாஞ்சி
188. புது வேதம்
189. லியோ
190. திரையின் மறுபக்கம்
2023 நவம்பர்
191. மார்கழி திங்கள்
192. கபாலி ரிட்டன்ஸ்
193. கொம்பு குதிரைகள்
194.லைசன்ஸ்
195. ராரா சரசுக்கு ராரா
196. ரூல் எண் 4
197. ஜப்பான்
198. ஜிகர்தண்டா டபுள் x
199. ரெய்டு
200. கிடா
201. அம்பு நாடு 9 குப்பம்
202. சித்ரா
203.80s பில்டப்
204. அழகிய பூங்கொத்து
205. ஜோ
206.குய்கோ
207. லாக்கர்
208. சில நொடிகளில்
209. அன்னபூரணி
2023 டிசம்பர்
210.நாடு
211. பார்க்கிங்
212.சூரகண்
213.வா வரலாம் வா
214. ஆத்மிகா
215.அவள் பெயர் ரஜினி
216. கான்ஜுரிங் கண்ணப்பன்
217. கட்டில்
218. தீ இவன்
219.அகோரி
220. ஃபைட் கிளப்
221.கண்ணகி
222. பாட்டி சொல்லை தட்டாதே
223.ஸ்ரீ சபரி ஐயப்பன்
224. தீதும் சூதும்
225. விவேசினி
226. ரஜினி ரசிகன்
227. ஜிகிரி தோஸ்த்
228. சபா நாயகன்
229. ஆயிரம் பொற்காசுகள்
230. பிரியம்மா
231.ஜெய் விஜயம்
232.மதிமாறன்
233.மூத்தகுடி
234.மூன்றாம் மனிதன்
235.நந்திவர்மன்
236.ஓடவும் முடியாது ஒளியவும் முடியாது
237.பேய்க்கு கல்யாணம்
238.ரூட் நம்பர் 17
239.சரக்கு
240.டிக் டாக்
241.வட்டார வழக்கு
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
‘கனவில் வருவது பிடிக்கும் என்றேன்’ மணியை கிண்டலடித்த போட்டியாளர்கள்!
தூங்கி கொண்டிருந்த 4 பேர் பரிதாப பலி!