ஐடி-யில் ஜாக்பாட்! தாட்கோ-வின் இலவச ஏஐ பயிற்சி – சாப்பாடு, தங்குமிடம் ‘ப்ரீ’! மிஸ் பண்ணிடாதீங்க பாஸ்!

By Santhosh Raj Saravanan

|

Published on 12 Feb 2026, 10:57 PM

tahdco free aws restart ai programmer training chennai apply online

சென்னை: “என்னப்பா… ‘ஐடி ஃபீல்டுல ஒரு பெரிய வேலைக்குப் போகணும், ஆனா அதுக்கு லட்சக்கணக்குல செலவு பண்ணி கோர்ஸ் படிக்க வசதி இல்லையே’ன்னு கவலைப்படுறீங்களா? ‘இந்த ஏஐ (AI) டெக்னாலஜி பத்தி கத்துக்கணும்னு ஆசை இருக்கு, ஆனா யாரு சொல்லிக் குடுப்பாங்க?’ன்னு யோசிக்கிற தம்பி, தங்கச்சிகளா… உங்க கவலையைத் தூக்கி குப்பையில போடுங்க பாஸ்! இதோ தமிழ்நாடு அரசே களம் இறங்கிடுச்சு. ஒரு பைசா செலவில்லாம, நீங்க ஒரு ஏஐ புரோகிராமரா மாற ஒரு ‘கோல்டன் டிக்கெட்’ காத்துட்டு இருக்கு!”

தமிழக அரசின் ஆதிதிராவிடர் வீட்டு வசதி மற்றும் மேம்பாட்டுக் கழகம் (TAHDCO), உலகப் புகழ்பெற்ற அமேசான் நிறுவனத்துடன் (AWS) கைகோர்த்து, ஒரு அதிரடித் திட்டத்தைக் கொண்டு வந்திருக்கு. ‘அமேசான் வலை சேவைகள் மறுதொடக்கம் – செயற்கை நுண்ணறிவு’ (AWS re/Start – AI Programmer) என்ற உயர்தரப் பயிற்சியை முற்றிலும் இலவசமாக வழங்கப்போகிறது. “வெறும் படிப்பு மட்டும் இல்ல பாஸ்… சென்னையில தங்குறதுக்கும், சாப்பிடுறதுக்கும் கூட நீங்க ஒரு ரூபா செலவு பண்ண வேணாம். அதுவும் தாட்கோ-வே பாத்துக்கும்!”

ADVERTISEMENT

யாரெல்லாம் அப்ளை பண்ணலாம்? (Eligibility Check)

இந்த ‘ஜாக்க்பாட்’ வாய்ப்பு சமூகத்தில் பின்தங்கிய திறமையான இளைஞர்களுக்காகவே உருவாக்கப்பட்டுள்ளது:

  • சமூகப்பிரிவு: நீங்கள் ஆதிதிராவிடர் (SC) அல்லது பழங்குடியினர் (ST) வகுப்பைச் சேர்ந்தவராக இருக்க வேண்டும்.
  • கல்வித்தகுதி: குறைந்தபட்சம் 12-ஆம் வகுப்பு (HSC) தேர்ச்சி பெற்றிருக்க வேண்டும். (பட்டதாரிகள் மற்றும் டிப்ளமோ முடித்தவர்களுக்குக் கூடுதல் முன்னுரிமை உண்டு பாஸ்!).
  • வருமான வரம்பு: குடும்ப ஆண்டு வருமானம் ரூ. 3 லட்சத்திற்கும் குறைவாக இருக்க வேண்டும்.
  • வயது வரம்பு: (பிப்ரவரி 1, 2026 நிலவரப்படி) 18 வயது பூர்த்தியடைந்திருக்க வேண்டும் மற்றும் 25 வயதுக்குள் இருக்க வேண்டும்.

பயிற்சி விவரங்கள் (Training Snapshot):

  • பயிற்சி காலம்: இது 2 மாத கால தீவிரப் பயிற்சி (Full-time).
  • இடம்: சென்னை.
  • வசதிகள்: தேர்வு செய்யப்படும் மாணவர்களுக்குப் பயிற்சி காலத்தில் தங்குமிடம் மற்றும் உணவு வசதி முற்றிலும் இலவசமாக வழங்கப்படும்.
  • பாடத்திட்டம்: ஏஐ புரோகிராமர், கிளவுட் கம்ப்யூட்டிங், பைதான், லினக்ஸ், நெட்வொர்க்கிங் மற்றும் செக்யூரிட்டி போன்ற லேட்டஸ்ட் டெக்னாலஜிகள் கற்றுத்தரப்படும்.
  • வேலைவாய்ப்பு: பயிற்சியை வெற்றிகரமாக முடிப்பவர்களுக்கு அமேசான் உள்ளிட்ட முன்னணி ஐடி நிறுவனங்களில் வேலைவாய்ப்புகள் பெற்றுத் தரப்படும்.

இதை கவனிங்க:

  1. ஏஐ தான் எதிர்காலம்: இப்போ இருக்குற ஐடி உலகத்துல ஏஐ தெரிஞ்சவங்களுக்குத் தான் ‘டிமாண்ட்’ அதிகம். இந்த 2 மாசப் பயிற்சியை நீங்க சரியா பயன்படுத்திக்கிட்டா, ஆரம்ப சம்பளமே லட்சங்களைத் தொட வாய்ப்பு இருக்கு!
  2. சர்டிபிகேட் வேல்யூ: அமேசான் (AWS) கொடுக்கிற அந்த டிஜிட்டல் பேட்ஜ் மற்றும் சான்றிதழ் உங்க ரெஸ்யூம்ல இருந்தா, அது ஒரு ‘Golden Ticket’ மாதிரி. எந்த கம்பெனியும் உங்களை இண்டர்வியூ கூப்பிடத் தயங்க மாட்டாங்க.
எப்படி விண்ணப்பிப்பது?

விருப்பமுள்ள தகுதியான இளைஞர்கள் தாட்கோவின் அதிகாரப்பூர்வ இணையதளமான www.tahdco.com என்ற பக்கத்திற்குச் சென்று ஆன்லைனில் விண்ணப்பிக்கலாம். விண்ணப்பிக்கும் போது உங்களுடைய சாதிச் சான்றிதழ், வருமானச் சான்றிதழ், கல்விச் சான்றிதழ் மற்றும் ஆதார் கார்டு நகல்களைச் சரியாக அப்லோடு செய்ய மறக்காதீங்க!

ADVERTISEMENT

முடிவாக…

ஒரு ஐடி புரோகிராமரா கெத்தா காலரைத் தூக்கி விட இது ஒரு செம சான்ஸ். படிப்பு, சாப்பாடு, தங்குமிடம்னு எல்லாமே ப்ரீ-யா கிடைக்கும்போது ஏன் தயக்கம் பாஸ்? கிளம்புங்க சென்னைக்கு!

ADVERTISEMENT

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Santhosh Raj Saravanan

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel